Rapport da gestiun 2008 Banca Raiffeisen Disentis/Cadi

Rapport da gestiun 2008 Banca Raiffeisen Disentis/Cadi

«Vias dat ei biaras, finamiras denton mo ina.»
Rumi, mistic
La via tier la finamira ei buca liunga. Gia cun gl’emprem pass eis ella veseivla. Pass per pass, meter
per meter meina in teppi tgietschen sur vias, straduns e scalas direct e segir tier la proxima banca Raiffeisen.
Biaras vias meinan tier Raiffeisen. E bunamein dapertut en Svizra ei la banca Raiffeisen presenta.
Ils maletgs dil rapport da fatschenta muossan tgei che vischinonza e stema muntan per Raiffeisen.
Las conluvreras ed ils conluvrers rasan ora di per di in teppi tgietschen per lur clients per che quels contonschien
levamein lur finamira.
Emprendei d’enconuscher entras quei rapport da gestiun la via tier Raiffeisen – sil teppi tgietschen e da
mintga liug en Svizra anora.
Editorial 3
Rapport da gestiun 4
Rapport dil post da revisiun 6
Bilanza 8
Quen da gudogn e sperdita 9
Quen da moviment dils mieds liquids 10
Annexas 12
Informaziun davart la bilanza 20
Informaziuns davart fatschentas ordeifer la bilanza 28
Informaziuns davart il quen da gudogn e sperdita 29
2 RAPPORT DA GESTIUN 2008 BANCA RAIFFEISEN DISENTIS/CADI

Stimadas commembras, stimai commembers
Ei legra nus d’astgar presentar a Vus entras quei rapport da
gestiun il resultat digl onn 2008. Malgrad las difficultads e las
turbulenzas entuorn las fieras da finanzas sco era la gronda
concurrenza sin la fiera da bancas svizra, sa nossa banca Raiffeisen
mirar anavos sin in bien e fritgeivel onn da fatschenta.
Quei secapescha buca da sesez, legra denton nus ed attesta che
la filosofia da Raiffeisen constat pli che mai.
Dapli ch’in agir orientaus mo sin gudogn
Il success dils davos onns havein nus d’engraziar a Vus. Vus
schenghegeis a nus di per di Vossa confidonza. Nus essan pertscharts
che Vus spitgeis bia da nus. Confidonza sto vegnir
acquistada entras lavur endinada. Il continuau carschament da
nossa famiglia Raiffeisen muossa che nus essan sin la dretga via.
Aschia essan nus perschuadi da nossa finamira da combinar
ella fatschenta bancara las valurs humanas cun l’economia da
menaschi. Quella finamira accumpogna nus sin la via communabla
cun Vus.
Obligaziun pigl avegnir
Vossa confidonza oblighescha nus – oz ed era egl avegnir.
Nus tgirein sapientivamein nos segns caracteristics che meinan
al success dalla marca Raiffeisen: la vischinonza tier nos commembers
e clients, la quala possibilitescha ina cussegliaziun individuala
tenor ils basegns dil client – perquei che nus enconuschin
Vus e la situaziun locala. La segirtad tier Raiffeisen che
sebasa sin in sistem da segirtad cumplex e solidaric. Tut quei
ensemen garantescha a Vus in’aulta segirtad. E la singularitad
dalla commembranza da Raiffeisen. Singular perquei che Vus
sco commember e cheutras sco cunproprietari e cuninterprendider
da nossa banca Raiffeisen surprendeis responsabladad e
saveis era influenzar. Alla radunonza generala dirigis Vus la sort
da nossa banca, separticipeis Vus vid decisiuns strategicas ed
elegis persunas da confidonza el cussegl d’administraziun. Quei
avantatg immaterial dat ei mo tier Raiffeisen.
Partenadi fair ed a liunga vesta
Sper ils avantatgs immaterials aulzan las purschidas materialas
l’attractivitad dalla commembranza da Raiffeisen. Quei cumpeglia
per exempel ils tscheins attractivs, spesas reducidas, il
pass per museums, ni la purschida «Eveniment Svizra» per commembers
per miez prezi – igl onn vargau cun l’arrivada el
Grischun.
Quei tut meina tier in partenadi fair ed a liunga vesta, sil qual
nossa banca dat gronda peisa.
Nus engraziein a Vus per la confidonza demussada e selegrein
d’astgar accumpignar Vus era egl avegnir sco ideal partenari da
finanzas e d’astgar rasar ora il teppi tgietschen per Vus.
il president dil cussegl d’administraziun: il directur:
Gion Battesta Manetsch Alfons Quinter

Igl onn da fatschenta 2008 La Banca Raiffeisen Disentis/Cadi realisescha
en in ordvart difficultus marcau da finanzas in legreivel e solid resultat
annual. Ils daners da clientella ein s’augmentai per 3,1%. Il gudogn brut
ei sereducius per 4,2% e contonscha 2,24 milliuns francs.
Per la banca Raiffeisen Disentis/Cadi ei igl onn vargau staus
in onn da success. La malsegirtad sin las fieras da finanzas e l’intensiva
concurrenza sin fiera bancara continueschan. Tonpli
legra nus il carschament tier ils daners da clientella, tier ils emprests
sco era tier il diember da commembers. In carschament
en ina fiera stagnonta attesta impressiunontamein l’attaschadadad
da nos clients cun Raiffeisen e lur confidonza en nies
model da fatschenta.
Duront igl onn 2008 han 86 persunas anflau la via tier nossa
banca, organisada en fuorma d’ina societad cooperativa. Nossa
banca dumbra cheutras 3’145 commembers (+ 2,81%). Per els
rasein nus ora di per di il teppi tgietschen. Sco tier la cefras da
commembers nudein nus era in bien augment tier ils emprests e
tier ils daners da clientella. Igl augment munta cheu 1,8%
respectiv 3,1%.
Il recav brut cun 4,8 milliuns francs ei levamein sut quel digl
onn precedent cun 4,9 milliuns francs. Quella pintga reducziun
ei en emprema lingia d’attribuir a recavs sbassai ella fatschenta
da cumissiuns e survetschs e la depreziaziun da differentas
valurs jastras.
Ils cuosts da fatschenta ein s’augmentai per 2,04% sin 2,6 milliuns
francs. Cun 2,2 milliuns francs schai il gudogn brut per
circa 100’000 francs sut il gudogn digl onn precedent.
Impressiunonta prestaziun sin fiera
La damonda sil sectur hipotecar en nossa regiun ei buca fetg
aulta. Tonaton han ils dabiens hipotecars priu tier enviers igl
4 RAPPORT DA GESTIUN 2008 BANCA RAIFFEISEN DISENTIS/CADI
onn 2008 per pli che 5 milliuns francs ni 2,5%. In augment sur
la media dils davos onns constattein nus tier ils duers enviers
clients. Quels han priu tier igl onn vargau per 5,8 milliuns francs
ni 3,1%. Il volumen da deposit administraus ei sesminuius per
8,5%. Quella sminuaziun ei oravontut da declarar entras il svilup
negativ dils cuors ella fatschenta da vaglias. Plinavon han
era plirs clients signau sco alternativa tier las obligaziuns da cassa
daners da termin, ils quals vegnan menai en fuorma da
conto.
Success malgrad malsegirtad e squetsch silla marscha
Il gudogn ord la fatschenta da tscheins ei carschius levamein per
0,9% sin 4,4 milliuns francs.
La malsegirtad alla buorsa ei semussada ella fatschenta da vaglias.
Il gudogn ord la fatschenta da cumissiuns e survetschs ei
sesminuius per 8,05% sin 266’000 francs, quei ch’ei principalmein
d’attribuir alla reducziun dallas transacziuns ella fatschenta
da vaglias.
La depreziaziun dallas valurs jastras principalas ha effectuau
ch’il resultat ord la fatschenta commerciala ei sereducius per
biabein 41% sin rodund 49’000 francs. Quei gudogn seresulta
en emprema lingia ord il commerci cun devisas e notas.
Tier ils cuosts da fatschenta ha ei dau in augment da 2,04%.
Cun ina quota da 53,5% (onn precedent 51,9%) en relaziun
cun il recav brut ei la finamira da tener ils cuosts en rama dil
carschament dalla fatschenta ademplida.

