Kra n tefyirin n tmazight tatrart yegdazalen tiden n tefransist

Kra n tefyirin n tmaziγt tatrart yegdazalen tiden n tefṛansist
Sγer: D.Messaoudi
Ur yezmir yiwen ad yenkeṛ dakken tamziγt xuṣṣent-tt kra n tefyar swayes imatlayen imaziγen zemren
ad d-ssenfalin kra n tektiwin. Γef waya ad ten-tafeḍ sseqdacen srid tifyirin taεrabin neγ tifṛansisin,
ayen yeğğan tamaziγt ur yeban d acu-tt tikkwal.
Amagrad-a ur yemmid ara; nekk reẓmeγ yes-s tiwwura n unadi deg taγult-a; a win yafen ad ilin wiyaḍ
ara t-yekemmlen s telqayt, neγ xerṣum ara t-yesneqden i tfayda-nneγ akkit.
1. « Quelque soit »
Agdazal n tefyirt-a deg tmaziγt d “bγu (urmir)+ili (urmir)”.
Imedyaten:
- Ayen tebγuḍ tiniḍ-as-t, ur ak yesmusgut ara. (quelque soit ce que tu lui dis, il ne t’écoutera
pas)
- Akk-n tebγu tili tezmert-is, ur k-yrennu ara. (quelque soit sa puissance, il ne te vaincra pas)
2. « à chaque fois que »
Llan sin n yigdazalen i tefyirt-a : “yal mi ara” ed “yal tikkelt ara”.
Imedyaten:
- Yal m’ara tečč aksum, ad d-terr. (à chaque fois qu’elle mange de la viande, elle vomit)
- Yal tikkelt ara yessew, ad yennaγ yid-neγ. (à chaque fois qu’il boit, il se dispute avec nous)
3. « en tous les cas »
Tafyirt-a ur tt-ufiγ deg tentaliwin deg nudaγ, maca ufiγ awalen “tajṛut” ed “awan” (cas) deg
yimawalen ay d-bedreγ swadda deg wedriraw.
Amedya :
- Deg tijṛa akk, ur qebleγ asumer-ik. (en tous les cas, je n’accepte pas ta proposition)
4. « au cas où »
Deg teqbaylit, tella yiwet n tefyirt yegdazalen ta n tefṛansist ; d “madegyella 1 ”.
Amedya :
- Madegyella teḥwağeḍ tallalt, aql-i da. (au cas où tu auras besoin d’aide, je suis l{)
5. « en cas de besoin »
Tafyirt-a ad tt-kkalkiγ γef tefyirt taεrabt ay tt-yqublen 2 .
Amedya:
- Deg wakud n wassar, siwel-iyi-d. (en cas de besoin, appelle-moi)
6. « contrairement à »
Tafyirt-a yba wegdazal-is deg tentaliwin timaziγin ay ssneγ; ta swadda ihi d asumer.
Amedya:
- Mgali γef wayen yettwannan, … (contrairement à ce qui se dit, …)
7. « de plus en plus »
Deg tillawt, tikti-a tettwasenfali-d s tmaziγt s useqdec n wawal “simmal” ed wurmir ussid. I
lmend n wawal, ad tiniḍ “simmal gemmun isekla-a” (ces arbres poussent de plus en plus).
Maca, nezmer ad nesnulfu tafyirt niḍen s ukkalki γef tutlayin tibeṛṛaniyin am tneglizit,
tafṛansist neγ taεrabt.
Amedya:
- Gemmun isekla-a ugar ed wugar.
8. « par contre »
Agdazal n tefyirt-a deg tmaziγt n Yiqbayliyen d “wamma”.
Amedya:

