O curruncho dos versos - Centro Gallego de Vitoria

¡Casiña grande, grande casiña!
Déixame hoxe dicirche
se non é moito pedirche
o que o meu corazón sinte.
Nesta vila te puxeron,
con esforzo te fixeron,
aqueles que en ti pensaron
que boa idea tiveron
cando contigo soñaron.
Xa sei que arredor non tes,
o verdor daqueles montes,
castiñeiros, nin loureiros,
nin millo, nin amieiros.
Non oio no mar as ondiñas
nin o galo cantar
polas mañanciñas.
Boteille moitas olladas
ó verde do teu xardín,
mais conteinas ben contadas
e nove camelias vin.
Non me toques as camelias
que da terriña viñeron,
mais darlles as gracias quero
ós que de aló as trouxeron.
Cando pola rúa camiño
e cando para ti miro
aló nas noites serenas
vexo un refulxir de estrelas
que me apazugan as penas;
oio pandeiros e gaitas,
cunchiñas, tambores, frautas,
de par en par, as vidreiras;
¡como suspiro coas muiñeiras!
Mais unha alborada soa
que se oe desde fóra.
¡Un pouco máis alto agora!
O meu corazón se alegra
cando sinte que se achega,
¿quen me dixo que non era
o grupo de Arte Galega?
Agora si que estou leda,
O noso lar
mais cando a noitiña chega
e o sol se deita no mar,
xa escoito outro cantar.
Son mulleres aló embaixo
xa non veñen de refaixo
traen cantares fermosos,
e son os cantares nosos,
son as do Coro Aturuxo
que eso si que ten embruxo.
¡Casiña grande, grande casiña!,
sei que algún día me irei
e os teus currunchos lembrarei,
e outros tamén se irán
que tamén os lembraran.
Parellas neles namoraron
e se eles non cho contaron,
¡como queres que eu cho diga!,
se algunha delas e miña amiga.
Se me vou lonxe de ti,
non che dea pena de min
mandareiche unha cartiña
nas alas dunha pombiña,
e de corazón che direi
cantos amigos deixei.
Sen saber se tiña fin
non contei os pasiños que din
desque da miña aldea saín
e a ti te atopei aquí.
Agora sen ti non podo vivir
mais téñoche que dicir
que non hai sitiño
que máis me agrade
que estar nesta casiña grande
onde hai meniñas,
onde hai rapaces
e o máis grande de todo:
que é a nosa amizade.
Fina Fernández
Gañadora do 1º Certame de Poesía
do Centro Galego de Vitoria-Gasteiz
43