Brochure - Esch sur Alzette

VIRWUERT
„GAYMAT“ ZESUMME BIS UN D‘ZIEL
Hunn mir d‘lescht Joer probéiert,
d‘Politiker bessi opotmen ze loossen a
sech vun de leschte Joeren ze erhuelen,
esou soll de GayMat 2012 nees ganz am
Zeeche vun eise Fuerderunge stoen.
Mir wëllen eis Politiker wakreg rësëllen,
fir se un hir Verspriechen ze erënneren
an se no der Halschent vun der Legislaturperioden
un hire Koalitiounsaccord
erënneren.
Zwee Joer ass et elo hir, datt den Här Biltgen,
als Justizminister, eis de Mariage fir
gläichgeschlechtlech Koppelen an Aussiicht
gestallt huet.
Ausser e Projet de loi, deen eis leider net
zefridde gestallt huet, ass leider net vill
passéiert. Och de Staatsrot, dem seng
Neutraliteit ech natierlech kengesfalls
wëll a Fro stellen, an deem ech och keng
Pie qui chante 4 Juli-September 2012
EDITORIAL
ze konservativ Approchen ënnerstelle
wëll, huet den Dossier mat der Nummer
6172 scheinbar an den ënneschten Tirang
getässelt.
Muss wierklech d‘Chancëgläichheet, déi
bis elo nach ni en AAA verdéngt huet,
wierklech nach emol erof gestuft ginn?
Oder entscheed sech eis Regierung am
Dossier Mariage an Adoptioun endlech
Gas ze ginn?
Mir hoffen, datt eis Fuerderung no de
selwechten Rechter bei där ganzer Wirtschaftskris
net an de Vergiess geroden,
an datt och mir gläich d‘Méiglechkeet
hunn, „JO“ soen ze kënnen, datt och eis
Léift eng legal Basis kritt, dei iwwer finanziel
Avantagen, déi de Pacs eis gëtt, eraus
geet.
„JO“ soen, net am Kader vun enger Partnerschaft,
déi hirer Zäit als Kompromëss
geduecht war, mee „JO“ soen ze kënnen
zum Zesummeliewen, well eis Léift keng
zweet-Klassen-Léift ass.
Déi Sportintresséiert ënnert eis, deenen
ass et villäicht opgefall, eist Plakat huet
sech e bëssen um Design vun der Olymipad
orientéiert. Och dëst huet e ganze
Koup mat eise Fuerderunge gemeinsam:
Nierwt dem Ziel, datt mir, wéi scho gesot,
net aus den Ae verléiere wëllen: och de
Fairplay...
E Faiplay an eng Toleranz dee mir net
nëmme vun eiser Regierung an op legislativem
Niveau verlaangen, mais vu
jidderengem dobaussen, eise Frënn an
Noperen, eisen Employeuren an Aarbechter,
de Geschäftsleit an Iech alleguer
déi dës Zeile liesen
Mir invitéiren jiddwer Eenzele vun Iech,
fir um GayMat deel ze huelen, dobäi ze
sinn, well jiddweree vun eis bréngt eis e
Stéck um Wee méi no. Zesumme komme
mer un d‘Ziel!
Laurent Boquet
Vize President RosabLetzebuerg asbl.
Koordinateur GayMat