WEB Productie Doarpskompas Veenwouden 5928 mei 2022

Ype de Haan
set him al jierren aktyf yn
foar aktiviteiten yn ús doarp
Oan de Bosksingel wennet Ype de Haan mei syn frou
Ymkje en de trije jonges Mechiel, Jacob en Wybe. Hy
is ien fan de ynwenners fan ús doarp dy’t him neist
syn wurk frijwillich, tegearre mei oaren fansels, ynset
foar it organisearjen fan ferskate aktiviteiten foar
Feanwâlden. Frijwilligers dy’t it doarp foar in soad ynwenners
wille en fleur bringe. Dat kin de minske no
krekt brûke. Yn dizze tiden wêr’t jo eins it tryste en
somtiden ferskuorrende nijs om ús hinne eins oerslaan
wolle, mar om op ‘e hichte te bliuwen doch mar
wer sjogge jout it kâns om dat alles efkes te ferjitten
en dy wide wrede wrâld om ús hinne ‘on hold’ te setten
en allinne mar dwaande te wêzen mei ús doarp
en wat dêr op dat stuit bard.
Keningsdei 2022
As ik by Ype, û.o. bestjoerslid fan Us Doarp en fan
takom jier ôf yn de Keningskommisje, oansko oan de
keukenstafel moat er suver noch bekomme fan it feest
dat Keningsdei west hat yn it Spoarpark. Nei twa jier
fan koroanaperikelen koe it einliks wer. Fan jong ta
âld hat der wer fan genietsje kinnen. Yn oparbeidzjen
mei Mei-Elkoar-Ien makke Us Doarp der in feest fan.
‘In soad oeren fan tariedings en oerlizzen hat it koste.
Krekt dêrfoar ha wy mei Us Doarp yn it Dûke Lûk in
suksesfolle bingo organisearre. It moat mar net wer
sa flak op inoar. Ik wurd ek âlder Jaap.’ seit er. Mei
alle tefredenens sjocht de organisaasje werom op de
aktiviteiten op it Oranje feestje. Begjin fan de middei
de skelterrace foar de bern, dêrnei middeis sa’n fyftich
dielnimmers by de Alleskunner Feanwâlden en ta
beslút muzyk fan de Bildtse sjonger Rintje Kas. ‘Dat
rinkje stekken op de skelters koe moai. Mei-elkoarien
hie it goed bewarre. Dat elemint fan rinkjes makket
it spannend. Wy hawwe mei elkoar wer de latte
heger lein, dy moat behâlden wurden. It wurdt takom
jier ek wer fan ús ferwachte.’
Frijwilliger by ferskillende klups
‘Doe’t wy ris in kear op in Keningsdei mei in groepke op
de Koemarkt stienen en der minimale aktiviteiten wienen,
seinen wy tsjinelkoar “Dit moat oars, kinne wy der
net yn.” Doe is Us Doarp oprjochte en sûnder in inkele
sint begûn waard dy earste Keningsdei in grut sukses.
Letter folgen in Oktoberfest en in zeepkistenrace.’ It hat
dit jier de lêste aktiviteit foar Us Doarp west. De stichting
is no opheven en takom jier wurdt Keningsdei organisearre
troch de Keningskommisje en finansiert troch
M.E.I. Feanwâlden.
Us Doarp is net de iennige frijwilligersfunksje dy’t Ype by
de ein hân hat. Yn it ferline hat er by de kuorbalferiening
wol de jeugd traint en begelieden. Ek is er al mear dan
tolve jier belutsen by de yntocht fan de Goedhillichman
en is er al jierren by de lûkers fan it grutste evenemint
fan Feanwâlden: De Lodenhelrun.
Grutte konneksje yn al dit frijwilligerswurk is Riek
Everts.‘Dy hat my úteinlik yn hiel wat klupkes sleept. Sa
waard ik troch him yn ‘e auto belle mei fraach oft ik ek by
de Lodenhelrun as bestjoerslid woe. Ik ha efkes neitocht
mar kaam der yn in waarm bad mei in fantastysk en
gedreven bestjoer. Dan komst der pas achter wat efter
de skermen spilet by de organisaasje fan sa’n evenemint.
Yn it earste jier dat ik derby wie, ha ik mei triennen
yn de eagen stean by de priisútrikking yn de tinte by
Dûke Lûk. Dat wie fan de ûntlading en spanning, mar ek
fan grutskens fan de organisaasje mei al dy frijwilligers,
sponsors en elts dy’t meihelpt.’
20