LA MARISQUERA - Eladio Verde - Obras completas

Acto Segundo
Saturno Anda, charrán. A ver que ye esto. (LEE Y PAUSA) ¡Vaya! Ya
tardaba. Un anónimu. (LEE EN ALTO) "Saturno: Más te
valiera pensar en el tu fíu que en la Marisquera. Esa muyer
no será pa ti nunca, porque quier a otru. Pronto lo verás si te
fijes un poco por les noches. Quien bien te quiere..." ¡Vaya!
Esto paez cosa de la güela del neñu. ¡Probe! No me choca
que tenga miéu que me case, pero si así fuese, ni iba a
consentir quei faltase na.
Oliva (SALE Y HABLANDO EN DIRECCION DE DONDE VIENE)
¡Embusteru! ¡Baldau! ¡Monigote! ¡A mí no te arrimes más!
¡Inutil! ¡Que ni pesques ni vendes...! Y a usté ya y lo dirá
mi madre, a ver dónde echó les perres del señor cura.
Saturno ¿Que te pasa Oliva?
Oliva Nada, Saturno. ¡Tienenme más aburrida!
Xuan (DENTRO) A ver si calles, antes de que otra cosa sea.
¡Tontorola!
Oliva ¡Ya lo verá, ya! (MUTIS)
Xuan (SALE CON EL CHELU) Menos voces, pazguata. Y has de
saber que mozu como esti no lu vas encontrar en la vida.
Home, Saturno. ¿Tas ahí?
Saturno Aquí estoy, Xuan ¿Qué vos pasa?
Xuan Na. Coses de estos. ¿Qué cuentes?
Saturno Que voy pa la vapora.
Xuan Espera un poco, hom.
Saturno ¿Tas triste, Chelu?
Chelu ¡Estos amores acaben con uno! ¡Pa qué inventaríen les
muyeres!
Xuan Pa estropiamos la tranquilidad, la vida y la cara, porque hoy
desaparezme la mía.
Saturno Eso ye según se mire. El cariñu de una muyer puede mucho.
Xuan Home, ahora que hablaste de eso... tú y la Marisquera,
¿Qué?
ELADIO VERDE