Las amortisaziuns muntan a 0,23 milliuns francs enviers
0,31 milliuns francs igl onn precedent. Las revaletaziuns e reservas
calculadas tenor il principi da precauziun per rescas da
sperditas ella fatschenta da credits engrevieschan il quen cun
circa 0,15 milliuns francs ni 0,06% dils emprests (onn precedent:
0,09%).
Dil bien resultat profitescha era il maun public. La summa da
taglia che la Banca Raiffeisen Disentis/Cadi dat giu a confederaziun,
cantun e vischnaunca munta à 407’000 francs enviers
566’000 francs igl onn precedent. La reducziun marcanta deriva
dalla nova lescha da taglia cantunala.
Il gudogn annual munta a 336’000 francs ed ei per 3,4%
sut tal digl onn vargau. Il cussegl d’administraziun propona danovamein
alla radunonza generala da tscheinsir la quota da
fatschenta cun 6%. La summa restonta vegn duvrada per augmentar
las reservas legalas generalas.
Las revaletaziuns e reservas calculadas tenor il principi da precauziun
per rescas da sperditas ella fatschenta da credits
engrevieschan il quen cun circa 0,2 milliuns francs ni 0,09% dils
emprests (onn precedent: 0,03%).
La Banca Raiffeisen Disentis/Cadi engrazia a Vus grondamein
per la confidonza demussada. Nus vegnin era el futur a sestentar
di per di da cussegliar Vus professiunalmein.
il president dil cussegl d’administraziun: il directur:
Gion Battesta Manetsch Alfons Quinter
BANCA RAIFFEISEN DISENTIS/CADI RAPPORT DA GESTIUN 2008
5

Rapport dil post da revisiun alla radunonza generala dalla Banca Raiffeisen
Disentis/Cadi societad cooperativa, Disentis/Mustér
Sco post da revisiun havein nus examinau la contabilitad, il
quen annual (bilanza, quen da gudogn e sperdita ed annexa,
paginas 8 tochen 29) dalla Banca Raiffeisen Disentis/Cadi societad
cooperativa per igl onn da gestiun terminaus ils 31 da
december 2008.
Responsbladad dil cussegl d’administraziun
Il cussegl d’administraziun ei responsabels per la moda da
presentaziun dil quen annual en concordanza cun las prescripziuns
legalas ed ils statuts. Quella responsabladad consista
ord la concepziun, l’implementaziun ed il manteniment d’in sistem
intern da controlla en connex cun la presentaziun dil
quen annual, il qual ei libers dad indicaziuns essenzialas fallidas
en consequenza da surpassaments ni sbagls. Plinavon ei il cussegl
responsabels per l’elecziun e l’applicaziun da metodas
adequatas per la presentaziun dil quen sco era per la realisaziun
da schazetgs adequats.
Responsabladad dil post da revisiun
Nus essan responsabels per in pareri sur dil quen annual sin
fundament da noss’examinaziun. Nossa examinaziun ei succedida
conform alla lescha svizra ed als principis svizzers da revisiun.
Tenor quels principis ei l’examinaziun da planisar ed exequir
aschia, che munconzas essenzialas el quen annual san vegnir
eruidas cun segirtad sufficienta.
In’examinaziun consita ord l’execuziun dad acziuns d’examinaziun
per contonscher cumprovas da valetaziuns ed ulteriuras
indicaziuns el quen annual. L’elecziun dallas acziuns d’examinaziun
schaian el giudicament conform al duer digl examinatur.
6 RAPPORT DA GESTIUN 2008 BANCA RAIFFEISEN DISENTIS/CADI
Quei ensiara era il giudicar la resca da fallidas indicaziuns essenzialas
el quen annual en consequenza da surpassaments ni
sbagls. Tiel giudicament da quellas rescas risguarda igl examinatur
il sistem intern da controlla aschilunsch che quel ei relevants
per la presentaziun dil quen annual, per fixar las acziuns
d’examinaziun adequatas, denton buca per dar in pareri sur
digl effect dil sistem intern da controlla. Plinavon havein nus
giudicau la commensurabladad dils principis da contabilitad applicai,
las decisiuns essenzialas da valetaziun sco era la presentaziun
dil quen annual sco tal. Nus essan dil meini, che las cumprovas
che nus havein obteniu fuorman ina basa sufficienta
per nies pareri.
Pareri d’examinaziun
Tenor nies giudicament corrispunda il quen annual pigl onn
da gestiun terminaus ils 31 da december 2008 alla lescha svizra
ed als statuts.
Rapport sin fundament dad ulteriuras prescripziuns
legalas
Nus confirmein che nus ademplin las pretensiuns legalas per
la permissiun tenor lescha da survigilonza da revisiun (RAG) e
l’independenza (art. 906 DO en combinaziun cun art. 728 DO) e
ch’ei exista negins fatgs buca cumpatibels cun nossa independenza.

En concordanza cun art. 906 DO en combinaziun cun art. 728a,
passus 1, cefra 3 dil DO ed il standard svizzer d’examinaziun
890 confirmein nus ch’ei exista per la presentaziun dil quen annual
in sistem da controlla tenor las indicaziuns dil cussegl
d’administraziun.
Plinavon attestein nus che l’administraziun dil register da commembers
dalla societad cooperativa e la proposta sur dall’applicaziun
dil gudogn corrispundan alla lescha svizra ed als statuts e
recumandein d’approbar il quen annual sco presentaus.
PricewaterhouseCoopers SA
Peter Günter Daniel Joos
revisur directiv
expert da revisiun
Turitg, ils 19 da schaner 2009
BANCA RAIFFEISEN DISENTIS/CADI RAPPORT DA GESTIUN 2008
7

