Dolorès

Melle Sophie Alèz, nos dalons l’fé èchène… Chûvèz-m’…
(Elles marchent toutes les deux, l’une derrière l’autre, Sophie très élégante, Dolorès nettement moins)
Scène 8
Mme Nicole, Dolorès, Melle Sophie, Robert
(A ce moment, entrée de Robert qui contemple, goguenard, les deux femmes qui effectuent un aller-retour)
Robert (minaudant) Qwè c’qui s’passe droci ? C’èst l’défilé « Printemps-Estè » pou Jean-Paul Gaultier ?
Mme Nicole Robert ! Vos n’avèz rén a fé nén rén, vous ? Qwè c’qui c’èst d’ça pou ène èscole èyu c’qui tout
l’monde a l’ér d’yèsse an vacances !
Robert Dj’é djustumint in stajiêre, madame Mêle-tout èt si dj’é co l’idéye di m’pourmwin.nér, dji n’é pont
d’comptes a vos rinde ! Eyèt d’pus, si dj’pou yèsse utîle droci…
Mme Nicole Vous, utîle ? Ca m’èwar’reut bran.mint !
Robert Qwè c’qui vos f’yèz ?
Melle Sophie Nos donons dès l’çons d’élégance a Dolorès.
Dolorès Oyi, èles voul’nut m’aprinde a routér, mossieû Robert !
Robert Routér ? Mins s’i gn-a in-ome dèl situwacion pou z-aprinde a routér a ène saquî, c’èst bén mi,
m’chène-t-i !
Mme Nicole Li rwè d’Prusse n’èst nén s’mononke a li !
Robert (poursuivant) Choûtèz Dolorès, pour routér tout drwèt, i gn-a qu’ène seûle solucion : comptér !
Dolorès Comptér ???
Robert Wétèz in spécyalisse, droci ! Dji m’va vos moustrér comint c’qu’i faut fé ! (Et il entame un allerretour
au pas militaire en comptant « 1-2 » à voix haute, puis un autre aller-retour où Dolorès lui
emboîte le pas en l’imitant parfaitement)
(Entrée précipitée de M. Gilbert)
Scène 9
Mme Nicole, Dolorès, Melle Sophie, Robert, M. Gilbert
M. Gilbert C’n’èst nén co tout droci ? On vos-ètind djusqu’a dins m’burau ! Vos-astèz div’nus sots ou bén
qwè ?
Robert (au garde à vous) On-ètèrtént l’moral dès troupes, mon général !
M. Gilbert I d-ara bén dandji, l’moral dès troupes pac’qui, l’inspècteûr vént d’arivér. Dji l’é vèyu qui
diskindeut di s’n-auto, i cache après in tikèt pou l’parkin’ èt… Ca n’a nén l’ér d’yèsse in grand
comique !
Melle Sophie C’è-st-a dîre ?
M. Gilbert Il è-st-abiyî an nwâr, dins-ène nwâre auto… èt avou ène nwâre malète…
Robert C’è-st-in-inspècteûr ou d’oubén in croque-môrt ?
Dolorès Mon dieu ! I vént pou z-ètèrér l’èscole dès-Arondes !
M. Gilbert Bon ! Alèz ! Chacun a s’posse èt… Boune chance a tèrtous !
(Tous quittent la pièce sauf Dolorès èt Mme Nicole. Dolorès va s’asseoir à la table en tortillant comiquement du
derrière)
25