Xurdimento 2012 - Blog do Centro Galego de Lleida

CADRO DE HONRA
Manuel Rodríguez Álvarez
Naceu en Eiras-San Amaro (Ourense), o día 16 de Abril de 1935. Pasou a
súa infancia en varias poboacións de Galicia, como son: Eiras, Vilagarcía de
Arousa, Entrimo, etcétera e, de moi novo, ingresou no Corpo da Garda Civil,
do que se retirou co grao de Capitán.
No ano 1977 estando destinado en
Lleida, foi socio fundador da Asociación
Cultural “Centro Galego de
Lleida-Casa de Galicia”, rexistrado co
número 14.
O día 15 de Setembro de 1990, foi nomeado
Secretario da Entidade, cargo
que desempeñou con gran dedicación
e estímulo, até o 9 de Setembro de
1998.
O día 20 de Setembro de 2011 faleceu,
tras unha dura enfermidade e,
como continuación, suxerímosvos que
leades o artigo seguinte “GRAZAS”,
escrito pola súa esposa, no que se
pode apreciar como era Manolo.
Francisco Paz Arias
Naceu en Carballiño no ano 1948, fillo único, e despois dunha serie de
avatares, trasládase coa súa familia a Venezuela onde estiveron uns anos.
Posteriormente regresa a familia a Galicia e ao cabo dun tempo falecen os
seus pais. Entón como consecuencia diso o noso amigo “Paco” ven a Lleida
con 18 anos e queda ao amparo dos seus tíos e avó quen naquela época
rexentaban o bar-restaurante “Nuria” de produtos galegos, o cal frecuentaban
algúns paisanos nosos.
Coñeceu á súa esposa Pilar no ano 67 e, despois de contraer matrimonio no
ano 1975, nace a súa única filla Olga. Ao fundarse o noso Centro Galego
en decembro do ano 1977,
Paco Paz é un dos socios
fundadores co número 25 e nesta primeira etapa estivo
sempre moi activo. É esta a época que lembra a súa esposa
con moito agarimo, sendo precisamente o noso “Paco” o
primeiro Secretario da Entidade dende o 10 de febreiro
de 1978 ao 12 de abril de 1980. Tamén colaborou na
Verbena dos Campos Elíseos, Festa do Polbo, etcétera.
Ao longo da súa vida foi un bo colaborador do noso
Centro estando sempre predisposto a axudarnos cando
se precisaba, facilitándonos mesmo calquera produto de
orixe galega que comprira para determinada ocasión.
11
Xurdimento