Bilanza per ils 31 da december 2008
Activas
Onn da gestiun Onn precedent Midada Midada Annexas
CHF CHF en CHF en %
Mieds liquids 1’895’000 1’966’000 -71’000 -3,6 10/14
Dabiens ord valurs dalla fiera monetara – – – – 10
Dabiens enviers bancas 12’746’000 11’762’000 984’000 8,4 10/14
Dabiens enviers clients 15’053’000 16’141’000 -1’088’000 -6,7 1/10
Dabiens hipotecars 219’901’000 214’602’000 5’299’000 2,5 1/5/10
Total dabiens enviers clients 234’954’000 230’743’000 4’211’000 1,8
Inventari da metals prezius 10’000 27’000 -17’000 -63,0 2/10
Investiziuns finanzialas 417’000 760’000 -343’000 45,1 2/10
Participaziuns 2’417’000 2’417’000 – – 2/3
Beins materials 1’384’000 1’475’000 -91’000 -6,2 3
Cunfinaziuns da quen 383’000 393’000 -10’000 -2,5
Diversas activas 24’000 25’000 -1’000 -4,0 7
Total activas 254’230’000 249’568’000 4’662’000 1,9 12/14
Dabiens enviers societads dalla gruppa Raiffeisen 12’904’000 11’762’000 1’142’000 9,7
Passivas
Duers enviers bancas 12’369’000 15’784’000 -3’415’000 -21,6 10/14
Duers enviers clients en fuorma da daners da spargn e d’investiziun 145’539’000 141’830’000 3’709’000 2,6 10
Auters duers enviers clients* 19’411’000 21’597’000 -2’186’000 -10,1 6/10/14
Obligaziuns da cassa* 26’617’000 22’350’000 4’267’000 19,1 10
Total duers enviers clients 191’567’000 185’777’000 5’790’000 3,1
Emprests obligaziunars 26’200’000 25’500’000 700’000 2,7 7/10
Cunfinaziuns da quen 1’466’000 1’422’000 44’000 3,1
Diversas passivas 813’000 622’000 191’000 30,7 4
Revaletaziuns e reservas 12’233’000 11’197’000 1’036’000 9,3 8
Capital d’associaziun 629’000 612’000 17’000 2,8 9
Reserva generala legala 8’617’000 8’306’000 311’000 3,7 9
Gudogn annual 336’000 348’000 -12’000 -3,4 9
Total agen capital 9’582’000 9’266’000 316’000 3,4
Total passivas 254’230’000 249’568’000 4’662’000 1,9 12/14
Duers enviers societads dalla gruppa Raiffeisen 12’517’000 15’784’000 -3’267’000 -20,7
Fatschentas ordeifer la bilanza
Duers eventuals 713’000 236’000 477’000 202,1 1/15
Empermischuns irrevocablas 4’149’000 3’417’000 732’000 21,4
Duers d’in pagament supplementar 20’826’000 20’850’000 -24’000 -0,1
Faschentas fiduziarias 670’000 – 670’000 –
* Naven digl onn da gestiun 2008 ein ils daners da termin presentai sut la posiziun «obligaziuns da cassa» enstagl sut la posiziun «auters duers enviers clients»
8 RAPPORT DA GESTIUN 2008 BANCA RAIFFEISEN DISENTIS/CADI

Quen da gudogn e sperdita 2008
Onn da gestiun Onn precedent Midada Midada Annexas
CHF CHF en CHF en %
Recav da tscheins 8’161’000 7’471’000 690’000 9,2
Cuosts da tscheins -3’771’000 -3’121’000 -650’000 20,8
Gudogn dalla fatschenta da tscheins 4’390’000 4’350’000 40’000 0,9
Cumissiun ord fatschenta da tscheins 3’000 7’000 -4’000 -57,1
Cumissiun ord fatschenta da vaglias e d’investiziun 272’000 282’000 -10’000 -3,5
Cumissiun ord autras fatschentas da survetschs 243’000 228’000 15’000 6,6
Cuosts da cumissiun -252’000 -228’000 -24’000 10,5
Gudogn dalla fatschenta da cumissiuns e da survetschs 266’000 289’000 -23’000 -8,0
Gudogn ord la fatschenta commerciala 49’000 84’000 -35’000 41,7
Gudogn ord participaziuns 87’000 88’000 -1’000 -1,1
Gudogn dallas immobilias 31’000 35’000 -4’000 -11,4
Ulteriur recav ordinari 3’000 13’000 -10’000 -76,9
Ulteriurs cuosts ordinaris -13’000 – -13’000 –
Gudogn ordinari restont 108’000 136’000 -28’000 -20,6
Recav brut 4’813’000 4’859’000 -46’000 -0,9
Cuosts per il persunal -1’448’000 -1’408’000 -40’000 2,8 19
Cuosts materials -1’127’000 -1’116’000 -11’000 1,0 20
Cuosts da fatschenta -2’575’000 -2’524’000 -52’000 2,1
Gudogn brut 2’238’000 2’336’000 -98’000 -4,2
Amortisaziun dalla facultad d’investiziun -232’000 -305’000 73’000 -23,9 3
Revaletaziuns, reservas e sperditas -1’282’000 -1’259’000 -23’000 1,8
Resultat intermediar 724’000 771’000 -47’000 -6,1
Recav extraordinari 19’000 143’000 -124’000 -86,7
Taglias -407’000 -566’000 159’000 -28,1
Gudogn annual 336’000 348’000 -12’000 -3,4
Proposta per il diever dil gudogn
Assignaziun alla reserva generala legala 298’000 311’000 -13’000 -4,2
Tscheins dil capital d’associaziun 38’000 37’000 1’000 2,7
Diever total dil gudogn 336’000 348’000 -12’000 -3,4
BANCA RAIFFEISEN DISENTIS/CADI RAPPORT DA GESTIUN 2008
9

Quen da moviment dils mieds liquids 2008
Onn da gestiun Onn da gestiun Onn precedent Onn precedent
Derivonza dils Diever dils Derivonza dils Diever dils
mieds CHF mieds CHF mieds CHF mieds CHF
Moviment ord resultat operativ (finanziaziun interna)
Gudogn annual 336’000 – 348’000 –
Amortisaziuns dalla facultad d’investiziun 232’000 – 306’000 –
Revaletaziuns e reservas 1’036’000 – 971’000 –
Cunfinaziuns da quen activas 10’000 – 1’000 –
Cunfinaziuns da quen passivas 44’000 – 190’000 –
Tscheins dil capital d’associaziun digl on precedent – 37’000 – 36’000
Saldo 1’658’000 37’000 1’816’000 36’000
Moviment ord transacziuns el agen capital
Midadas nettas dil capital d’associaziun 17’000 – 11’000 –
Saldo 17’000 – 11’000 –
Moviment ord transacziuns ella facultad d’investiziun
Participaziuns 205’000 205’000 10’000 –
Immobilias – – – 103’000
Auters beins materials – 141’000 – 126’000
Saldo 205’000 346’000 10’000 229’000
Moviment dils mieds liquids ord la fatschenta da banca
Duers enviers bancas – 3’415’000 – 3’607’000
Duers enviers clients en fuorm da daners da spargn ed investiziun 3’709’000 – – 4’656’000
Ulteriurs duers enviers clients – 2’186’000 5’009’000 –
Obligaziuns da cassa 4’267’000 – 2’180’000 –
Emprests obligaziunars dalla Centrala d’emmissiuns – – – –
Emprests dalla banca hipotecara svizra 700’000 – 2’500’000 –
Auters duers 191’000 – 69’000 –
Dabiens ord valurs dalla fiera monetara – – 8’000 –
Dabiens enviers bancas – 984’000 2’252’000 –
Dabiens enviers clients 1’088’000 – – 3’563’000
Dabiens hipotecars – 5’299’000 – 1’481’000
Inventari en metals prezius 17’000 – – 8’000
Investiziuns finanzialas 343’000 – – 100’000
Auters dabiens 1’000 10’000
Mieds liquids 71’000 165’000
Saldo 10’387’000 11’884’000 12’018’000 13’590’000
Total derivonza dils mieds 12’267’000 13’855’000
Total diever dils mieds 12’267’000 13’855’000
Ei setracta cheu dad importos nets.
10 RAPPORT DA GESTIUN 2008 BANCA RAIFFEISEN DISENTIS/CADI

Pass per pass sefuorma ina nova via
sch’ella vegn trapassada.
Negina via ei memia greva per buca ir ella communablamein.
Fideivlamein accumpogna Raiffeisen Vus en mintga situaziun dalla veta.

