Kamp is Lekker Tydskrif Februarie 2020

Daar is vyf staanplekke waarvan vier gras het. (een is nog
sonder `n grassie, maar is “under construction”. Dit
kom…
Twee van die gras staanplekke is onder koelte – so
tussen die populierbome, en twee staan in die son.
(Bring `n lekker gazebo om staan te maak vir koelte as jy
op die sonplekkies opslaan.)
Daar is waterpunte by die staanplekke, en dis ook nie
nodig om eie drinkwater saam te bring nie.
Bring net genoeg hout! Dis `n wonderlike ervaring om
saans by die vuurmaakplek onder die bome gesellig met
`n brandwatertrjie te sit en kuier – by die vuur! (Ek is
seker Heinn sal hout verkoop as jou voorraad op is. Reël
net voor-af met hom.)
Regs: Die tradisie leef voort:
as die son sak, steek ek die
vuur aan, en ek groet die
dag met `n goeie
brandwater – skoon – net
soos hy uit die bottel kom!
Jy teug aan hom soos `n
likeur! “Brannas-en-Coke”?
Nooit nie!
Onder: Die ablusieblok en
die donkie…
Regs: Twee storte en twee
toilette (met `n salige uitsig
as jy die deur sou oophou…)
`n Idee:
Die gedagte agter die staanplekke, of aldan die hele kampplek, is dat drie of vier gesinne dit deel. Vriendegroepe wat
mekaar ken. Die staanplekke is na aan mekaar, en dis perfek vir `n wegbreek vir groepe waarvan mense mekaar reeds
ken. Sommer so lekker “happy family”-storie! Natuurlik kan jy alleen kom ook met net jou eie gesin, maar dis `n
kuierplekkie in die bos, en dis totaal privaat! Jy het niks met die boerdery of die res van die plaas waar daar gewerskaf
word, te doen nie… Hemels! Dis ook hoekom daar `n aparte gesamentlike vuurmaakplek gebou is. Almal sommer so
saam om die vuur! Jy ruik al die rook, en die potjie. Kom kyk self! (Daar is ook `n los braaidrom as jy by jou staanplek
wou braai.)