Procedurat Standarte të Veprimit për Mbrojtje nga Dhuna në Familje 17 x 24

1. Hyrje
Dhunë në familje është një shkelje e të drejtave të njeriut. Shtetet kanë përgjegjësi për t’i mbrojtur
popullsinë e tyre nga shkeljet e të drejtave të njeriut. Shtetet mund të jenë përgjegjës edhe për aktet
private nëse dështojnë të veprojnë me kujdesin e duhur për të parandaluar shkeljet e të drejtave ose
të hetojnë dhe dënojnë aktet e dhunës dhe për të siguruar kompensim.
Republika e Kosovës ka emëruar një Koordinator Kombëtar Kundër Dhunës në Familje.
Nën autoritetin e Koordinatorit Kombëtar dhe udhëheqjen Agjencisë për Barazi Gjinore, institucionet
e Kosovës që ofrojnë shërbime për viktimat e dhunës në familje janë mbledhur së bashku për të
krijuar këto Procedura Standarde të Veprimit për t’i mbrojtur të drejtat e njeriut të popullatës dhe
për të përmirësuar shërbimet e ofruara për viktimat. Ky grup punues është i përbërë prej anëtarëve
që punojnë në fushën e dhunës në familje. Ata janë ekspertë në fushat e tyre përkatëse. Përvoja e tyre
i lejoi ata të identifikojnë sfidat dhe praktikat më të mira me të cilat ballafaqohet çdo institucion që
punon në ofrimin e shërbimeve për viktimat e dhunës në familje.
Grupi punues për hartimin e PSV-ve ka shqyrtuar praktikat aktuale të secilit institucion. Ata
kanë identifikuar mangësitë në shërbimet e ofruara dhe zonat ku ka konfuzion ose mungesë e
bashkëpunimit në mes institucioneve.
Këto PSV, grupi punës i hartoi për qëllim të eliminimit të mangësive dhe zbatimit të mekanizmave
specifike që të qartësohen rolet e çdo ofruesi të shërbimeve, si dhe të hapë linjat e komunikimit
midis tyre. Ofruesit e shërbimeve duhet t’i interpretojnë PSV-të dhe dispozitave ligjore në frymën e
Konventave Ndërkombëtre dhe Praktikën e Gjykatës Evropiane për të Drejtat e Njeriut.
Problemet e identifikuara gjatë fazës së përgatitjes dhe hartimit të këtyre PSV-ve janë përshirë në 4
kategori :
Rrjedha e procesit;
Ndërgjegjësimi publik;
Rrethanat Personale të Viktimës (gjendja emocionale, arsimimi, aftësia për t’u përballur me
probleme, pozita dhe statusi shoqëror e funksional, etj.) dhe
Burimet (burimet e kufizuara dhe mundësia që nëpërmes PSV-ve të funksionalizohet procesi,
efikasiteti i aktorëve, zbatimi i kompetencave dhe përgjegjësive dhe koordinimi i tyre me akterët
në proces).
Procesi përmes të cilit ofrohen shërbimet shkakton probleme për viktimat, sepse ky proces shpeshherë
mund të jetë i komplikuar. Një viktimë mund të hasë në vështirësi që të identifikojë institucionin se
ku mund të kërkojë ndihmë. Bashkërenditja e ofrimit të shërbimeve në mesin e akterëve të ndryshëm
AGJENCIA PËR BARAZI GJINORE
15