sounet - Université de Provence

LI BOULET
FABLO
DINS soun jardin
De grand matin,
Avans de se rèndre, en journado,
Miquèu fasié sa permenado,
Quand, tout-d’un-cop:
«De-qu’es acò
Qu’espinchouno d’aqui dessouto?»
Ço-dis, vesènt contro uno mouto
Un clot vióulet
De bèu boulet.
E lèu noste ome, a pas la rampo,
Lèu dins sa blodo lis acampo
Toui à-de-rèng,
En se disènt:
— «Quento riboto iéu vau faire!
Soun di bon; e m’engane gaire
Sus li boulet.»
Coume es soulet,
E qu’aurié trop de tant de biasso,
Miquèu trìo pèr sa fricasso
Tout, ço que crèi
Moussèu d’elèi;
Pièi vai apresta sa regalo...
Au vèspre, fau lou vèire: avalo
Sausso e taioun
Coume bouioun!
Ah! lou paure! noun se doutavo
Qu’èro la mort qu’engargatavo!
De la pouisoun
Di champignoun