Annexas
Explicaziuns davart l’activitad da fatschenta
La Banca Raiffeisen Disentis/Cadi lavura sigl intschess dallas vischnauncas
da Medel/Lucmagn, Disentis/Mustér, Sumvitg,
Schlans e Trun. 14 collaboraturs, 6 da quels en pensum parzial, e
treis emprendistas adempleschan ils survetschs ella sedia principala
sco era en las 4 filialas. La sparta principala ei la fatschenta
da tscheins. Quella contribuescha 91,2% (onn precedent
89,5%) al recav brut. Las fatschentas da cumissiuns e da survetschs
contribueschan circa 6,0% (onn precedent 6,0%) e la
fatschenta commerciala 1,0% (onn precedent 1,7%) al recav
ordinari. Las activitads principalas dallas differentas spartas da
fatschenta san ins caracterisar sco suonda:
Fatschenta da tscheins
La fatschenta da bilanza ei la fontauna principala da gudogn. Ils
daners da clients inclusiv las obligaziuns da cassa muntan a
75,4% (onn precedent 74,4%) dalla summa da bilanza. Ils emprests
ein per gronda part concedi cun garanzia hipotecara.
Nus finanziein oravontut casas e habitaziuns. Al commerci concedin
nus per ordinari credits mo encunter segirtads.
Fatschenta da cumissiun e da survetschs
La gronda part dalla fatschenta da cumissiun e da survetschs
deriva dil traffic da pagaments e dil recav da cumissiuns che seresulta
dalla fatschenta da vaglias e d’investiziuns.
Ulteriurs secturs da fatschenta
Nus prestein nossas activitads da fatschenta en nossas atgnas
localitads a Curaglia, Mustér, Sumvitg e Trun, ed en localitads a
tscheins a Surrein. Treis bancomats a Mustér, Sumvitg e Trun
stattan a disposiziun als clients 24 uras per di.
12 RAPPORT DA GESTIUN 2008 BANCA RAIFFEISEN DISENTIS/CADI

Collaboraziun cun la Gruppa Raiffeisen
La Banca Raiffeisen Disentis/Cadi ei commembra da Raiffeisen
Svizra che survescha sco center da survetschs central e garantescha
per tut ils duers dall’entira gruppa. Tier ina eventuala extrada
ha la Banca Raiffeisen da pagar ina indemnisaziun da
1,5% dalla summa da bilanza.
Corporate Governance
Las explicaziuns detagliadas davart la «Corporate Governance»
ein cuntenidas el rapport da gestiun dalla Gruppa Raiffeisen.
Quellas sedrezzan per gronda part tenor las directivas da «Corporate
Governance» dalla buorsa svizra (SWX). Quellas directivas
ein nunligiontas per la Gruppa Raiffeisen.
Vice-president dil cussegl d’adminstraziun cun incaricas
d’ «Audit Committee»
La Banca Raiffeisen Disentis/Cadi ei – sin fundament da sia
grondezia – buca obligada d’installar in «Audit Committee» dil
cussegl d’administraziun (giunta da revisiun). Il cussegl d’administraziun
elegia perquei sin fundament dalla circulara 06/6 dalla
Cumissiun da bancas federala (EBK) in ni dus commembers
ord lur retschas che adempleschan ils pensums digl «Audit
Committee». La Banca Raiffeisen Disentis/Cadi ha surdau quei
pensum al vice-president Theophil Loretz. Sper las pretensiuns
dil fatg, ademplescha el era quellas dall’independenza ed ei perquei
predestinaus il meglier per quella lavur supplementara
enteifer il gremi.
Explicaziuns davart il management da resca
Principis dall’administraziun da resca
Il surpigliar controllau e l’administraziun precisa da rescas s’audan
tier las cumpetenzas principalas dalla Banca Raiffeisen Disentis/Cadi.
L’administraziun da resca ha sco incumbensa centrala
da segirar il success ed il bien num a liunga vesta.
Fundament per l’administraziun da resca ei la politica da resca
dalla Banca Raiffeisen Disentis/Cadi. Quella sebasa sin ils statuts
ed il reglament da fatschenta sco era las prescripziuns legalas
relevantas.
La politica da resca sustegn in svilup stabel ed a liunga vesta
dalla rendita. La Banca Raiffeisen Disentis/Cadi entra cun precauziun
e sapientivamein en rescas. Rescas vegnan administradas
e controlladas sin livel dalla posiziun singula sco era digl
entir portfolio. Nus sestentein d’observar principis etics ils pli
aults en nossas fatschentas.
Giudicament dalla resca
Il cussegl d’administraziun sedat giu regularmein cun las rescas
essenzialas descretas el suandont, allas qualas la banca ei suttaposta.
Leutier vegnan specialmein las mesiras previdas e las
controllas internas per sminuir rescas tratgas neutier pil giudicament.
In’attenziun speciala vegn mess silla segirtad dallas controllas
e valetaziuns currentas sco era sin ina registraziun correcta
dallas cudischaziuns.
Rescas da credit
La resca da credit ei la sperdita pusseivla, la quala la Banca
Raiffeisen Disentis/Cadi sa subir sch’in client vegn buca suenter
BANCA RAIFFEISEN DISENTIS/CADI RAPPORT DA GESTIUN 2008
13

ni sa buca vegnir suenter a ses duers tenor contract. Rescas
da credit sedattan primarmein ord emprests a clients privats ni
da fatschenta. Sut clients da fatschenta capin nus interpresas
pintgas, menadas da surprendiders che opereschan primarmein
egl intschess da fatschenta.
Fundament per la fatschenta da credit ei la politica da credit
francada a scret. El center da quella stat la bonitad dil client e la
valeta dallas segirtads. Credits vegnan concedi per regla mo
encunter ina segirtad corrispundenta.
La bonitad dils debiturs vegn eruida tenor in sistem da rating
unificau. La valetaziun da segirtads succeda tenor principis precauts
che valan per l’entira gruppa.
Il svilup dalla bonitad dil debitur e la valetaziun da segirtads
vegn survigilaus cun instruments periodics. Sche necessari vegnan
sligaziuns luvradas ora ensemen cun il client.
Per fatschentas cun rescas pli aultas exista ina procedura da
concessiun pli restrictiva. Per la cumpetenza dil singul collaboratur
ei il gener dalla segirtad decisivs. Tier posiziuns da credit
cumplexas sebasein nus sin igl agid dils specialists da credit da
Raiffeisen Svizra.
La determinaziun da reservas tier segns d’emprests periclitai
succeda sistematicamein tenor directivas egualas enteifer la
gruppa. En special ein dabiens enviers clients che ein pereclitai
tenor la definiziun da valetar conform il principi da liquidaziun.
La determinazin da novas revaletaziuns e la controlla dallas
existentas succeda alla fin da mintga quartal.
14 RAPPORT DA GESTIUN 2008 BANCA RAIFFEISEN DISENTIS/CADI
Rescas ord midadas da tscheins
Rescas ord midadas da tscheins seresultan ord midadas sin
la fiera da tscheins. Pil pli derivan quellas rescas ord differentas
scadenzas tier las activas e passivas.
Las rescas ord midadas da tscheins ein limitadas dil cussegl
d’administraziun e vegnan administradas activamein. La Banca
Raiffeisen Disentis/Cadi meina atras differents tests ed analisas
pertuccont rescas ord midadas da tscheins. La direcziun da
banca risguarda ils resultats da quels tests e da quellas analisas
en l’administraziun dallas rescas. Perquei intent stat in program
a disposiziun.
Ulteriuras rescas da fiera
La Banca Raiffeisen Disentis/Cadi meina buca in agen cudisch
da commerci ed aschia dat ei era neginas rescas corrispundentas
da fiera. Egl agen inventari da vaglias, devisas, notas e metals
prezius vegn teniu mo ton sco igl ei necessari per la fatschenta
currenta.
Ademplir las prescripziuns dils agens mieds, dalla repartiziun
da rescas e dalla liquiditad
Tenor disposiziun dalla Cumissiun da bancas federala dils
24-09-1997, ein las singulas bancas Raiffeisen dispensadas
d’ademplir a basa singula las prescripziuns concernent ils agens
mieds, las prescripziuns concernent la repartiziun dallas rescas
e concernent la liquiditad. Las prescripziuns legalas ston
vegnir ademplidas sin basa consolidada. Perquei succeda l’administraziun
dalla liquiditad e dalla refinaziaziun sin livel dalla
gruppa entras Raiffeisen Svizra. Ils duers da revelaziun en connex
cun las prescripziuns concernent ils agens mieds tenor il
circular dalla Cumissiun da bancas federala 06/4 ein publicadas

