Dolorès

Mme Nicole Qwè c’qu’èle vos-a fét, on, m’pètit ?
Robert Dj’aveu comandè dès tâbes di ping-pong, dès raquètes èyèt dès bales….
Melle Sophie Et adon ?
Robert Ele n’a payî qu’lès bales… Qwè c’qui vos v’lèz qui dji fèye avou vint’ cénq bales di ping-pong
asteûre ?
Mme Nicole Vos p’lèz toudis z-aprinde a jonglér a vos-èfants…
Robert C’èst ça èt s’i nos faut in clôwn, nos criy’rons après vous !
Melle Sophie Mi, c’è-st-avou dès lîves qu’èle m’a fét l’côp : « Vos n’avèz qu’a d-è prinde yin pou deûs scolîs »
qu’èle m’a dit ! Et qwè c’qu’on fét quand i faut r’prinde in lîve a s’maujone pou ène lèçon a
studyî ?
Robert Vos n’avèz qu’a l’côpér è deûs, da !
Mme Nicole Pou div’nu in mitan d’djondu come vous, azârd !
Melle Sophie Pourtant, avou tout c’qu’is nos f’yons droci : lès fancy-fairs èyèt lès soupérs au moules,
spaghetti, boulètes… Lès liârds rintèr’nut tout l’min.me !
Mme Nicole Oyi, m’fiye, mins vos p’lèz m’crwêre, lès liârds vûd’nut co pus râde qu’is n’rintèr’nut !
Robert Oyi mins pouqwè c’qu’on n’pout pus rén z-ach’tér adon ?
Mme Nicole Dj’é bén ène pètite idéye, mi, mins…
(M. Gilbert entre dans la pièce)
Scène 7
Mme Nicole, Robert, Melle Sophie, M. Gilbert
M. Gilbert Bondjoû, mam’zèle Sophie ! Bondjoû, Robert ! Dijèz, èl télèfone n’a nén sonè ?
Mme Nicole Si fét, mossieû Gilbert... Et c’èst l’standardisse qu’a discrotchî !
M. Gilbert Dolorès ! Ele a a co toudis ôzu ?
Mme Nicole Non fét, pîre qui Dolorès ! Mossieû d’jim’ !
Robert Dji vos-âré !
M. Gilbert C’èsteut madame Michel qui doneut d’sès nouvèles ?
Robert Non fét, c’èsteut l’inspècteûr Binard qu’anonceut s’vizite pou d’mwin !
Mme Nicole Rifflart ! C’èst l’inspècteûr Rifflart ! Escusèz m’camarâde, mossieû Gilbert… I n’a pont
d’mémwêre ! Qwè v’lèz ? On n’a nén d’pus d’neurones an fèyant dèl culture fysique !
M. Gilbert Rifflart ! Rifflart ! C’è-st-in nom qui dji n’conè nén ça ! C’èst drole ! Et i vént d’mwin, d’jèz ? Ô,
c’è-st-anoyant… Pourvu qu’madame Michel fuche droci… Rifflart, ça n’mi dit vrémint rén !... Dji
m’va dalér vérifyî ça dins mès papîs. (il sort)
Scène 8
Mme Nicole, Robert, Melle Sophie
Mme Nicole « Pourvu qu’madame Michel fuche droci… » Fau pilate, va ! I s’reut bén trop binauje di poulu
djouwér a mossieû l’dirècteûr s’èle n’asteut nén rintréye !
Melle Sophie N’èspétche qui nos riskons tout l’min.me d’awè dès rûjes s’èle n’èst nén la !
Mme Nicole Qué rûjes ? L’inspècteûr, i n’vént nén pou inspèctér l’dirècsion, i vént pou inspèctér lès mésses
d’èscole. Adon, qu’ça fuche mossieû Gilbert ou bén madame Michel, ça n’candje rén du tout !
10