You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Kwonik Kreyòl<br />
Ile-à-Vache: Laurent Lamothe debake pou mete peyizan yo deyò<br />
Laurent Salvador Lamothe ak minis touris la Stephanie Villedroin<br />
Samdi 28 jen pase a, Premye<br />
minis Laurent Salvador Lamothe<br />
debake nan zile Ile-à-Vache ak yon<br />
lame nèg ak gwo zam fannfwa pou<br />
l al mete peyizan yo deyò sou ti<br />
moso tè yo. Li te pote kèk sak diri<br />
pèpè pou distribye bay peyizan yo,<br />
ki te move kou konng. Lamothe te<br />
pwomèt peyizan yo, lajan pou yo fè<br />
komès, konstriksyon yon ayewopò,<br />
lekòl, Lopital yon fason pou l te ka<br />
pran zile a pou l konstwi yon zòn<br />
franch touristik ak gwo kokennchenn<br />
otèl pou kolon yo ak okipan<br />
yo vin pran plezi yo, fè trafik dwòg<br />
la pi byen nan zòn sid la.<br />
Anyen pa janm fèt, se sèl<br />
yon komisarya yo konstwi pou yo<br />
ka ranfòse kò ame yo nan zile a.<br />
Pandan Premye minis la debake<br />
ankachèt pou vin mete peyizan yo<br />
deyò sou tè yo, menm ti gout dlo<br />
abitan yo pa ka jwenn pou yo bwè,<br />
yo koupe dlo peyizan, se sèl kote<br />
ki gen otèl yo ki gen dlo. Aprèsa se<br />
Okay pou moun yo al chache ti gout<br />
dlo, selon responsab Konbit Peyizan<br />
Ilavach (KOPI), Kenol Alexis,<br />
ki t ap reyaji sou sitiyasyon tèt chaje,<br />
peyizan yo ap viv nan zile a. Se<br />
yon veritab kouvrefe Premye minis<br />
lan vin enstale nan zile a, zam yo<br />
pwente sou peyizan yo, y ap mache<br />
ak yon jijdepè pou arete militan k ap<br />
pwoteste kont plan lanmò a.<br />
Peyizan yo bò kote pa yo,<br />
pa t pè yo te boule kawotchou,<br />
bare wout, manifeste kont prezans<br />
Premye mafia Lamothe nan zile a.<br />
Kenol fè konnen Premye mimi an<br />
achte konsyans preske tout moun<br />
nan zile a ak zòn Sid, kouwe: pastè,<br />
pè, palmantè yo ak yon bon pati<br />
nan laprès la, òganizasyon dwa<br />
moun yo elatriye pou yo pa pale<br />
sou dosye Ilavach. Li pwofite dewoulman<br />
koup mondyal foutbòl la<br />
pou l vare sou tè peyizan yo nan<br />
zile a. Li lanse yon apèl bay òganizasyon<br />
dwa moun k ap defann enterè<br />
pèp la nan nivo nasyonal kou<br />
entènasyonal pou yo vin foure je<br />
gade sa k ap pase nan zile a jounnen<br />
jodi, kote dwa peyizan yo pa respekte,<br />
kote pouvwa tètkale ap marinnen<br />
tout kalte konplo kont peyizan<br />
yo. Kenol Alexis lanse yon apèl tou<br />
bay tout lòt peyizan ki viktim anba<br />
men pouvwa reyaksyonè ak tizanmi<br />
Martelly-Lamothe la, pou mete<br />
tèt yo ansanm pou bloke pwojè yo<br />
genyen pou mete peyizan yo deyò<br />
sou ti moso tè yo nan peyi a, menm<br />
jan y ap mache kraze kay moun yo<br />
nan Pòtoprens epi mete kanpe yon<br />
politik tòl wouj nan peyi a.<br />
Papa polisye Jean Maltunes<br />
Lamy kontinye mande liberasyon<br />
pitit li, ki fèmen nan prizon depi<br />
mwa fevriye <strong>2014</strong> la, poutèt li te<br />
mete l bò kote peyizan yo ki t ap<br />
revandike dwa yo genyen pou viv<br />
sou tè yo nan zile a. Li fè konnen<br />
pitit li a pa yon kidnapè, li pa<br />
yon dilè dwòg, se poutètsa menm<br />
yo mete l nan prizon. Si l te konn<br />
bwote dwòg ba yo, al fè kidnapin<br />
pou yo, yo pa t ap mete l nan prizon.<br />
