Anti-Racist Allyship Toolkit

Cwestiynau Cyffredin
Beth sydd angen i mi ei wneud i fod yn gynghreiriad?
I fod yn gynghreiriad mae angen i chi fod yn wrth-hiliol yn weithredol ac yn
llafar yn gyson. Siaradwch yn erbyn anghyfiawnder a phwysleisiwch leisiau
grwpiau ymylol. Gyrrwch newid yn eich gweithle, cymuned leol a gyda theulu a
ffrindiau.
Sut mae cychwyn arni gyda bod yn gynghreiriad?
Mae bod yn gynghreiriad yn sgil: Rydych chi’n meithrin y gallu dros amser ac
mae’n rhaid i chi fod yn barod i wneud camgymeriadau. Yn gyntaf oll, rhaid
deall y problemau. Siaradwch â’ch cydweithwyr i ddeall yr heriau sy’n eu
hwynebu. Mae pobl yn aml yn ofni cymryd y cam hwn, oherwydd nad ydyn nhw
eisiau bod yn rhyfygus neu ddigio cydweithiwr. Gall hyn deimlo’n annaturiol
neu’n gyffyrddus; i helpu pobl i deimlo’n gyfforddus, ceisiwch gychwyn trwy
siarad am her rydych chi wedi’i hwynebu neu brofiad rydych chi wedi’i gael.
Yn ail, rhaid adnabod eich hun. Cysylltwch â’r problemau rydych chi wedi’u
gweld yn seiliedig ar eich profiadau personol eich hun a sicrhewch eich bod
chi’n deall eich rhagfarnau. Yn olaf, gweithredwch bryd bynnag a sut bynnag
y gallwch. Gall fod mor syml ag atal jôc amhriodol, annog cyfranogiad eang
mewn trafodaeth tîm, neu sicrhau cynhwysiant ar wahoddiadau cinio. Neu gall
fod yn fwy ymroddedig, fel ymuno a chymryd rhan mewn grŵp affinedd neu
weithredu fel mentor neu noddwr ar gyfer gweithiwr medrus o grŵp sydd heb
gynrychiolaeth ddigonol mewn swyddi arweinyddiaeth. (Forbes)
A ddylwn i rannu fideos o droseddau casineb i godi
ymwybyddiaeth?
Mae rhannu fideos graffig yn achosi mwy o niwed na lles. Mae’n drawmatig i
gymunedau o liw weld y fideos hyn. Dewis arall yw rhannu graffeg, ffeithiau a
deisebau i godi ymwybyddiaeth.