Parte 2 - Colegio Oficial de Enfermeria de Lugo

Opinión
• Valoración do tempo traballado en atención
continuada a efectos de carreira profesional.
• Que a prolongación da xornada para a substitución
do persoal das Consultas da Atención
Primaria sexa voluntario e non imposto polo
Sergas.
• Equipamento adecuado para a atención de
Urxencias Extra hospitalarias.
• Calendarios anuais e con cadencia efectiva
para persoal de PAC.
• Dereito ós permisos: enfermidade familiar
grave, falecemento, nacemento de fillos,
adopción, matrimonio, etc...
Pois si, traballo 1600 horas, unhas 9 noites ó mes (o
máximo que podía facer no hospital eran 7 noites). Non
me pagan nocturnidade. Os domingos e os luns son a
mesma cousa, non recoñecen o traballar en festivos.
Non teño dereito a días de libre disposición.
E agora as condicións empeoran… Non reclamo
un aumento de soldo, reclamo que
me recoñezan o que me corresponde por lei.
Quero igualdade de condicións. ¿Por qué se
permiten estes contratos lixo, Pool, etc., que
non respectan a lei. Claramente o colectivo
das listas de contratación e os interinos dos
PACS non están sendo respectados por parte
dos sindicatos e a Administración. ¿Somos os
escravos do século XXI.
Dirán que esaxero, pero cando as miñas
compañeiras de Pool do hospital se queixaban
porque traballaban todos os días de Nadal,
as propias enfermeiras con praza comentábanlles:
“Non te queixes, que polo menos
traballas”. ¿Onde está o sentido común. É
como se a un “sen teito” lle din: “non te
queixes que polo menos estás vivo”. Xa está
ben de tanta hipocrisía, de tanta xustificación
que lava conciencias… Eu nunca traballei
no pool, por dignidade, e son solidaria con
aqueles que acabaron aí un tanto manipulados
pola Administración e incluso sindicatos
que prometen: “apúntate que así traballarás
mais e collerás mais puntos”. A enfermeiros
que veñen de rematar, ilusionados, e que
cantas veces estragan, esixindo que cubran
quendas porque para iso están nesas listas.
Iso sen ter en conta os descansos, traballando
noites, festivos, Nadal…, e nalgún hospital
incluso sen considerar a saída da noite.
Revista do Colexio Oficial de Enfermería de Lugo
Impedindo que se boten da lista coa ameaza de que non
lle puntuarán o que traballaron. Neses momentos crees
que iso ten que ser así, pero co paso dos anos ves a
manipulación que sufriches, a desigualdade, a inxustiza,
pese a quen lle pese.
Eu estou manifestando a miña protesta dende un
PAC. Demando que se respecte a lei, que se respecten
os meus dereitos. Os traballadores das listas de contratación
tamén teñen os seus dereitos e iso ten que estar
regulado, porque tamén se lles esixen uns deberes. É un
colectivo totalmente esquecido polos sindicatos e a Administración.
Poténcianse as prolongacións de xornada,
dan a opción de complementar soldos, fanse oposicións
a medida, consolidación…, ¿por qué non se potencia
a creación de emprego, ¿por qué non estabilizar un
pouco o colectivo que leva substituíndo anos, traballando
o que ninguén quere ¿Por qué non equilibrar.Por
unha sanidade máis xusta e de calidade.
OPINIÓN
Enfermeir@s
Marzo 2008
31