“Mwen te pase anpil mizè<br />
pou m te fè edikasyon pitit mwen,<br />
Jean Maltunes pou l te ka vin sèvi<br />
popilasyon an. Men li t ap fè travay<br />
li, Lamothe arete l al fèmen l<br />
nan prizon. Sa a sanble tèt koupe<br />
ak zak tonton makout Duvalier yo.<br />
Se nan epòk lane 57 yo nou tounnen<br />
ankò, se makout yo ki retounen<br />
sou pouvwa a pou vin konmèt tout<br />
kalte enjistis sou pèp la. Se sa k fè<br />
nou jwenn legliz, laprès, boujwagrandon<br />
yo ak gwo peyi enperyalis<br />
yo, tankou : Etazini, Lafrans, Kanada<br />
ak Oganizasyon mondyal yo ak<br />
rejyonal yo, kouwè : ONU, OEA,<br />
UNION EUROPEENNE elatriye k ap<br />
fè konplo kont peyi a ak kont pèp<br />
ayisyen an’’<br />
N ap raple, aprè enfòmasyon<br />
k ap sikile nan peyi a, pouvwa tètkale<br />
Martelly-Lamothe la gen yon<br />
Laurent Salvador Lamothe<br />
pwojè pou l mache pran tout tè ki<br />
bò lanmè yo, sitou sa ki nan zile<br />
yo nan peyi a. Lidè peyizan Papay<br />
la, nan Plato Santral la, Chavannes<br />
Jean-Baptiste déjà di peyizan yo file<br />
manchèt yo mete la, pou yo moun<br />
k ap vin mete yo deyò sou moso tè<br />
yo. Nan sans sa a, anpil moun déjà<br />
prevwa pouvwa tètkale a, k ap kale<br />
tèt pèp ayisyen ap prepare yon gè<br />
sivil nan peyi a lè l ap atake peyizan<br />
yo sou tè. Pwojè pou mete peyizan<br />
yo deyò sou tè yo se kontinite<br />
plan lanmò politik neyoliberal la,<br />
ki te touye kochon kreyòl peyizan<br />
yo, ki te reprezante kanè bank yo,<br />
nan lane 80 yo, kraze pwodiksyon<br />
nasyonal la sou rejim militè makout<br />
yo, privatize antrepriz piblik yo sou<br />
rejim defakto Alexandre-Latortue<br />
ak sou 2 manda Rene Préval yo, fè<br />
goud la tounen zorèy bourik, mare<br />
peyi a nan pye tab enstitisyon finansyè<br />
entènasyonal yo tankou<br />
: FMI, BANK MONDIALE, BID ak<br />
UNION EUROPEENNE. Li revi tou<br />
likidi rès ti resous peyi a bay nouvo<br />
kolon yo ak gwo peyi enperyalis yo<br />
epi lage peyizan yo ap mache 2 bra<br />
balanse nan peyi a.<br />
Altènativ yo genyen se : antre<br />
nan gran vil yo pou al travay<br />
nan faktori soutretans yo pou yon<br />
ti bouda monnen, ki redui yo nan<br />
yon fòm mandisite, al vann pwodui<br />
gwo konpayi miltinasyonal yo,<br />
tankou : DIGICEL, NATCOM, BRAS-<br />
SERIE NATIONALE elatriye ou byen<br />
pwodui konpayi transnasyonal yo<br />
ki tabli nan Repiblik Dominiken.<br />
Anpil nan Ayisyen yo denatire yo<br />
sètoblije travèse fwontyè a pou<br />
al pran imilyasyon lakay vwazen<br />
oubyen pran kanntè pou wè si<br />
yo ta ateri nan peyi Etazini ak lòt<br />
peyi nan Karayib la. Jounen jodi an<br />
pwojè sa a vin transfòme pwodiktè<br />
yo an senp jounalye. Altènativ la<br />
pou viktim politik neyoliberal yo<br />
: se òganize yo, mobilize nèt ale,<br />
kontinye fè rezistans kont plan lanmò<br />
sa a jiskaseke yo rive dechouke<br />
makout sa yo sou pouvwa a, k ap fè<br />
tout kalte konplo pou vann peyi a.<br />
Konbit Solèy leve onore 4 jèn nan Site Solèy<br />
Konbit Solèy leve, se yon mouvman<br />
ki pran nesans depi 25<br />
jen 2011 ki regwoupe plizyè sektè<br />
ak òganizasyon nan Site Solèy la,<br />
ki repoze sou fòs ak kapasite moun<br />
nan kominote a, Y ap travay pou fè<br />
