Dolorès

Robert Dji vos di qui dji r’grèt’ré toute èm’vikérîye d’awè yeû ène istwêre… avè vous !
Mme Nicole Pourcha qu’vos-astèz !
Robert Téjèz-vous, vîye aragne !
Mme Nicole Vos n’astèz qu’in mau al’vè ! Vî bia !
(A ce moment, entrée de Mme Michel. Elle porte un tablier et des gants en caoutchouc de couleur tapante)
Scène 5
Mme Nicole, Melle Sophie, Ramon, Robert, Mme Michel
Mme Michel È bén… I gn-a au mwins ène afêre qui n’a nén candjî dins c’n-èscole-ci. Dji vos r’trouve come
toudis an bisbrouye ! Ca fét pléji a vîr…
Robert Mi, s’on m’cache après, on m’trouve !
Mme Michel Bon ! Gn-a putète ène saquî qui va mi spliquî c’qui s’passe droci ?
Ramon Mossieû Robert èyèt madame Nicole ès’disput’nut a cauze d’ène istwêre d’amoûr qu’is-ont yeû
dins l’tins, si dj’é bén compris…
Robert D’amoûr, d’amoûr… C’est râde dit !
Mme Michel Ô ! mins ça, nos-astons abutuwès ! Dji vou pârlér d’l’inspècteûr èt di l’tralala ! Comint èst-c’qui
l’inocène di Dolorès a rèyussi a prinde èm’place ?
Ramon L’inocène di Dolorès ? C’èst di m’feume qu’èle pâle la, lèye ?
Mme Michel Dji pou sawè qui c’qui vos-astèz, vous, mossieû ?
Melle Sophie Mossieû, c’èst l’ome da Dolorès !
Mme Michel Toutes mès condolèyances, mossieû !
Mme Nicole Ô, ça va in, madame Michel ! Dji n’pinse nén qu’vos-astèz si bén mètûwe qu’ça pou fé dès
r’mârques aus-è z-autes ! Pac’qui pou l’momint, si nos-astons dins l’pènin, c’èst d’vo faute !
Mme Michel Di m’faute ? Qwè c’qui c’èst d’ça pou dès contes ?
Mme Nicole C’n’èst nén dès contes ! Dolorès a passè l’niût dins vo burau…
Ramon  !... C’èst la qu’èle asteut…
Mme Nicole Et èle a yeû tout l’tins d’fé l’inventêre di tout c’qui vos-avèz ach’tè avou nos liârds !
Mme Michel Vos liârds !?
Melle Sophie Oyi, nos liârds ! Lès liârds qui nos-avons gangnî an f’yant dès soupérs aus moules, spaghetti,
fancy-fair, tombolas…
Robert Et asteûre, nos-avons l’inspècteûr dès finances disu lès rins… Et nos risquons tèrtous l’prijon…
Et tout çoula, di vo faute !
Mme Michel Mins pouqwè c’qui vos-avèz mètu Dolorès a m’place ? Ca n’candj’ra rén a l’afêre !
Mme Nicole Si vos n’arîz nén stî an vacances au diâle èyèt co pus lon, nos n’arîs nén stî oblidjîs d’vos fé
rimplacér pa Dolorès !
Robert Oyi, ça ! A propos, nos nos d’mandons tèrtous qui c’qu’a co payî cès biyèts-la pou l’Canada !
Melle Sophie El dérène tombola, azârd !
Mme Michel Dji n’vos pèrmèt nén !
Mme Nicole Vos n’avèz pus rén a pèmète ou a n’nén pèrmète droci ! Vos n’astèz pus an pôsicion dèl fé !
34