Bizkaiko Golkoko itsas biodibertsitatearen Gida - Aviso sobre ...

BIZIA BIZKAIKO GOLKOAN
Chthamalus stellatus-Patella depressa komunitatea (goi-mareartekoa)
Aurrekoen azpian daude justu, eta eguneko batez besteko mareek estaltzen dute inguruan.
Oso arruntak dira kostalde osoan, eta, aurrekoen moduan, haien osaera eta kopurua
aldatu egiten da inguruak olatuekiko duen babesaren arabera. Chthamalus stellatus
izeneko zirripedioak estalita egotea bereizten du, eta moluskuak (Littorina neritoides eta
Lasaea rubra), anfipodoak (Tanais dulongii, Hyale perieri) edo Lithophyllum tortuossum
eta Caulacanthus ustulatus algak ere aurki daitezke. Karramarro beltzak ere ohikoak dira
(Pachygrapsus marmoratus).
Corallina officinalis-Mytilus edulis komunitatea (erdi-mareartekoa)
Erdi-marearteko komunitate tipikoak dira, eta agerian geratzen dira, zati batean, marea
jaisten denean; komunitate konplexuak dira, espezie askok osatzen dituzte (50). Komunitatea
egituratzen duen alga bat (Corallina officinalis) da komunitatearen ezaugarri nagusia,
eta haitzari erasten zaion Lithophyllum incrustans algaren gainean hazten da. Haitzen barruan
molusku zulatzaile bat egoten da (Myoforceps aristata). Algaren azpialdean zirripedioak
(Balanus perforatus), anemonak (Actinia equina) eta muskuiluak (Mytilus edulis) itsasten
dira, eta gainean epifitoak (Ceramium sp., Falkenbergia rufolanosa eta abar) hazten dira,
eta horietatik anfipodoek (Hyale sp., Jassa sp., Dynamene bidentata), kitoiek (Acanthochitona
sp.) eta zizareek (Syllis sp., Platynereis dumerilii eta abar) jaten dute.
Ingurua kutsatuta badago, espezie batzuk desagertu egiten dira, eta muskuiluen eta beste
mitilido batzuen kopurua asko hazten da, iragazteko partikula asko izaten baitituzte.
© Jesús M. Pemán
Donostiako marearteko eremu arrokatsua / Zona intermareal rocosa en Donostia-San Sebastián
69