Sustainability Performance: At a glance (31 March 2012) - Safaricom

Executive summary
Ni mwanzo wa safari ya kusisimua
Nafurahia mno fursa ya kuwasilisha kwenu taarifa hii ya kwanza ya
kudumisha usitawi inayoashiria mfululizo wa mafanikio. Ni tukio muhimu
na la kusisimua kwetu sisi kama Shirika la hapa Kenya, kwa vile ni
dhihirisho la kujitolea kwetu kuzidi kupania faida na kuwajibika kusimamia
vyema mchango wetu katika uchumi, jamii, mazingira na kwenye jumuiya
tunakoendeshea shughuli zetu na tunakoendelea kuungwa mkono.
Kwa vile hii ni taarifa yetu zinduzi, ndiposa ikawa na taswira ya safari
ya kusisimua ambayo sisi kama kampuni na pia kama watu binafsi
tumeianza. Kudumisha usitawi na kuripotiwa kwake kunajumuisha mengi
zaidi ya utaratibu, sera na desturi za kibiashara, ni falsafa na mpangilio wa
maadili yanayoongoza na kufafanua maamuzi kwote katika kampuni, na
inaonyesha hali mambo itakavyokuwa katika mstakabala wetu.
Ujumbe Wa
Mwenyekiti
Bw. Nicholas Nganga
Ubunifu bado unasalia
kuwa kichocheo
muhimu cha ukuaji na
tunaendelea kuangazia
utoaji wa bidhaa na
huduma zinazoongezea
thamani katika maisha
ya wakenya
Tunawasilisha kwenu taarifa hii tukiwa na
msimamo huo, taarifa yenye maelezo yaliyo wazi
na yanayojumlisha hali halisi ya mafanikio yetu na
malengo yetu katika siku zijazo. Hii ni moja tu kati
ya ripoti nyingi zitakazokujieni, na inawakilisha
kigezo kinachoonyesha mahala tulipo sasa na
mwanzo wa gumzo linaloendelea juu ya safari ya
kusisimua tunayodhamiria kuanza.
Mambo mapya yanayojiri na
Mashaka yake
Hali yetu ya siku zijazo inategemea zaidi
baadhi ya matukio yanayojiri humu nchini
na katika eneo hili. La muhimu kutajwa
hapa ni mwelekeo wa athari ya mabadiliko
ya uchumi wa ulimwengu, teknolojia yenye
kasi inayobadilika kila kunapokucha na huku
mipaka ikiendelea kunywea. Miongoni mwa
baadhi ya mashaka yanayotukabili kwa
sasa ni, kupanda mara kwa mara kwa bei ya
mafuta na kubadilikabadilika kwa kima cha
ubadilishanaji pesa za kigeni hali ambayo
inaathiri mno mazingira ya biashara yetu, lakini
tumeendelea kuwasilisha matokeo mazuri na
faida tunayopata tumeitumia kuwekeza zaidi
katika muundo msingi wetu, kukiwa na zaidi ya
KShs Bilioni 25 za faida itokanayo na mauzo ya
rasilimali zikiwekezwa katika kipindi cha mwaka
wa kifedha wa 2012/13
Ni jambo lililo wazi kuwa utekelezaji wa
sheria pia unaathiri udumishaji wa usitawi
wetu na tuko mstari wa mbele kuanzisha
mashauriano na serikali pamoja na mamlaka
mbali mbali za kusimamia utekelezaji kanuni,
huku tukilinda na kusaidia biashara hii kwa
ujumla kupitia kuimarisha maelewano na
mipango yenye manufaa.
Ubunifu unaendelea kuwa
kichocheo muhimu
Ubunifu bado unasalia kuwa kichocheo
muhimu cha ukuaji na tunaendelea kuangazia
utoaji wa bidhaa na huduma zinazoongezea
thamani katika maisha ya wakenya. Mfano
mzuri wa ubunifu wetu ni M-PESA, huduma
yetu ya uhawilishaji pesa kupitia simu ya
mkononi. Kukiwa na wateja zaidi ya milioni
15 na mawakala zaidi ya 39, 000, M-PESA
inaendelea kupata ukuaji imara na kuchangia
pakubwa kuboresha hali ya wakenya na jinsi
wanavyoendesha shughuli zao za kila siku.
Kutekeleza uwajibikaji wa
maswala ya jamii
Vile vile tunajivunia mchango ambao taasisi
ya Safaricom Foundation inaendelea
kutoa katika kuboresha maisha ya
wakenya. Safaricom Foundation, ambayo
ilisajiliwa mwaka wa 2003, ni taasisi huru
ya kuchangisha pesa za kusaidia wale
wasiojiweza katika jamii. Ni hazina ya
amana inayotusaidi kutekeleza ahadi yetu ya
kuwekeza katika uwajibikaji kwenye Jumuiya
na inaangazia masuala mbali mbali ya kijamii
kama vile afya, elimu, uwezo wa kiuchumi na
ulindaji wa mazingira. Mpango unaostahili sifa
hapa, ni ile kampeni ya Kenyans for Kenya
ambapo Safaricom Foundation na idara zote
za Safaricom kwa ujumla walihusika sana
katika kuhamisisha wakenya kuchangia pesa
za kusaidia wahanga wa baa la njaa.
Mtazamo wa siku zijazo
Mambo tunayoyapa umuhimu zaidi mwakani
yanategemea ari yetu wa kuboresha huduma,
bidhaa bora zinazotutofautisha na washindani
wetu, kuongeza thamani kwenye hudunma na
utoaji huduma za kipekee kwa wateja. Tutafikia
haya huku tukizingatia zaidi athari yetu kwenye
mazingira yetu, kwenye biashara hii na uchumi
wa Kenya kwa ujumla, haya yote yakienda
sambamba na ahadi yetu ya kuwa shirika
linalochukuana na matakwa ya raia.
16 Safaricom Sustainability Report 2012 Safaricom Sustainability Report 2012 17
”
“
Executive summary