Tixidas n Mhend-uccen, uqrim n tsetta

Tixidas n Mḥend-uccen, uqrim n tseṭṭa
Sγur : D.Messaoudi
Blog : http://thaqarvuzth.unblog.fr
Yiwen wass n tegrest, imi akk-n uqan 1 imečča γef wudem n tmurt
yessan s wedfel, yekker wuccen yerra γer yiwen wexxam uεzil n
taddart ur yebεiden γef teẓgi, ahat ad yaf kra ayes ara yerreẓ laẓ
igezmen ijeγdan-is.
Mi yewweḍ γer uxxam-nni, yenuda da ed dihin armi yufa taxxamttyuzaḍ.
“Ah, yerzeq-iyi-d Ṛebbi s weksum !” ay yenna deg yiman-is s
tullza 2 . Maca, akk-n kan yebda aγizi ddaw tewwurt yettwasekren s
uγanim yezḍan, yejba-d fell-as bab n wexxam ed yeṭṭef-it-id deg tseṭṭa.
Mi akk-n yejbed wuccen s tezmert-is akken ad yessenser seg yifassen n
wergaz, teγres tseṭṭa-s, sakkin yerra d tarewla metwal 3 tiẓgi.
Mi yewweḍ gar waytma-s uccanen, bdan ttaḍsan fell-as. Imi akk-n yenneḥcam, yerwel wuccen
ameγbun γer yiwen yefri ur yettwazedγen, yebdu yettxemmin amek ara yerr akk uccanen am netta
akken ur t-ttεayaren. Yeẓmi allaγ-is armi d-teγli yiwet n tekti taciṭanit.
Yedda wuccen γer yiwen uγeggad yeqerben γer teẓgi, yuker-d yiwen wurkil 4 , yawi-t-id γer yiwen
wemraḥ anida uγen wuccanen tanumi ttqeyyilen. Iγaz axemmuj, iger urkil-nni, yerra-as akal, yini-as:
“Aqli ẓẓiγ-k tura, ad tegmuḍ tura, yerna ad d-tefkeḍ tibexsisin tura !” Din-din, yegma useklu-nni, yuγal
d tanqelt yeččuren d igumma 5 .
Yuli wuccen γef yiwet n tiγilt, yessawel i waytma-s. Mi d-wwḍen wi-i, baten seg wayen ttwalin; d
tanqelt 6 d-yefkan tibexsisin deg tlemmast n tegrest ! Maca akken ad bdun wuccanen učči, yecreḍ fellasen
Mḥend-uccen ad ten-yeqqen meṛṛa deg tseḍwa γer telğedra 7 n tenqelt-nni. Qeblen.
Akk-n kan bdan učči, yebda Mḥend-uccen yettsuγu: “Tarewla ! Tarewla ! Aten-aya iṣeggaden n
wuccanen !” Jebden wuccanen yexeṛṛan s tezmert n tfekkiwin-nsen, dγa qerment 8 meṛṛa tseḍwa-nsen.
“Ah, aql-i tura am nutni akk !” ay yenna Mḥend-uccen deg yiman-is s tumert 9 .
1 Manquer
2 Satisfaction
3 En direction de
4 Jeune pousse
5 Fruits
6 Figuier
7 Tronc
8 Rompre
9 Joie