sigl internet (www.raiffeisen.ch) ni el rapport da gestiun dalla
Gruppa Raiffeisen.
Rescas operaziunalas
Rescas operaziunalas ein talas rescas che seresultan entras in
disdir da process da lavur, collaboraturs, carstgauns e sistems ni
sin fundament da schabetgs externs. Quella definiziun ensiara
rescas legalas, rescas dall’informatica e rescas da projects. Sper
sperditas considerescha la banca era l’influenza da rescas operaziunalas
sin la reputaziun e l’observaziun da reglas correspundentas.
Rescas operaziunalas seresultan u en connex cun fatschentas
bancaras ni en connex cun la funcziun dalla banca sco patrun ni
affitader d’immobilias. Talas rescas operaziunalas ein per exempel
sempels problems da controlla da contos ni cass grevs da
fraud.
Igl ei buca pusseivel d’eliminar cumpleinamein rescas operaziunalas
e fuss era buca effizient sut aspects da cuosts. Perquei
sedrezza nossa administraziun da talas rescas operaziunalas
d’identificar il gener ed ils cuosts potentials da talas rescas, d’instradar
las mesiras necessarias per minimar talas rescas e da
controllar talas mesiras. Cheu ha nies sistem da controlla intern
ina muntada centrala. Per minimar rescas legalas utilisescha la
banca contracts standardisai. Aschia evitein nus donns finanzials
entras cunvegnientschas legalmein buca commensuradas.
«Outsourcing»
Raiffeisen Svizra porscha differents survetschs el senn d’in center
da survetschs per las bancas Raiffeisen. Ils suandonts survetschs
da Raiffeisen Svizra crodan tenor la circulara 99/2 dalla
Cummissiun da bancas federala sut la definizun «Outsourcing»:
l’execuziun dil traffic da pagaments, l’archivaziun centrala da
datas, il menaschi da survetsch e-banking sco era la spediziun
dils documents bancars sur il center da stampa central. L’administraziun
da vaglias dalla gruppa Raiffeisen procura la Vontobel
Holding AG. Quels survetschs retila la Banca Raiffeisen Disentis/Cadi
en accordanza cun las prescripziuns dalla circulara
99 /2 entras Raiffeisen Svizra.
Principis da bilanzar e da valetaziun
Principis generals
La contabilitad, la valetaziun ed il bilanzar vegnan exequi
tenor las prescripziuns dil dretg d’obligaziuns svizzer, la lescha
federala davart las bancas e cassas da spargn ed il reglament
corrispundent, sco era las directivas ed instrucziuns dalla Cumissiun
da bancas federala. Las posiziuns subsumadas en ina
posiziun dalla bilanza vegnan valetadas a moda singula.
Registraziun dils fatgs da fatschenta
Tut ils fatgs da faschenta terminai vegnan registrai ella bilanza
ed el quen da gudogn e sperdita tenor principis da valetaziun
fixai. La registraziun e la cudischaziun succeda il di che quels
fatgs vegnan terminai.
Valutas jastras
Dabiens e duers en valutas jastras sco era igl inventari da
daners en valutas jastras per la fatschenta da scomi vegnan valetai
tenor ils cuors valeivels il di da bilanza. Gudogns ni sperditas resultont(a)s
vegnan cudischai en la posiziun «gudogn ord la fatschenta
commerciala». Transacziuns en valutas jastras duront igl
onn vegnan valetadas tenor il cuors dil di dalla transacziun.
BANCA RAIFFEISEN DISENTIS/CADI RAPPORT DA GESTIUN 2008
15

Mieds liquids, dabiens ord valurs dalla fiera monetara
e duers
Il bilanzar succeda tenor la valeta nominala respectivamein la
valeta da cumpra. Scontos aunc buca realisai sils tetels dalla
fiera monetara sco era agios ni disagios sin emprests obligaziunars
ni emprests dalla Centrala d’emissiuns dils instituts hipotecars
svizzers vegnan cudischai ulivamein sur il cuoz.
Dabiens enviers bancas e clients, dabiens hipotecars
Il bilanzar succeda tenor la valeta nominala. Il recav da tscheins
vegn cunfinaus tenor la perioda. Dabiens nua che la banca
vegn tier la conclusiun ch’il debitur vegni probabel buca suenter
cumpleinamein a sias obligaziuns, valan sco pereclitai. Dabiens
pereclitai vegnan – sco era eventualas segirtads – valetai tenor
la valeta da liquidaziun. Per tals dabiens vegn fatg reservas
a basa dad analisas periodicas dalla entira posiziun e sin fundament
dalla bonitad dil debitur sco era dalla valeta realisabla
dalla segirtad avon maun. En cass ch’il repagament dil dabien ei
pusseivels mo sin fundament dalla realisaziun dalla segirtad,
vegn fatg ina reserva cumpleina per la part buca cuvretga.
Tscheins buca pagai suenter 90 dis valan medemamein sco
pereclitai. En cass da limitas da credits sin contos currents vegnan
ils tscheins taxai sco pereclitai, sche la limita da credit ei
surtratga per pli che 90 dis. Tscheins pereclitai vegnan buca cudischai
sco recav, mobein directamein sut la posiziun revaletaziuns
e reservas. Cudischaus ora vegn il dabien sil pli tard sin
fundament dalla liquidaziun d’ina procedura da stumaziun. Dabiens
vegnan lu buca taxai pli sco pereclitai, cura ch’il debitur
vegn suenter a sias obligaziuns tenor contract ed ulteriurs criteris
da bonitad ein adempli. Tut las revaletaziuns ein bilanzadas
enteifer la posiziun «revaletaziuns e reservas».
16 RAPPORT DA GESTIUN 2008 BANCA RAIFFEISEN DISENTIS/CADI
Inventari commercial
Igl inventari commercial vegn valetaus tenor il principi da «Fair
Value». Posiziuns per las qualas negina fiera representativa
exista vegnan valetadas tenor il principi dalla valeta la pli bassa
(«Niederstwertprinzip»). Ils gudogns e las sperditas che seresultan
ord la valetaziun ed ils gudogns e las sperditas che vegnan
realisai duront igl onn ein bilanziai ella posiziun «gudgon ord la
fatschenta commerciala». Tscheins e dividendas ord igl inventari
commercial ein cumpri el «gudogn dalla fatschenta da
tscheins».
Investiziuns finanzialas
Las investiziuns finanzialas ensiaran immobilias e tetels da participaziun
derivont(a)s dalla fatschenta da credit cun gl’intent
da revender el(la)s. La valetaziun succeda tenor il principi dalla
valeta la pli bassa («Niederstwertprinzip»). Ei vala la valeta la
pli bassa denter ils cuosts da cumpra e la valeta da liquidaziun.
Participaziuns
Participaziuns secumponan da talas vid instituziuns dalla organisaziun
da Raiffeisen Svizra, da participaziuns vid instituziuns
localas e regiunalas ord raschuns economicas e politicas sco era
dad aczias dalla Centrala d’emissiun dils instituts hipotecars
svizzers. Participaziuns vid Raiffeisen Svizra vegnan bilanzadas
maximalmein culla valeta nominala. La valetaziun dallas ulteriuras
participaziuns succeda tenor il principi dils cuosts da cumpra
meins las amortisaziuns necessarias. Las participaziuns san
cuntener reservas tgeuas.

