Accomplishment report BE 2020 V1.1 FINAL

FREQUENTLY ASKED QUESTIONS
MAGULANG….
SA PANAHON NG COVID-19
Q: Bilang isang magulang ano po ang dapat naming malaman at isaalang-alang ngayon sa panahon
ng COVID-19 sa darating na pasukan?
A:
Hindi maikakaila na nagbigay ng pagkakataon
sa maraming pamilya ang Community Quarantine
upang magsama-sama at maglaan ng oras sa
bawat isa. Ang pananatili sa tahanan ay nagbigay
ng pagkakataon upang maipadama ang
pagmamahal at atensyon sa bawat miyembro
ng pamilya. Subalit marami sa mga magulang
o tagapangalaga ng mga bata sa mga tahanan
ang dumaranas din ng pagkalito at mga hamon.
Isa na rito ang nalalapit na pasukan para sa
panuruang 2020-2021.
Ang madalas itanong ng mga magulang ay;
Ano ang pwedeng learning delivery modality
para sa aking anak?
Dahil sa banta ng COVID-19, magkakaroon ng
pagbabago ang paraan ng pagtuturo at pagaaral
ng mga estudyante sa darating na pasukan.
Binigyang diin ng Department of Education
(DepEd) na hindi papupuntahin ang mga
estudyante at guro sa mismong paaralan kapag
nagsimula na ang mga klase sa ika-5 ng Oktubre.
Ipinaliwanag ni Education Undersecretary
Diosdado San Antonio na magpapatupad ang
kagawaran ng iba’t ibang paraan para maihatid
sa mga estudyante ang kanilang mga lesson sa
darating na school year. Ayon kay USEC. San
Antonio, depende sa situwasyong pangkulusugan
ng isang lugar kung aling”Learning Delivery
Modality” ang ipatutupad ng mga paaralan
doon. Ilan sa mga ito ay ang mga sunusunod;
DISTANCE LEARNING - kung saan hindi pisikal
na magkasama o magkaharap ang guro at
estudyante. Sa ilalim nito, maaaring matuto ang
mga bata sa pamamagitan ng online platform
at printed module na ibibigay ng paaralan, may
mga lesson na mapapanood sa telebisyon o
mapapakinggan sa radio.
LIMITADONG FACE-TO-FACE - kung saan
magkakaroon ng pisikal na interaksiyon sa
pagitan ng guro at estudyante, pero gagawin
lamang ito sa mga lugar na ligtas. Lilimitahan na
lang hanggang 20 mag-aaral sa isang silid-aralan
mula sa dating 40 mag-aaral sa loob ng silid-aralan.
BLENDED LEARNING - ito ay kombinasyon ng
online learning at tradisyonal na face-to-face
learning. Ito ay para sa mga batang gustong
matuto pero may limitasyon ukol sa pagpunta sa
paaralan.
HOMESCHOOLING – ito ay isang paraan ng
pagtuturo sa bata na kung saan ang mga magulang
o guardians ang magtuturo sa bahay sa halip na
pumunta sila sa paaralan. Matagal ng legal ang
homeschooling sa Pilipinas. Ito ay ginagawa ng
mga magulang na ayaw pag-aralin ang mga anak
nila sa eskuwelahan.
MODULAR DISTANCE LEARNING – isang
pamamaraan ng pag-aaral na ginagamit kung
ang mga guro at estudyante ay hindi pisikal na
magkasama o magkaharap. Maaaring gumamit ng
mga printed module o mga module na nasa digital
format gaya ng CD, DVD, laptop, computer, tablet,
o smartphone ang mga guro at mag-aaral.
Sa huli, malaya ang magulang na magdesisyon
o pumili ng angkop na Learning Delivery Modality
para sa kanyang anak kung saan sila madadalian.
Dahil sa lahat ng mga pamamaraang pagkatuto na
inilatag ng DepEd sa taong ito para sa kanilang mga
anak, ang magulang ang kanilang makakatulong
o magtuturo, sa patnubay ng mga guro upang
makasulong sila at hindi mapag- iwanan sa larangan
ng edukasyon. Ang mahalaga ay ligtas, malusog,
masigla at handa silang makapagpapatuloy ng
kanilang pag-aaral sa kabila ng pandemya.
For questions, comments, and suggestions, e-mail us at
mtviewelementaryschool54@gmail.com or 158009@
deped.gov.ph or message us on our official facebook
page: @MT.VIEWES. Sender’s name may be withheld
upon request.