Taqsidt n tgarfa yettubexsen

Taqsiḍt n tgarfa yettubexṣen
Sγer: D.Messaoudi
Ḥekkun-d wat-zik dakken deg tazwara n txelqit igḍaḍ akkit d
imellalen. Yiwen wass, Ṛebbi yessegruri-iten-id meṛṛa үer yiwen
uzaүar yefk i yal yiwen deg-sen taxeddimt. Tagarfa tettusendeh
ad tessiweḍ snat n tcekkaṛin; yiwet teččur d tussna ed tezdeg,
tettuhegga i Waεraben; tayeḍ teččur d amus ed tarussna,
tettuhegga i Yiṛumiyen. Akken ur tettettu ara iwellihen n Ṛebbi,
tagarfa seg mi tebda tuffga nettat tettales-d deg yiman-is:
“Tussna ed tezdeg i Waεraben, amus ed tarussna i Yiṛumyien;
Tussna ed tezdeg i Waεraben, amus ed tarussna i Yiṛumiyen, …”.
Maca deg ttnaṣfa n webrid-is, mi tella tettafeg nnig n yiwen
wemṛij, temlal-d tgarfa aferṭeṭṭu umi tuffga tetcabi үer
umxelbeḍ. Dүa tebda tgarfa teddawaṛ deg wemkan-is u tettaḍsa.
Mi yejba uferṭeṭṭu akk-in ur d-yettban, tkemmel tgarfa abrid-is s
ubeccna: “Tussna ed tezdeg i Yiṛumiyen, amus ed tarussna i Waεraben, …”.
Dγa mi tuweḍ tgarfa үer tmurt n Yiṛumiyen, tessureg-asen tussna ed tezdeg; mi tewweḍ үer tmurt n
Waεraben, tesmareg-asen amus ed tarussna.
Imi nettat tүil tessaweḍ i yal yiwen ayen ay as-d-yettwabudden, tuүal-d tgarfa үer Uxellaq s tullza ed
wefraḥ. “Acu tgiḍ, a-tagarfa?” Ay as-yenna Ṛebbi. “Ur giү ala ayen ayes iyi-tumreḍ, a Sidi Ṛebbi; ssurgeү
tussna ed tezdeg i Yiṛumiyen, ed wamus ed tarussna i Waεraben”. Ay as-terra tgarfa. “Acu ! a-t-an ayen
txulfeḍ maḍi awal-iw !” Ay as-yenna Rebbi s tuzzma. Asmi dүa tfaq tgarfa s weεraq-is, tebda la d-tettaf
tisebbiwin, maca Ṛebbi yessusem-itt yini-as s werrif: ”Imi dүa akk-a, seg wass-a ad am-selseү aselsu
aberkan ed wad kem-rreү tettezziḍ deg yigenni nnig n yimurḍusen ifuḥanen; ruḥ akk-in fell-i tura!”
Seg wass-nni, tagarfa, yuүalen d taberkant yerna d mm telkin, tezga tettezzi deg yigenni nnig
n yimurḍusen ed nettat tettsuүu “Σraq ! Σraq !” ahat ad d-tessiḥnen Ṛebbi akken ad asyessuref
astehzi-is.
Tamsirt: Mi ara tebduḍ tikli ɣer kra n yiswi, reṣṣi allaɣ-ik fell-as maḍi, mulac andam ad ak-d-yeggri.
_____________________________
Tamacahut taqbaylit
Blog: http://thaqarvuzth.unblog.fr