La lunghezia dalla via camonda
la mesira da nies pass.
L’idea e las valurs dalla societad cooperativa
muossan la via egl avegnir.

Beins materials
Bilanzau vegn conform ils cuosts da cumpra plus ils cuosts
d’investiziun ch’augmentan la valeta meins amortisaziuns linearas
valetadas precautamein tenor il cuoz d’utilisaziun dils objects
e quei sco suonda:
Immobilias maximal 66 onns
Installaziuns en localitads affitadas maximal 15 onns
Software e computers maximal 3 onns
Indrezs e mobiliar maximal 8 onns
Ulteriurs beins materials maximal 5 onns
Investiziuns pli pintgas vegnan scretas giu directamein. Renovaziuns
pli vastas vegnan activadas, ferton che reparaturas e
manteniments valan sco cuosts. Ils beins materials san cuntener
reservas tgeuas.
Immobilias e beins materials en construcziun vegnan amortisai
pér dal mument naven ch’ei san vegnir nezzegiai. Sulom
buca surbaghegiau vegn buca amortisaus.
Ils beins materials vegnan controllai pertuccont lur valeta sch’ei
dat indezis che la valeta bilanzada ei buca pli giustificada.
Ina eventuala revaletaziun vegn screta giu ella posiziun amortisaziuns.
Sedat ina nova perioda da nez vegn quella adattada.
Revaletaziuns e reservas
Per tut las rescas enconuschentas al termin da bilanza vegn
fatg revaletaziuns e reservas individualas tenor il principi da precauziun.
Sin revaletaziuns e reservas pauschalas vegn desistiu.
Las ulteriuras revaletaziuns e reservas san cuntener reservas
tgeuas.
18 RAPPORT DA GESTIUN 2008 BANCA RAIFFEISEN DISENTIS/CADI
Duers eventuals, empermischuns irrevocablas, duers d’in
pagament supplementar
La publicaziun sut la posiziun fatschentas ordeifer la bilanza
succeda tenor la valeta nominala. Per rescas che ein da prever
vegn fatg reservas.
Instruments finanzials derivativs
Rescas entras midadas da tscheins vegnan segiradas giu tier
Raiffeisen Svizra. Transacziuns che stattan en connex leutier
vegnan mussadas ora netto ella bilanza. Instruments derivativs
vegnan mo fatgs per incarica da clientella. La valeta da reacquist
da contracts che vegnan marcadai alla buorsa vegn publicada
mo lu, cura ch’ella ei buca cuvretga entras segirtads dil client.
La valeta da reacquist da contracts che vegnan buca marcadai
alla buorsa vegn adina publicada.
Taglias
La taglia vegn calculada e bilanzada sin fundament dil resultat
digl onn current.
Midadas enviers igl onn precedent
Ils principis d’amortiasziun per immobilias e beins en construcziun
sco era per suloms buca surbaghegiai ein vegni reglai formalmein
da niev els «principis da bilanzar e da valetaziun».
Eveniments suenter il di da bilanziaziun
Tochen tier il termin che quest rapport ei vegnius screts ha
ei dau negins eveniments substanzials, che havessan stuiu vegnir
bilanzai per ils 31 da december 2008 ni che havessan
basignau ina publicaziun en las annexas.

BANCA RAIFFEISEN DISENTIS/CADI RAPPORT DA GESTIUN 2008 19

Informaziuns davart la bilanza
1. Survesta dallas garanzias per emprests e faschentas ordeifer la bilanza
1.1 Survesta tenor garanzias
Emprests
Garanzia hipotecara Autra garanzia Senza garanzia Total
CHF CHF CHF CHF
Dabiens enviers clients 3’469’000 948’000 10’636’000 15’053’000
da quels enviers corporaziuns da dretg public – – 9’036’000 –
Dabiens hipotecars
casas e habitaziuns 191’264’000 – 2’067’000 193’331’000
baghetgs da biro e da fatschenta 5’193’000 – – 5’193’000
commerci ed industria 9’071’000 – 523’000 9’594’000
auters 11’110’000 – 673’000 11’783’000
Total emprests:
onn da gestiun 220’107’000 948’000 13’899’000 234’954’000
onn precedent 216’058’000 1’059’000 13’626’000 230’743’000
Fatschentas ordeifer la bilanza
Obligaziuns eventualas 93’000 481’000 139’000 713’000
Empermischuns irrevocablas 1’734’000 12’000 2’403’000 4’149’000
Duers da pagaments supplementars – – 20’826’000 20’826’000
Fatschenta ordeifer la bilanza:
onn da gestiun 1’827’000 493’000 23’368’000 25’688’000
onn precedent 1’939’000 4’000 22’561’000 24’504’000
1.2 Dabiens pereclitai
Schazetg
dalla valeta
da liquidaziun Revaletaziun
Dabien brut dallas segirtads Dabien net individuala
CHF CHF CHF CHF
Dabiens periclitai
onn da gestiun 6’507’000 3’518’000 2’989’000 3’035’000
onn precedent 6’098’000 3’006’000 3’092’000 3’113’000
20 RAPPORT DA GESTIUN 2008 BANCA RAIFFEISEN DISENTIS/CADI

