Ghef tirawghdimt n kra n wawalen uddisen

Γef tirawγdimt 1 n kra n wawalen uddisen
Sγer: D.Messaoudi
Deg kra n tamiwin n tmurt n Yiqbayliyen, qqaren medden “kra wass” i wayen yequblen deg tneglizit
“someday”. Awal-a n tenglizit yekka-d s usenteḍ n “some” (kra) ed “day” (ass). Dγa nniγ deg yiman-iw
acimi ihi ur nettaru ara s tmaziγt “krawass” ? Dγa rriγ albal-iw daγen γer wiyaḍ am wawal-a. Haten-in:
- Someone - krayiwen
- krayan
- Somebody - kramdan / kraumdan / krawemdan
- kradan / krayudan
- Something - kraγawsa / kratγawsa 2
- Somewhere - kramkan / kraumkan / krawemkan
- kraydeg
- kradγar / kraudγar / krawedγar
- Somehow - kramek / krawamek
- Somewhat - kracemma
- kramik / krimik
- Sometime - krakud 3
- Sometimes - krakuden 4
- Everyone - yalyiwen
- Everybody - yalamdan
- yaludan
- Everyday - yalass 5
- Everything - yaltaγawsa
- Everywhere 6 - yalanda / yalanida
- yalmani
- Nobody - uladyiwen / ulayiwen
- awdyiwen
- Nowhere - ulanda 7
- uladeg
Hatent-in tefyirin ara d-yesfawen irman-a d-nefka sufella:
- Suter tallalt n krayan. (Ask someone’s help)
- Krawemdan yeddem taxriḍt-iw. (Somebody has taken my purse)
- Yessefk ad tegm kratγawsa. (You must do something)
- Ad yili yeffer (deg) kraydeg. (He must be hiding somewhere)
- Amenhaṛ-nni yecceḍ kramek. (The driver is somehow mistaken)
- Aselkim-iw d ameqqran kracemma γef waynek. (My PC is somewhat bigger than yours)
- Krakud, zik-nni, ahat llant tẓegwa deg tniri. (Sometime in the past, there may be forests in the
desert)
- Ad iniγ i yalyiwen / yalamdan acu yeḍran. (I’ll tell everyone / everybody what happened)
- Nemmeslay γef yaltaγawsa. (We talked about everything)
- Llan yimuddren yalanda deg umaḍal. (There are animals everywhere in the world)
- Ad yettusteṛḥeb yes-k yalanseg d-tekkiḍ. (You’ll be welcome everywhere you come from)

- Ulayiwen ur ak-d-yettini ihayen. (Nobody will tell you OK)
- Ulanda ara tafeḍ aqaleb am wa. (You’ll find such a model nowhere)
Γer taggara, ad d-nini dakken anadi-a ur yemmid ara, imi llan aṭas n yirman am wi ay yessefk ad tenid-nebder.
Ihi, a win yufan ad ilin widen ara t-ykemmlen akken ad yesnerni tazmert n tmaziγt i
usenfali akk-n ywata deg yal asatal.
1 Irem “tirawγdimt” yekka-d seg “tirawt + tuγdimt”; d talγa-a ay ywatan i “orthography”, acku deg tmaziγt arbib yeṭṭafar
isem.
2 Neqqar s teqbaylit “kra-neγ-kra”.
3 Neqqar s teqbaylit “kra n lweqt akk-n”.
4 Wa d akniw amaynu i win yellan yakan “tikkwal”
5 Ma nra ad d-nini (always), ad nesseqdec “akkass” ytebten deg teqbaylit.
6 Macha , ad naru “yalniγer” (everywhere + to) ed “yalanseg” (everywhere + from).
7 Mi ara yili umussu, ad nesseqdec awalen-a “ulaniγer”, “ulanseg”. Walit daγen “ulayγer, ulamek”.