Dolorès

ACTE I
Scène 1
Dolorès puis M. Gilbert
(Quand le rideau se lève, Dolorès est seule en scène. Elle prépare du café en accompagnant à tue-tête une
chanson de Dalida.M. Gilbert fait irruption dans la pièce, l’air furieux. Dolorès ne le voit pas, elle lui tourne le dos.)
M. Gilbert Dolorès !
(Dolorès ne l’entend pas èt continue sa tâche en chantant.)
M. Gilbert (hurlant) Dolorès !
(Dolorès sursaute violemment, se retourne et, découvrant M. Gilbert, se précipite sur la radio et l’éteint.)
Dolorès Ô ! Mossieû Gilbert ! Escusèz-m’, savèz, dji n’vos-aveu nén ètindu rintrér.
M. Gilbert Bén, dj’èl pinse bén ! Dins-in brût parèye, gn-a rén d’èwarant ! On n’ètindreut nén d’dja l’alârme
di cénq eûres ! Vos pièrdèz l’tièsse, èm’fiye ! Dèdja qu’vos div’nèz soûde !
Dolorès Mins mi, dj’in.me bén d’travayî an choûtant dèl musique…
M. Gilbert Pac’qui vos lomèz ça dèl musique, vous ! È bén, vos n’astèz nén malaujîye…
Dolorès Bén, c’èst Dalida ! Si ça, c’n’èst nén dèl musique ! Dji n’sé nén c’qui vos faut !
M. Gilbert Lèbon insi, Dolorès ! Dji n’va nén piède èm’tins a discutér musique avou ène saquî… di… di… (il
cherche ses mots) d’inculte !
Dolorès (tournant la tête vers son postérieur) Qwè ? Qwè c’qu’il a m’…
M. Gilbert Inculte ! Ca vout dîre ène saquî qui n’a pont d’culture !
Dolorès  bon ? Dj’aveu mau compris adon… Et pwîs, mossieû Gilbert, dji n’fé toudis pont d’mau an
choûtant dèl musique tout l’min.me ?
M. Gilbert Vos n’vos rindèz nén compte di c’qui lès djins vont pinsér autoû d’l’èscole ?
Dolorès Is pins’ront qu’a l’èscole « dès-Arondes », on èst d’dja d’boune umeûr timpe au matin…
M. Gilbert Si co, vos choûtîz dèl musique classique : Tchaïkowski, Rimsky-Korsakov, Prokoviev…
Dolorès Ô, mi… Lès « keûrs di l’Armée Rouge », dji n’é jamés vèyu voltî ça ! Si fét, in côp : quand is-ont
fét ène plake avou Mireille Mathieu…
M. Gilbert (atterré) Mon dieu, i vaut mieus ètinde ça qu’d’yèsse soûrd ! Soûrd come Beethoven !
Dolorès Beethoven ? C’est l’gros tchén dèl télévizion, ça ?
M. Gilbert (effondré) Lèbon, Dolorès, lèbon… N’asprouvèz nén co di m’mète di mwéche umeûr si timpe au
matin… Mins dijèz a propos, i n’èst co qu’sèt eûres au matin… Qwè c’qui vos f’yèz d’dja droci,
on, vous ?
Dolorès (mal à l’aise) Dji… dj’é pinsè qu’ça f’reut pléji a tout l’monde si dji mèt’reu ène miyète d’orde
droci, s’i gn-âreut du nouvia cafè quand tout l’monde ariv’reut… C’est pus guéy insi, en’do, di
r’prinde après ène samwène di condjîs…
M. Gilbert Ca fét dîj ans qu’vos boutèz droci èt c’èst bén l’preumî côp qui dj’vos wè fé ène saqwè pou « fé
pléji aus-è z-autes »…
Dolorès C’n’èst nén djinti c’qui vos d’jèz la, mossieû Gilbert… Vos roubliyèz d’dîre tous lès côps qui dji
m’dèvouwe pou vos-apôrtér vo couriér.
2