How to survive my island?

16
4 you-th magazine | página
> Un hòmber sumamente orguyoso di su mes, ku ta stima nos kultura
i naturalmente nos pais Kòrsou. E ta un persona hopi eksitoso
i ku nunka a entregá. Den su karera di bida el a logra e siguiente
metanan: un di e mihó maradónan di lensu aki na Kòrsou, dekoradó,
presidente di Extravagance Female Model, presidente di
Rítmiko Sáblika, Diseñadó i hopi mas!
Nòmber: Shurendi Pieternella (Djodjo)
Edat: 34
Funshon: Dekoradó
Status sivil: Soltero
Signo: Gemenis
Hòbi: Tur kos ku ta positivo I aktua
“Un bida sin maskarada“
Diskribi bo mes den 3 palabra…
‘Talentoso, karismétiko i positivo.’
Kiko t'e kos ku mas bo gusta di bo mes ?
‘Mi kara.’
Nos tema pa e edishon aki ta ‘Surviving your
island’. Kiko bo ta sinti komo un siudadano di
un isla? i dikon?
‘Mi ta sinti un vibrashon positivo apesar di e kosnan
malu ku por tin ta pasando rondó di nos. Den un
komunidat chikitu manera esaki ta importante pa
kada un hende saka un man i yuda su ruman den
nesesidat.’
Shurendi, lo bo haña “great” pa bai keiru
Bandabou?
‘Sigur ku sí, debí ku mi ta un persona ku ta stima naturalesa.
Via di naturalesa mi ta haña inspirashon. Naturalesa
ta tur kos pa mi. Mi laman faborito ta Kenepa
Chikí. Por ehèmpel, si mi mester di inspirashon i forsa
mi ta bishitá Kenepa Chikí.’
Bo tin pashon pa algu den bida?
‘Mi pashon ta lokual ku mi ta awe, mi pashon ta lokual
ku lo mi ta mañan. I mi pashon ta e smail riba kara
di un hende ku mi a yuda. Den un palabra: Mi bida ta
mi pashon.’
Bo tin un show di modelahe “Extravagance
Female Model” ya pa 3 aña kaba. Kiko ta meta
di esaki ?
‘Mi a bini ku e show aki komo ku mi ta un siguidó di
Tyra Banks, ku tambe sa organisá shownan asin’aki na
Merka. Ademas mi ta un persona ku gusta kos otro for
di tur otro i mi ke yuda hóbennan desaroyá nan talentonan
skondí. Pues mi meta prinsipal pa a lanta Extravagance
Female Model, ta pa kita e parti tímido ku
ta stroba hóbennan di desaroyá. Mi a kuminsá e show
aki huntu ku mi ruman Shurmel Loefstop q.e.p.d. E
show aki ta pa demostrá ku Kòrsou tin talento!’
Kon bo ta mira ku e hóbennan ta “have fun”
awendia?
‘Pa ami, kada hóben ta “have fun” na su manera. Semper
mi ta aseptá esaki si e ta positivo i e ta un ehèmpel
pa otro hóbennan sin hasi niun daño na su mes i
otro hóbennan.’
Konta nos algu di bo ku lo bai sorprendé e
lesadonan.
‘Ku komo fishi den mi bida mi ta un paipfeter diplomá.’
Shurendi, ki mensahe lo bo duna nos hóbennan
di Kòrsou?
‘Ser orguyoso di bo mes i ken bo ta. Bai semper pa
lokual ku ta hiba abo riba e mihó kaminda den futuro i
no mara bo felisidat na niun hende i nada riba e mundu
aki. Semper biba ku un smail riba bo kara maske
kon difísil e situashon por ta.‘ #Djissmail