REVISTA HISPANO-AMERICANA . Cuarta Época . No. 435/436 ...

CANTAR DE FREDENANDO GUNDESALVIZ
FREDO ARIAS DE LA CANAL
Don Juan Manuel (1282-1349) en Ejemplo XVI de El conde Lucanor, narró la
respuesta que dio el conde Ferrat Goncalez a Nunno Lainez:
El conde Lucanor fablaba un día con Patronio, su consexero, en esta guisa:
-Patronio, bien entendedes que non so yo ya muy mancebo, et sabedes que passé
munchos trabaxos fasta aquí. Et bien vos digo que querría de aquí adelante folgar,
et catar, et escusar los trabaxos et afanes; et porque se que siempre me
consexaste lo mexor, ruégovos que me consexedes lo que vierdes que me cae mas
de fazer.
-Sennor conde -dixo Patronio- comoquier que vos dezides bien et razón, pero
plazerme la que sopiéssedes lo que dixo una vez el conde Ferrant Goncalez a
Nunno Lainez.
E el conde Lucanor le rogó quel' dixiesse como fuera aquello.
-Sennor conde -dixo Patronio- el conde Ferrant Goncalez era en Burgos et había
passados munchos trabaxos por defender su tierra. Et una vez estaba ya como
mas en assosiego et en paz, díxole Nunno Lainez: que sería bien que dallí
adelante que non se metiesse en tantos roidos et que folgasse el et que dexasse
folgar a sus gentes.
Et el conde respondiol' que a un omne del mundo non plazdría mas que a el
folgar et estar vicioso si pudiesse; mas que bien sabía que abia grand guerra con
los moros et con los leoneses et con los navarros, et si quisiessen muncho folgar,
que los sus contrarios que luego serían contra ellos: et si quisiessen andar a caca
con buenas aves por Arlacon arriba et ayuso et en buenas mulas gordas, et dexar
de defender la tierra, que bien lo podrían fazer, mas que les contescería como
dezia el vierbo antiguo: "Murió el omne et murió el su nombre": mas si
quisiéremos olvidar los vicios et fazer muncho por nos defender et levar nuestra
onra adelante, dirán por nos después que muriéssemos: "Murió el omne, mas non
murió el su nombre". Et pues viciosos e lazdrados, todos abemos a morir, non me
semexa que sería bueno si por vicio nin por la folgura dexáremos de fazer en
guisa que, después que nos muriéremos, que nunca muera la buena fama de los
nuestros fechos.
Et vos, sennor conde, pues sabedes que abedes a morir, por el mi consexo nunca
por vicio nin por folgura dexaredes de fazer tales cosas, porque, aun desque vos
murierdes, siempre viva la fama de los vuestros fechos.
22