2. Survesta digl inventari da metals prezius, dallas investiziuns finanzialas e dallas participaziuns
Onn da gestiun Onn precedent
CHF CHF
Total inventari da metals prezius 10’000 27’000
Investiziuns finanzialas
Valeta da bilanza Valeta da bilanza Valeta effectiva Valeta effectiva
onn da gestiun onn precedent onn da gestiun onn precedent
CHF CHF CHF CHF
Immobilias 417’000 760’000 417’000 760’000
Nossas participaziuns cumpeglian principalmein participaziuns vid instituziuns dalla gruppa Raiffeisen che ein buca quotadas alla buorsa.
3. Survesta dallas investiziuns
Valeta da bilanza
Amortisaziuns Valeta da bilanza alla fin digl
Valeta da cumpra accumuladas onn precedent Investiziuns Desinvestiziuns Amortisaziuns onn da gestiun
CHF CHF CHF CHF CHF CHF CHF
Participaziuns
Participaziuns alla gruppa 2’205’000 – 2’205’000 205’000 -205’000 – 2’205’000
Ulteriuras participaziuns 241’000 -29’000 212’000 – – – 212’000
Total participaziuns 2’446’000 -29’000 2’417’000 205’000 -205’000 – 2’417’000
Beins materials
Baghetgs da banca 5’937’000 -4’490’000 1’447’000 – – -91’000 1’356’000
Ulterius beins materials 948’000 -920’000 28’000 140’000 – -140’000 28’000
Total beins materials 6’885’000 -5’410’000 1’475’000 140’000 – -231’000 1’384’000
Valeta segirada encunter fiug per las immobilias 3’504’000
Valeta segirada encunter fiug per ils ulteriurs beins materials 1’300’000
BANCA RAIFFEISEN DISENTIS/CADI RAPPORT DA GESTIUN 2008
21

4. Diversas activas e passivas
Diversas activas
Onn da gestiun Onn precedent
CHF CHF
Ulteriuras activas 24’000 25’000
Total diversas activas 24’000 25’000
Diversas passivas
duers ord cupons curdai, buc remunerai 100’000 30’000
duers da taglia 573’000 453’000
duers enviers segiradas socialas e cassas da pensiun 136’000 135’000
ulteriuras passivas 4’000 4’000
Total diversas passivas 813’000 622’000
5. Indicaziuns davart activas impegnadas ni surschadas per garantir agens duers ed activas cun resalva da possess
Onn da gestiun Onn da gestiun Onn precedent Onn precedent
Summa dils duers Summa dils duers
respectiv valeta respectiv valeta
da bilanza Da quei duvrau da bilanza Da quei duvrau
CHF CHF CHF mieds CHF
Total activas impegnadas 36’018’000 26’200’000 34’775’000 25’500’000
6. Instituziuns da pensiun
Ils emploiai dalla Banca Raiffeisen Disentis/Cadi ein segirai tier la cassa da pensiun da Raiffeisen Svizra respectiv tier il fondo da pensiun da Raiffeisen Svizra.
Il temps da pensiun vegn contonschius cun 65 onns. Ils emploiai han la pusseivladad da schar pensiunar cun 60 onns cun ina reducziun dallas prestaziuns.
La cassa da pensiun cuviera minimalmein las prestaziuns obligatoricas tenor la lescha federala davart il provediment professiunal. Il fondo da pensiun cuviera
mo prestaziuns sur il provediment obligatoric.
La fundaziun da finanziaziun per il provediment administrescha las reservas da contribuziun dils differents patruns seigi quei las singulas bancas Raiffeisen ni
las societads dalla Gruppa Raiffeisen.
6.1 Duers enviers atgnas instituziuns da pensiun
Onn da gestiun Onn precedent
CHF CHF
Duers enviers clients en fuorma da daners da spargn e d’investiziun 400’000 352’000
22 RAPPORT DA GESTIUN 2008 BANCA RAIFFEISEN DISENTIS/CADI

6.2 Nez economic/obligaziun economica e cuosts dalla prevenziun
Tenor il davos quen revidiu (conform a Swiss GAAP FER 26) dallas insituziuns da prevenziun da Raiffeisen Svizra munta la quota da garanzia:
Per ils 31-12-2007 Per ils 31-12-2006
en % en %
Cassa da pensiun da Raiffeisen Svizra 107,5 110,9
Fondo da pensiun da Raiffeisen Svizra 110,7 111,7
Sin fundament dallas difficultusas relaziuns sillas fieras da finanzas exista ina sutgaranzia pils 31-12-2008 tier las instituziuns da provediment dalla gruppa
Raiffeisen. Il cussegl d’administraziun ei denton dil meini ch’ei exista era cun ina sutgaranzia el senn da Swiss GAAP FER 16 negina obligaziun economica
per las societads reunidas. La quota da garanzia dallas instiutziuns da provediment sa naven digl avrel 2009 vegnir clamada giu el rapport da gestiun dalla
gruppa Raiffeisen sut l’adressa d’internet da Raiffeisen (www.raiffeisen.ch).
6.3 Reservas da contribuziun dils patruns
Reservas da contribuziun dils patruns tier la fundaziun da finanziaziun per la prevenziun da Raiffeisen Svizra
Onn da gestiun Onn precedent
CHF CHF
stan ils 1-1 352’000 342’000
deposit* 40’000 40’000
prelevaziun – -36’000
tscheins 8’000 6’000
stan ils 31-12 400‘000 352’000
* inclus en las contribuziuns ad instituziuns dalla pensiun (mira annexa 19 «cuosts da persunal»)
Las reservas da contribuziun dils patruns corrispundan alla valeta nominala tenor rendaquen dalla instituziun da pensiun. Ellas ein buca bilanzadas.
BANCA RAIFFEISEN DISENTIS/CADI RAPPORT DA GESTIUN 2008
23

7. Indicaziuns davart ils emprests obligaziunars
Onn da gestiun Onn precedent
CHF CHF
Total emprests obligaziunars dalla Centrala d’emmissiuns dils instituts hipotecars svizzers 26’200’000 25’500’000
Total emprests obligaziunars 26’200’000 25’500’000
8. Survesta dallas revaletaziuns e reservas
Revaletaziuns e reservas
Aschuntas Liquidaziuns
Dievers e engreviadas al en favur dil
Stan l’entschatta liquidaziun Reentradas quen da gudogn quen da gudogn Stan la fin digl
digl onn da gestiun conform agl intent tscheins periclitai e sperdita e sperdita onn da gestiun
CHF CHF CHF CHF CHF CHF
per rescas da sperdita
Revaletaziuns e reservas
3’113’000 -206’000 7’000 140’000 -19’000 3’035’000
per autras rescas 22’000 -25’000 – 3’000 – –
Autras reservas 8’063’000 – – 1’135’000 – 9’198’000
Total revaletaziuns e reservas 11’198’000 -231’000 7’000 1’278’000 -19’000 12’233’000
24 RAPPORT DA GESTIUN 2008 BANCA RAIFFEISEN DISENTIS/CADI

9. Survesta digl agen capital
Agen capital all’entschatta digl onn da gestiun
Diember da Nominal Summa en
commembers per quota CHF
Capital d’associaziun cun obligaziun d’in pagament supplementar 3’059 200 612’000
Reserva generala legala 8’306’000
Gudogn annual (avon l’utilisaziun dil gudogn) 348’000
Agen capital all’entschatta digl onn da gestiun (avon l’utilisaziun digl gudogn) 9’266’000
+ pagaments da novs associai 162 200 32’000
– restituziuns ad associai -76 200 -15’000
– tscheins dil capital d’associaziun (onn precendent) -37’000
+/– gudogn annual 336’000
Total agen capital la fin digl onn da gestiun 3’145 9’582’000
Da quei:
capital d’associaziun cun obligaziun d’in pagament supplementar 3’145 200 629’000
reserva generala legala 8’617’000
gudogn annual 336’000
Obligaziun d’in pagament supplementar dils associai 25’160’000
BANCA RAIFFEISEN DISENTIS/CADI RAPPORT DA GESTIUN 2008
25

