Procedurat Standarte të Veprimit për Mbrojtje nga Dhuna në Familje 17 x 24

4. Parimet udhëzuese
Ky dokument i përshkruan hollësishëm proceset e punës së përditshme që kryhen dhe përcjellen
gjatë trajtimit të rasteve të dhunës në familje. Njëkohësisht se si duhen zhvilluar aktivitetet me qëllim
të mundësimit të pajtueshmërisë në mes kushteve teknike dhe kualitative dhe ofrimit të shërbimeve
kualitative. Ky dokument do t’i ndihmojë ofruesit e shërbimeve në ruajtjen e kualitetit të shërbimeve
të tyre .
Kopjet e PSV-të duhet të jenë lehtësisht të arritshme për referim në vendet e punës të atyre individëve
që aktualisht kryejnë këtë veprimtari.
Këto PSV do t’i minimizojnë dallimet dhe do të promovojnë cilësinë përmes implementimin
konsistent të proceseve dhe procedurave. Ato mund të përdoren si pjesë e programit trajnues të
personelit ngase ofrojnë udhëzime të hollësishme për punë. Këto PSV minimizojnë mundësinë e
komunikimit të gabuar dhe adreson shqetësimet lidhur me sigurinë. Ato duhet të përdoren si
lista të kontrollit dhe do të zvogëlojnë mundin e tepërt në punë duke i përmirësuar krahasimet,
besueshmërinë dhe mbrojtje ligjore.
Poshtë është një listë e parimeve udhëzuese mbi të cilat duhet të bazohen ofruesit e shërbimeve gjatë
fazave të identifikimit, referimit, mbrojtjes, rehabilitimit dhe reintegrimit të viktimave dhe kryerësit
të dhunës në familje:
1. Dhuna në familje trajtohet si shkelje e të drejtave të njeriut. Mbrojtja e të drejtave dhe lirive
themelore të viktimave të dhunës në familje do të jenë gjithmonë në qendër të te gjitha përpjekjeve
për të parandaluar, luftuar dhunën dhe për të mbrojtur, reintegruar dhe kompensuar viktimat
e dhunës në familje.
2. Asnjë veprim kundër dhunës në familje nuk do të cënojë të drejtat dhe dinjitetin e njeriut, në
veçanti të drejtat e viktimave të dhunës në familje por duke respektuar edhe të drejtat e kryerësit
të dhunës në familje.
3. Identifikimi dhe referimi për ndihmë viktimave të dhunës në familje bëhet në bashkërendim
dhe bashkëpunim të plotë të të gjithë akterëve dhe strukturave shtetërore ose joshtetërore.
4. Identifikimi i viktimave të dhunës në familje do të bëhet me qëllim për t’i ndihmuar dhe
mbrojtur ata/ato e jo si qëllim në vetvete.
5. Çdo person që supozohet se është viktimë e dhunës në familje do të trajtohet si viktimë. Nëse
nga aplikimi i procedurave gjendet se ai /ajo nuk është viktimë e dhunës në familje, por gjithsesi
është viktimë e një vepre tjetër penale apo është një person në nevojë për ndihmë, nevojat e tij/
saj nuk duhet të injorohen. Këtyre personave do t’u jepet ndihma e duhur dhe do të referohen
tek shërbimet që plotësojnë nevojat e tyre.
6. Ndihma dhe mbrojtja për viktimat e dhunës në familje nuk do të kushtëzohet nga bashkëpunimi
i tyre me drejtësinë.
AGJENCIA PËR BARAZI GJINORE
27