ranfòsman nan lapè ak chanjman sosyal<br />
nan komin site solèy. Sousa depi<br />
plis pase 3 lane inityativ sa a, etabli<br />
nan kominote a, Moun site solèy<br />
retwouve yo anpil nan mouvman sa<br />
a, parapò avèk liy yo kenbe pou fè<br />
enpak osinon enfliyans pozitif pou<br />
valorize ak ranfòse kapasite moun k<br />
ap viv nan Site Solèy.<br />
Mirak la ! Se paske aprè plis<br />
pase 15 lane, sosyete a ansanm ak<br />
otorite leta yo, pi fasil jwenn plis enterè,<br />
pou fè bèl pwomosyon sou nivo<br />
mizè ak pèsepsyon negatif sa yo<br />
tankou : Chimè, Vòlè, Bandi, Move<br />
zafè osinon Kidnapè sou tout moun<br />
k ap viv nan ominote a, poutan ki<br />
pa janm vre. Men ansanm, nou rive<br />
travay, kolekte fòs pou rive fè kominote<br />
nasyonal la ak entènasyonal la<br />
konprann , apati dat ki te jedi 25 jen<br />
<strong>2014</strong> la, nan apre midi, gen 4 jèn ki<br />
onore pami plizyè santèn lòt pou<br />
sakrifis, onètete yo ak entegrite yo<br />
RADIO<br />
PA NOU<br />
1685 Nostrand Avenue<br />
Brooklyn, NY 11226<br />
67 Khz<br />
www.radyopanou.com<br />
Depuis 2002<br />
• Nouvelles<br />
• Analyse<br />
• Publicité<br />
Fondateur: Jude Joseph<br />
Bureau:<br />
(718) 940- 3861<br />
Studio:<br />
(718) 701- 0220 • (718) 856- 8702<br />
(718) 928- 7022 • (718) 462- 0992<br />
(718) 469- 8511<br />
BOUKAN<br />
101.9 FM • SCA<br />
Radyo Pa Nou<br />
Emisyon KAKOLA<br />
Konbit Ayisyen pou Kore Lit la ann Ayiti<br />
• Nouvèl •<br />
• Analiz •<br />
• Kòmantè •<br />
• Deba •<br />
Pou yon Ayiti Libere<br />
(917) 251-6057<br />
www.RadyoPaNou.com<br />
Mèkredi 9-10 pm<br />
nan travay y ap fè pou ranfòse lapè<br />
ak chanjman sosyal nan Site Solèy.<br />
Nou rete kwè : Mouvman Konbit<br />
Solèy leve a, avèk 4 plak onè sa<br />
yo, rive touche sansibilite, volonte<br />
ak nanm 4 jèn sa yo, nan Site Solèy,<br />
ki se yon aksyon etènèl, kote y ap<br />
konprann popilasyon an gen je sou<br />
yo, epi konprann bon travay y ap fè<br />
nan ranfose lapè ak chanjman sosyal<br />
nan site a.<br />
Louino Robillard se jèn gradye<br />
ak yon Metriz nan Chanjman Kominote<br />
ak konstwi lapè se jèn ki enspire<br />
lide sa a. E li espere tou Site Solèy ap<br />
kontinye pran responsabilite li pou<br />
l kontinye onore pitit li k ap travay<br />
pou chanjman dirab ak lapè.<br />
Plizyè Jèn site solèy ki kwè<br />
nan travay sosyal sa deklare: yo pap<br />
janm dekouraje pou ede site a jwenn<br />
bonjan chanjman. Y ap preche chak<br />
jou bondye mete selon yomenm<br />
yon Levanjil Sosyal, paske Site a ka<br />
chanje, Site solèy ap chanje, fòk site<br />
solèy chanje epi n ap goumen kont<br />
tout fòs fènwa k ap vle vin domine<br />
nou .<br />
Men lis non jèn sa yo, se: Stephen<br />
Italien, 26 lane ki sòti nan 3<br />
bebe, katye La Difference. Frantz<br />
Francois, 38 lane, sòti nan ri Volcy,<br />
SAKALA & Touris Ghetto. Alashkar<br />
Milien, 26 lane, sòti nan : Solèy 17,<br />
Volontè Konbit Solèy Leve, ak Sadrack<br />
Joseph, 27 lane ki sòti nan :<br />
Solèy 4. ID-<strong>Haiti</strong> & Site Soleil Basketball<br />
Team.<br />
Daniel Tercier & Wendel Polynice<br />
6<br />
<strong>Haiti</strong> Liberté/<strong>Haiti</strong>an Times<br />
Vol. 7 • No. 51 • Du 2 au 8 juillet <strong>2014</strong>