10. Structura da scadenza dallas activas circulontas e dil capital jester
Activas circulontas
Pagabel Pagabel
Pagabel enteifer enteifer Pagabel
enteifer 3 tochen 1 tochen suenter
A vesta Visabel 3 meins 12 meins 5 onns 5 onns Total
CHF CHF CHF CHF CHF CHF CHF
Mieds liquids 1’895’000 – – – – – 1’895’000
Dabiens ord valurs dalla fiera monetara – – – – – – –
Dabiens enviers bancas 905’000 – 1’310’000 812’000 4’279’000 5’440’000 12’746’000
Dabiens enviers clients 205’000 7’278’000 500’000 1’500’000 5’570’000 – 15’053’000
Dabiens hipotecars 52’000 91’317’000 7’846’000 17’805’000 84’443’000 18’438’000 219’901’000
Inventari da metals prezius 10’000 – – – – – 10’000
Investiziuns finanzialas – – – – – 417’000 417’000
Total activas circulontas
Onn da gestiun 3’067’000 98’595’000 9’656’000 20’117’000 94’292’000 24’295’000 250’022’000
Onn precedent 2’878’000 102’324’000 13’214’000 29’157’000 72’576’000 25’109’000 245’258’000
Capital jester
Duers enviers bancas
Duers enviers clients en fuorma da
– – – 2’000’000 9’869’000 500’000 12’369’000
spargn ed investiziun – 145’539’000 – – – – 145’539’000
Auters duers enviers clients 10’714’000 – 3’217’000 3’880’000 1’600’000 – 19’411’000
Obligaziuns da cassa – – 2’716’000 7’174’000 16’031’000 696’000 26’617’000
Emprests dalla centrala d’emissiuns
Total capital jester
– – – 2’000’000 11’000’000 13’200’000 26’200’000
Onn da gestiun 10’714’000 145’539’000 5’933’000 15’054’000 38’500’000 14’396’000 230’136’000
Onn precedent 11’851’000 141’830’000 5’198’000 14’434’000 37’738’000 16’011’000 227’061’000
11. Credits als organs da banca
Il di da bilanza muntavan ils credits d’organ a 3’580’000 francs (onn precedent 2’986’000 francs). Credits ad organs vegnan tractai tuttina sco
credits a clients. Tier il cussegl d’administraziun valan las medemas cundiziuns sco tier clients. Per la direcziun sco per igl ulteriur persunal valan cundiziuns
specialas sco usitau en la branscha da bancas.
26 RAPPORT DA GESTIUN 2008 BANCA RAIFFEISEN DISENTIS/CADI

12. Activas e passivas, repartidas tenor la Svizra ed igl exteriur
Ils dabiens enviers clients egl exteriur muntavan a 21’000 francs ed ils duers enviers clients egl exteriur muntavan a 2,4 milliuns francs tier ina summa da
bilanza da 254,2 milliuns francs.
13. Activas e passivas tenor tiaras
Cunquei che nus essan activs mo ella regiun, renunziein nus ad ina survesta tenor tiaras.
14. Activas e passivas, repartidas tenor las valutas principalas per la banca
Activas
Valutas, midadas en CHF
CHF EUR USD Divers Total
Mieds liquids 1’645’000 213’000 20’000 17’000 1’895’000
Dabiens enviers bancas 10’354’000 2’191’000 67’000 134’000 12’746’000
Dabiens enviers clients 15’053’000 – – – 15’053’000
Autras activas 224’536’000 – – – 224’536’000
Total activas 251’588’000 2’404’000 87’000 151’000 254’230’000
Passivas
Duers enviers bancas 12’369’000 – – – 12’369’000
Duers enviers clients 143’863’000 1’676’000 – – 145’539’000
Auters duers enviers clients 18’701’000 518’000 69’000 123’000 19’411’000
Autras passivas 76’911’000 – – – 76’911’000
Total passivas 251’844’000 2’194’000 69’000 123’000 254’230’000
Posiziun netta per valuta -256’000 210’000 18’000 28’000
Cuors
31-12-2008 31-12-2007
Euro 1,4896 1,6570
USD 1,0569 1,1265
BANCA RAIFFEISEN DISENTIS/CADI RAPPORT DA GESTIUN 2008
27

28
Informaziuns davart las faschentas ordeifer la bilanza
15. Survesta dallas obligaziuns eventualas
Onn da gestiun Onn precedent
CHF CHF
Garanzias per credits 713’000 236’000
Autras obligaziuns eventualas – –
Total 713’000 236’000
16. Survesta dils instruments finanzials derivativs
Valeta Valeta Volumen
positiva da negativa da da
reaquist reaquist contract
CHF CHF CHF
Instruments da tscheins
Contracts da termin – – –
Onn precedent – – –
Instruments finanzials derivativs vegnan mo marchedai per incarica dils clients.
17. Investiziuns fiduziaras
Il di da bilanza muntavan investiziuns fiduziaras tier autras bancas à 670’000 francs (onn precedent 0 francs).
RAPPORT DA GESTIUN 2008 BANCA RAIFFEISEN DISENTIS/CADI

Informaziuns davart il quen da gudogn e sperdita
18. Gudogn ord la fatschenta commerciala
Onn da gestiun Onn precedent
CHF CHF
Commerci cun devisas 43’000 49’000
Commerci cun metals prezius e valutas jastras 6`000 35`000
Commerci cun vaglias – –
Total 49’000 84’000
19. Repartiziun dils cuosts da persunal
Onn da gestiun Onn precedent
CHF CHF
Pagas instanzas da banca e persunal 1’157’000 1’164’000
Cassa da vegls e cassa da disoccupai 102’000 76’000
Contribuziuns reglamentaras alla cassa da pensiun 127’000 123’000
Auters cuosts per il persunal 62’000 45’000
Total 1’448’000 1’408’000
20. Repartiziun dils cuosts materials
Onn da gestiun Onn precedent
CHF CHF
Cuosts per localitads 53’000 68’000
Cuosts per informatica, maschinas, mobiliar, vehichels ed ulteriurs indrezs 403’000 377’000
Auters cuosts da fatschenta 671’000 672’000
Total 1’127’000 1’116’000
BANCA RAIFFEISEN DISENTIS/CADI RAPPORT DA GESTIUN 2008
29

Tgi che anfla siu siemi
va levamein la via.
Raiffeisen pren serius las finamiras da lur clients e
muossa ad els la via leutier.

Banca Raiffeisen Disentis/Cadi
Via Cons 1
7180 Disentis/Mustér
Telefon 081 920 30 60
Telefax 081 920 30 61
disentis-cadi@raiffeisen.ch
www.raiffeisen.ch/disentis
Filialas:
7184 Curaglia 081 947 52 53
7175 Sumvitg 081 943 10 78
7173 Surrein 081 943 13 62
7166 Trun 081 943 11 81
Cussegl d’administraziun
Gion Battesta Manetsch, president · Theo Loretz, vicepresident ·
Emil Pally, actuar · Giusep Bearth · Erwin Degonda
Persunal
Alfons Quinter, directur · Roland Wyser, substitut directur ·
Lucas Tuor, schef credits e logistica · Donat Albin · Claudius
Berther · Adrian Deflorin · Walter Deflorin · Annina Degonda ·
Jennifer Riedi · Battesta Tschuor · Giuliana Candinas-Schmed ·
Graziella Di Bella-Flepp · Sonia Lutz-Schmidt · Erna Nay-Petschen
· Rita Schmed-Pelican · Marlene Bundi · Sandra Lutz ·
Natalia Manetsch
Post da revisiun
PricewaterhouseCoopers SA