Correspondance des réformateurs dans les pays de langue ...

36 GUILLAUMEFAREL A L' ÉGLISEDE GENÈVE. 1 538
[Il] reste, mes frères, pour lesquelz Jésus est mort, que de humilité
de cœur, en vous prosternant devant ce bon père, au nom
de nostre Seigneur Jésus demandés mercy et miséricorde. Ne criés
ne contre cestuy, ne contre ïaultre, mais ung chascun contre soymesme,
et [que] ung chascun s'attise devant Dieu, cm,ne estant
digne, de sa part, de phs grande confusion. Et ainsy tous abattuz
devant Dieu, demandas son ?.i«J et recours, tous le priés vouloir
regarder en pitié sur vous et vous assister par sa grande puissance,
vous secourir selond:a grande bonté, et, comme désirés que
le bon Dieu n'aye égard à voz péchéz pour en prendre vengeance,
mais seulement en pitié, gardés [quel ne soies d'aultre affection
envers ceulx que voyés ainsy faillir devant Dieu; mais seulement
regardés leurs faultes pour en avoir pitié, en priant Nostre Seigneur
qu'il leur aide et face miséricorde, leur donnant son sainct
espirit, et en toute doulceur les admonestant. Que toute détraction
et mal parler des aultres soient loing de vous, et singulièrement
affection de vengeance,laquelle du tout soit loing de vous Rompes
voz cœurs et vos misérables coustumes; que vostre cœur soit
plein de charité envers tous; que vostre bouche ne die que bien
et ne parle qu'en bien et charité des aultres; que la main ne serve
qu'en bien. Ayés soubvenance qu'estes à Dieu, achettés de gros
pris pour quoy [vous] n'estes point à vous. Ne servés à vous, ne
à voz affections, mais à Dieu seulement. Quel proufit repourtésvous,
quant en vostre cœur estes pleins de amartume, de rancune,
hayne et malivolence si avez dit tous les maulx de vostre prouchain?
quant tout ce que luy pouvés fère.luy avés fait pour luy
nuyre? quant tous les maulx sont venus sur luy? N'est-il fait à
l'image de Dieu comme vous, estant homme comme vous, voire
appellé pour estre vostre frère, pour vivre en Jésus et régner avec
vous? Combien vouldroit [1.vaudrait] trop mieulx qu'en vraye
charité et amour de Dieu, l'aymant et procurant son bien, parlant
de luy et à luy en son bien et proufit, vous emploiant
en tout
tellement, qu'en Nostre Seigneur fussiés ung, frères en Nostre Seigneur,
vivans sainctement et purement 1
Très-chers, il fault avoir aultre affection et considérer l'affection
que le Seigneur a heu envers nous, et de telle affection estre envers
tous. Sil l'effaiet en vient au salut du prouchain, quel bien
est-ce! 1 quellejoie! quelle consolation! S'il ne luy proufite, nous
avons fait ce qu'est en nous, comme le Seigneur a fait envers
Judas, bien adverty quel il estoit et quel [il] demeureroit, ne mes-