- Asenduq-a meẓẓi, wamma win-a meqqer. (Ce coffre est petit, par contre celui-là est grand)
9. « plus … que »
Llant snat n tefyirin timaziγin yegdazalen ta n tefṛansist; ḥṣut dakken tanfalit-a tqebbel kan
arbib ed umyag n waddud.
Imedyaten:
- Yidir ẓẓay γef Muḥend s sin n yiḥricen. (Yidir est deux fois plus lourd que Mohand)
- Nekk qwiγ fell-ak s waṭas. (je suis beaucoup plus fort que toi)
10. « plus de … que »
Tella deg tmaziγt tefyirt yegdazalen ta n tefṛansist.
Amedya:
- Llan ugar n medden γer-i γef γer-k. (il y a plus de gens chez moi que chez toi)
11. « moins de … que »
Nezmer ad nesseqdec awal amaynu “nkiẓ 3 ” i usenfali n tefyirt-a tafṛansist.
Amedya:
- Llant nkiẓ n tlawin γer-neγ γef γer-wen. (il y a moins de femmes chez nous que chez vous)
12. « ne pas encore »
Deg teqbaylit, nesseqdac urḍil “mazal”. Maca deg tumẓabt tella tefyirt “zeddiγ wer”, ma deg
tmaziγt n Murakuc alemmas tella “sul ur”.
Imedyaten:
- Mazal d-tusi yemma seg tala. (ma mère n’est pas encore arrivée de la fontaine)
- Yell-is zeddiγ wer tebliγ. (sa fille n’est pas encore mûre)
- Ysul ur d-yewwiḍ. (il n’est pas encore arrivé)
13. « avant que »
Deg teqbaylit, yella wegdazal n tefyirt-a; netta d awal uddis.
Amedya:
- Werεad yessuli taẓallit, yemmut. (avant qu’il finisse sa prière, il meurt)
14. « à propos de / en ce qui concerne / en ce qui a rapport à»
Llant kra n tefyirin tiqburin s wawalen urḍilen; llant tiyaḍ d tatrarin.
Imedyaten:
- Γef temsalt n Yidir, nezmer … (à propos de Yidir, on peut …)
- Γef wayen yeqqnen γer wemxillef gar … (en ce qui a rapport au différent entre …)
15. « depuis que »
Llant snat n tefyirin yemgarrden acemma kan deg unamek.
Imedyaten:
- Segmi d-tuweḍ nettat ur tessusem. (elle n’arrête pas de parler depuis qu’elle est arrivée)
- Segwasmi d-tlul, nettat d tamuḍint. (elle est malade depuis le jour où elle est née)
16. « au moins / tout au moins »
Llan kraḍ n yirman swayes nezmer ad d-nessenfali tifyirin-a n tefṛansist.
Imedyaten:
- Ssew axxi yiwen wakus n uyefki. (bois au moins un verre de lait)
- Ečč xerṣum iniγem uqbel ad tiniqeḍ. (mange au moins une figue avant de partir)
- Siwel-as meqqar s utilifun ma ur rezzfeḍ γer-s. (téléphone-lui tout au moins, si tu ne le visiteras pas)
1 Deg tillawt, awal-a yettwanṭaq akk-a : /madagella/, maca yban dakken yekka-d seg “ma+deg+yella”.
‏«في وقت الحاجة « qqaren 2 S taεrabt
3 Awal “nkiẓ” ssuddmeγ-t-id seg werbib “unkiẓ” (amoindri) d-yekkan seg wemyag “nkeẓ” (diminuer) ; am deg “deffir /
ḍfer”.

Adriraw s talγa n ukaγeḍ :
- A. Abdesselam, 1997, Dictionnaire abrégé du vocabulaire redressé de la langue berbère, ENAG.
- A. Abdesselam, nd, Catégories du vocabulaire de langue berbère, Alger.
- H. Boutlioua, 2006, Dictionnaire trilingue français-tamazight-arabe, Alger.
- J. Delheure, 1984, Ağraw n yiwalen tumẓabt-t-tfransist, SELAF, Paris.
- J. Delheure, 1987, Agerraw n iwalen taggargrent-taṛumit, SELAF, Paris.
- Le P. de Faucauld, 1918, Dictionnaire abrégé touareg-français, LOM, Paris.
- M. Abès, 1946, Première année de berbère, dialecte du Maroc central, Rabat.
- M. Mammeri, 1975, Amawal – Lexique de la langue berbère moderne, CRAPE.
Adriraw s talγa tiliktṛunit :
- Tamaceγt : http://books.google.com/books?id=GtFnxAHJAjQC&printsec=frontcover&vq=finir&hl=fr
- Taqbaylit :http://books.google.com/books?id=nZdP85wiDmcC&printsec=frontcover&hl=fr&source=
gbs_ge_summary_r&cad=0
- Tacelhit:http://books.google.com/books?id=FkEYlILnF7wC&printsec=frontcover&hl=fr&source=gbs
_ge_summary_r&cad=0#v=onepage&q&f=false
- Tumẓabt :http://books.google.com/books?id=t3ONwSyl0zEC&printsec=frontcover&hl=fr&source=g
bs_ge_summary_r&cad=0#v=onepage&q&f=false
- Tagergrent :http://books.google.com/books?id=aF_ui9qpknYC&printsec=frontcover&hl=fr&source=
gbs_ge_summary_r&cad=0#v=onepage&q&f=false
- Tasnusit :http://books.google.com/books?id=tnfaslb1CJcC&printsec=frontcover&hl=fr&source=gbs
_ge_summary_r&cad=0