Procedurat Standarte të Veprimit për Mbrojtje nga Dhuna në Familje 17 x 24

ZYRA E KRYEMINISTRIT
Operatorët e linjës ndihmëse janë pjesë e Zyrës për Mbrojtje dhe Ndihmë Viktimave. Linja ndihmëse
falas mundëson identifikimin e viktimave të dhunës në familje si dhe ndihmon në referimin e tyre
në institucionet e duhura.
Operatorët e linjës ndihmëse ofrojnë informata dhe këshillime.
3.1.4. Prokurori i Shtetit
Bashkëveprimi në mes të Prokurorit dhe viktimës së dhunës në familje zakonisht vjen në shprehje në
procesin e mëvonshëm të raportimit. Prokurorët i vlerësojnë rastet e dhunës në familje dhe shkeljet e
urdhërave mbrojtës për të përcaktuar nëse ka prova të mjaftueshme për t’i ndjekur kryesit e dhunës
në familje. Viktima e dhunës në familje është palë në procedurë dhe njëkohësisht dëshmitari kryesor
i prezentuar në gjykatë nga ana e prokurorit.
Prokurori ka për obligim që të informojë viktimën lidhur me statusin e rastit të saj/tij.
3.1.5. Gjykatat
Gjykatat i shqyrtojnë me prioritet rastet e dhunës në familje. Këto raste trajtohen nga gjykata në
procedurë civile apo penale varësisht nga natyra e rastit. Në raste të rralla gjykatat janë ofruesit e
parë të shërbimeve që ballafaqohen me viktimën e dhunës në falmije. Edhepse gjykata nuk inicon
procedurat lidhur me rastet e dhunës në familje, gjykata nuk është pasive në obligimet e saj ndaj
rasteve të dhunës në familje. Gjykatat, kanë përgjegjësinë e trajtimit të palëve dhe individëve që
shfaqen para tyre, në mënyrë të paanshme, dinjëtoze dhe respekt, duke siguruar mbrojtje adekuate
për të gjitha palët e përfshira në procedurë.
Në procedurë civile, gjykatat shqyrtojnë kërkesën për urdhër mbrojtje ose urdhër mbrojtje emergjente
dhe shqiptojnë masat mbrojtëse të parapara me ligj.
Në procedurë penale, Organet hetuese janë kompetente të vendosin për rastet e ndjekjes penale të
kryerësve të dhunës në familje, të cilët kanë shkelur urdhërin për mbrojte, ose personat që kanë kryer
vepër penale në marrëdhënie familjare. Gjykatat kanë për obligim që t’i njoftojnë të gjitha palët në
procedurë për të drejtat që i përkasin atyre, si dhe pasojat e mosveprimit të tyre.
3.1.6. Departamenti i Mjëkësisë Ligjore/Ministria e Drejtësisë
Viktimat e dhunës në familje takohen me personelin e Departamentit të Mjekësisë Ligjore në bazë
të urdhresës nga organet e hetuesisë dhe gjyqësisë. Qëllimi i ekzaminimit është të sigurojë prova dhe
të vërtetojë nëse ndaj personit është ushtruar ndonjë formë e dhunës. Departamenti i Mjekësosë
ligjore mund të bëjë ekzaminimin e një viktime vetëm me pëlqimin e viktimës. Idealisht ekzaminimi
duhet të bëhet në kohën që do të mundësonte një përshkrim të saktë të lëndimeve të viktimës. Këto
ekzaminime duhet të bëhen me kujdes dhe respekt ndaj gjendjes së viktimës.
3.1.7. Ministria e Punës dhe Mirëqenies Sociale
Ministria e Punës dhe Mirëqenjes Sociale ka mandat hartimin e politikave, programeve,
infrastruktures ligjore si dhe bën monitorimin e kualitetit te sherbimeve sociale
AGJENCIA PËR BARAZI GJINORE
23