Dolorès

M. Gilbert Et qu’adon, nos-astons oblidjîs di l’èrçuvwêr dins l’sale dès mésses ! Et bén, v’la ène èspène
wôrs dès pîds ! Et asteûre, dji n’èl di pus, dji m’èva… Dji m’va djouwér a l’écléreûr dins
m’burau… (et il sort en laissant la porte ouverte)
Scène 6
Mme Nicole, Dolorès
(Dolorès se lève pour refermer la porte. Elle trébuche comiquement sur ses hauts talons)
Mme Nicole Dijèz Dolorès, a m’chènance vos n’mètèz jamés pont d’wauts talons ?
Dolorès Pou qwè fé, madame Nicole ? Pou monter su li scaule, pour fé lès caraus ? Ca n’s’reut né fôrt
auji…
Mme Nicole Mins quand vos n’astèz nén a vo bèsogne ?
Dolorès Quand dji n’seû nén a m’bèsogne, dji seû st-a m’maujone èyèt drola non pus, dji n’é nén dandji
d’wauts talons. Vos roubliyèz qui m’n-ome èst concièrje ? Adon, mi, dji seû djusse boune pou
r’nètchî les montéyes, lès coridôrs… ramassér l’pichate dès tchéns èt… tout l’rèstant !
Mme Nicole È bén ! Vos f’yèz dès djournéyes d’quarante-wit’ eûres, vous !
Dolorès Ca, vos p’lèz l’dîre ! Mins dj’î pinse, pouqwè c’qui vos m’avèz d’mandè ça, pou lès solés ?
Mme Nicole (embarrassée) Pac’qui dji trouve qui vos-avèz vrémint ène drole d’alure, quand vos routèz…
Dolorès C’èst seûr qui quand dji seû achîde, dji supôrte mieus lès wauts talons !
Mme Nicole Dji vous dîre qui vos n’avèz nén fôrt bèl’ér.
Dolorès Dji m’va r’mète mès savates, adon, ça s’ra pus auji.
Mme Nicole Et ça, pou l’côp, ça s’ra chic’… Anfin Dolorès ! Réflèchissèz ène miyète : vos-avèz d’dja vèyu
ène dirèctrice an savates, vous !?
Dolorès Vos n’avèz qu’a racontér qui dj’seû cu d’jate, en’do ! Vos-avèz d’dja bén èdvintè qu’dj’èsteu
moyale, adon, dji n’seû pus a l’après d’ça !
Mme Nicole I n’faut nén l’prinde insi, Dolorès… C’èst pac’qu’i faut qu’no comèdîye fuche… au père dès
pouces !
Dolorès Dji m’èscuse mins mi, dji n’seû nén au père dès pouces !
Mme Nicole Nas dalons trouvér ène solucion. Après tout, i sufireut quéqu’fîye di vos-ètrin.nér ène miyète.
Dolorès Come lès djouweûs d’fotbal ?
Mme Nicole C’èst ça tout djusse, oyi… Alèz, vos dalèz fé ène pètite asprouve…
Dolorès Comint ça ?
Mme Nicole Vos dalèz routér pad’vant mi, di d’la a la (elle désigne une ligne imaginaire occupant le devant
de la scène) an asprouvant d’yèsse l’pus naturèle possibe.
(Dolorès s’exécute très maladroitement, en trébuchant, en se tordant les pieds)
Mme Nicole C’èst bén c’qui dj’pinseu… Vos routèz avou vos wauts talons come si vos routîz avou dès
savates…
Dolorès Bén, c’èst lès min.mes pîds qui sont d’dins, en’do !
Mme Nicole Dji vos splique : quand on route a plat pîd, on mèt toudis l’talon a tére pou comincî mins quand
on route avou dès talons, i faut d’abôrd mète l’bètchète du pîd pou comincî… Vos compèrdèz,
en’do ? Come lès man’quins, wèyèz, dins lès grands défilés…
Dolorès (inspirée) Aaaah…
23