You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
<strong>Dolorès</strong> Mins si fét, i gn-a in moncha d’boutèyes dins l’pètit frigo da madame Michèl… Â, ou adon, in p’tit<br />
wisky, dins l’ârmwêre du bar…<br />
Mme Nicole <strong>Dolorès</strong> ! Nos d’vons donér l’imâdje d’ène pauve pètite èscole ousqu’i gn-a pont di liârds…<br />
<strong>Dolorès</strong> Â bon ! Ca va, dj’é compris… Dji m’va candjî d’abôrd…<br />
M. Gilbert A la boune eûre !<br />
<strong>Dolorès</strong> Achîdèz-vous, mossieû l’inspècteûr… Dji m’va vos donér in bon vêre d’eûwe du robinèt !<br />
M. Gilbert C’n’èst nén possibe ! C’n’èst nén possibe ! Nicole, dijèz-m’ qui c’n’èst nén l’vré !<br />
Mme Nicole Alèz, mossieû Gilbert, i n’faut nén montér a s’mince, insi ! <strong>Dolorès</strong>, vos propos’rèz ène jate di<br />
cafè a l’inspècteûr, c’èst co l’mèyeû.<br />
<strong>Dolorès</strong> Pour mi, c’èst l’min.me, en’do !<br />
M. Gilbert Bon… asteûre, dji crwè qu’il èst tins d’passér a l’afêre èl pus impôrtante…<br />
Mme Nicole Dji pinse ètout qu’il èst grand tins…<br />
M.Gilbert Bon, <strong>Dolorès</strong>, vos savèz bén qu’l’inspècteûr vént droci pou r’wétî lès comptes… I vout sawè tout<br />
djusse çu qu’on fét avou lès liârds qui nos r’çuvons dèl Comunauté bén seûr, mins ètout avou<br />
lès céns dès fancy-fair, dès soupérs, dèl tombola…<br />
<strong>Dolorès</strong> Mins, ça va yèsse deûr, savèz ça, mossieû Gilbert !<br />
M. Gilbert Dji l’sé bén, <strong>Dolorès</strong> ! Et c’èst pou ça qui l’pus possibe, c’èst mi qui rèspondré aus-è quèstions<br />
d’l’inspècteûr ! Mins, si jamés, i vos pôze ène quèstion an vos r’wétant bén dins lès-îs èt qui vos<br />
n’savèz nén fé autrèmint qui d’rèsponde, dji vos d’mand’ré d’yèsse… dijons… « dins l’flou »…<br />
<strong>Dolorès</strong> (ébahie) Di qwè ? I faura qui dji mète dès bèrikes ?<br />
M. Gilbert Non fét, non fét, <strong>Dolorès</strong> ! « Dins l’flou » ni vout nén dîre « mète dès bèrikes », ça vout dîre tout<br />
simplumint qu’i faut rèsponde sins dîre t’tafét oyi, ou t’tafét non…<br />
<strong>Dolorès</strong> Â ! « Ni oyi, ni non »… Dji conè bén c’djeu-la, mi ! Quand dj’èsteu p’tite, dj’èsteu l’pus fôrte pou<br />
djouwér a ça…<br />
M. Gilbert Ca va dalér tout seû d’abôrd…<br />
<strong>Dolorès</strong> Oyi, mossieû Gilbert ! Anfin, dji vou dîre « bén seûr », mossieû Gilbert ! On n’aveut nén co<br />
comincî, en’do ?<br />
Mme Nicole Alèz, asprouvons ène miyète… Dji fé toudis l’inspècteûr… « Madame Michèl, vos savèz bén qui<br />
dji seû droci pou r’wétî vos comptes di pus près? »…<br />
<strong>Dolorès</strong> Bén seûr, mossieû l’inspècteûr…<br />
Mme Nicole Et come vos-astèz l’chèf, dji compte sur vous pou m’donér in côp di spale, en’do ?<br />
<strong>Dolorès</strong> C’èst seûr èt cèrtin, mossieû l’inspècteûr…<br />
Mme Nicole Adon, èst-c’qui vos p’lèz m’dîre, par ègzimpe, çu qu’on z-a fét avou lès liârds du dérin soupér<br />
aus moules ?<br />
<strong>Dolorès</strong> Bén… on z-a ach’tè in canapé an kûr pou mète dins m’burau, a costè du nouvia frigo…<br />
M. Gilbert Non fét, non fét, <strong>Dolorès</strong> !<br />
<strong>Dolorès</strong> (le montrant du doigt) Il a pièrdu ! Il a pièrdu ! Il a dit : « non fét » !<br />
M. Gilbert Nicole, rastènèz-m’ ! Dji sins qu’dji m’va fé in maleûr !<br />
<strong>Dolorès</strong> Qwè c’qui vos-avèz ? Dji n’é nén dit oyi ou bén non ! Dj’é gangnî !<br />
Mme Nicole <strong>Dolorès</strong>, vos n’p’lèz nén dîre çu qu’on z-a fét avou lès liârds dins l’èscole !<br />
20
Change language