Bizkaiko Golkoko itsas biodibertsitatearen Gida - Aviso sobre ...

BIZIA BIZKAIKO GOLKOAN
3.2. SUBSTRATU GOGORREKO BENTOSA (MURRUAK, ITSASLABARRAK ETA
ITSASERTZEKO HONDO ARROKATSUAK)
Mytilus edulis-Crassostrea angulata komunitatea (estuarioak)
Estuarioetako kanpo eta barnealdetik zabaltzen da, normalean kanpoaldeko diketan, zubien
oinarrietan, haitzetan eta abarretan. Ohikoenak komunitateei izena ematen dieten bi
moluskuak dira (muskuiluak eta ostrak), eta zerrenda handiagoak edo txikiagoak egiten dituzte,
duten elikagai-kopuruaren arabera. Espezie iragazleak dira eta uretan esekita dagoena
jaten dute, eta ugariagoak dira ura sarri berritzen den lekuetan eta elikagai ugari dagoenetan
(hiri-efluenteak barne). Algekin (Fucus sp., Ulva lactuca eta Enteromorpha sp.;
isurketa eta eutrofia duten guneen ohiko lirdinga), edo anelidoekin eta zenbait zizarerekin
batera (Sabellaria sp., Hediste diversicolor) agertu ohi dira.
Littorina neritoides-Patella rustica komunitatea (supramareala)
Marearen goiko mugatik gora azaldu ohi dira (supralitorala).Talde txikiak osatzen dituzte
haitzen arrakaletan, eta, haiekin batera, Lasaea rubra bi kuskuko moluskua eta zenbait liken
(Xanthoria parietina, Lichina pygmaea, Verrucaria maura) egon ohi dira. Komunitatearen
osaketa eta espezie-ugaritasuna olatuen eraginaren arabera aldatzen da.
© Jesús M. Pemán
Patella rustica
67