Haiti Liberte 3 Aout 2022
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Kwonik Kreyòl
Legliz: soti nan lidèchip tonbe nan dilèchip
Ajan Ladwann yo jwenn zam, minisyon ak fo lajan nan yon konntenè
sou non Legliz Episkopal an Ayiti
J. Fatal Piard
Si Pyè te trayi Jezi pou yon ti zing
afriba k fin fè vè
Pouki legliz pa ka trayi Ayiti ak
zam nan konntenè ?
14 jiyè ajan fouyapòt ladwàn Pòtoprens
yo nan fouye zo nan kalalou
konntenè, y al pantan sou yon
latriye zam sou non legliz episkopal.
Depi jou sa a pèsonn pap janm ka
bliye fidèl chanpyon nan ekzèsis
ipokrizi tonbe kakaye nan megafòn
nan tout kalfou depi bajou kase pou
jis labrin tonbe. Yo tout vin gen yon
sèl grenn diskou trayizon ki pa fè
pèsonn sezi. « Legliz episkopal pa
legliz katolik ». Epoutan tout moun
konnen tout legliz se legliz.
Legliz katolib, apostolib women,
legliz anglikan, legliz òtodòks,
legliz vye òtodòks tout se menm vye
bagay yo. Yo tout se menm tenten,
menm ansasen yo ki pase 36 lane
ap sasinen moun an Ewòp nan fè
lagè sangadedèyè. Yo tout sèvi ak
bout labou pentire kòm sendenden
pou fè mago sou moun yo pran pou
makòn tenten. Kòmkwa bout labou
sa yo kapab rezoud tout pwoblèm
malere ak malerèz nan yon bat je.
Antouka !!! Pèsonn pa menm
bezwen gwo ougan pou l rive konprann
krèy mantè pwofesyonèl a
bib yo nan tout legliz, yo pran tout
moun pou makak. Tout legliz gen
menm misyon menm objektif ki se
blofe moun. Bay moun presyon pou
fòse yo pot mago ba yo pou yo ka fè
yo jwenn 1ye plas nan paradi a 4,2
milya lane apre yo fin mouri. M kwè
nou tande salami ? Y ap fè moun
nan filalang ak ak yon lamayòt yo
rele paradi ki tanto atè tanto anlè.
Men se lè yo fin kadav !!! Èsketèt
moun ki kwè istwa Bouki ak Malis
sa yo dwat ?
Anplis maton nan benyen
moun ak kèk majè manti menm
gwosè ak Sitadèl la, sa k pi mal la yo
jwenn moun vin achte fo sakreman
ekspire depi sou tan benmbo nan
men yo. Se tou nòmal pou tout pè
pran tout moun yo kite jwe sou emosyon
yo gwo pou makak sale. Men
sa blofè a bib sa a yo bliye, se pa
tout moun nèt ki fin makak nètnèt.
Pa ekzanp senmenn pase a gen yon
sitwayen ki rele Tetsouya Yamagami
ki sasinen ansyen 1ye minis japonè
a Chenzou Labe. Pouki sa ?
Se paske se nan relijyon ki rele
sèk Moun nan ansyen 1ye minis
la mache. Enben, ansasen an repwoche
relijyon sa a dèske l dechèpiye
fanmi l nèt jis yo vin pi pòv pase
Jòb. Epoutan bonjan eksperyans
sou teren montre n depi sou Galile,
blofè legliz ap dechèpiye pòv malere
ak malerèz nan tout rakwen an Ayiti
nan vann yo pil vye sakreman
ki pa itil anyen. Ni yon pè, ni yon
monseyè yo youn pa janm menm
pran yon grenn kout wòch nan men
youn nan moun yo dechèpiye yo.
Depi Galile, Legliz Katolik,
Episkopal, Anglikan, Vye Òtodòks
elatriye tout se menm bagay yo.
Tout se menmman parèyman yo,
menm lòbèy yo, menm boutik mirak
yo, menm boutik sakreman avarye
yo. Yo tout se boutik ki la pou
vann fo mirak tèt nèg. Mezi kòb ou,
se mezi mirak ou. Mezi lajan ou se
mezi sakreman ou. Yo la pou vann
batèm tout klas, konfesyon, kominyon,
renouvèlman, konfimasyon.
Tout legliz katolik yo vann
maryaj 1ye, 2yèm, 3zyèm klas,
lantèman 1ye, 2yèm, 3zyèm klas,
mès mò, mès rekriyèm, mès nwa
pou bay moun madichon, mès nwa
pou voye moun al fè aksidan pou yo
mouri, mès nwa pou fè moun vin
fou, mès mò ak kalis ak balèn limen
tèt anba pou detounen sèvo moun,
libera elatriye. Se tout sakreman sa
a yo ekspè mafya entènasyonal nan
legliz katolik sa a yo envante nan
laboratwa mètdam yo pou fè mago
sou moun.
Sa yon moun ki gen bon sans
pa Menm lè w fin mouri, lè w fin
mota konprann menm lè ou fin
mouri ou pa ko delivre anba grif ava
sa a yo. Menm lè yon grenn zo nan
kadav ou, pa bon pou fè bouton, pè
magouyè ak monsenyè dechèpiyè
kontinye fè gwo lajan sou w. Yo
ekzije kòd fanmi ou chante mès pou
repo nanm ou. Nou kwè n tande
souple. Achte mès pou mò !!
Litè ak Kalven pete kabouya.
Se menm koze vann sakreman
tèt nèg sa a n t ap pale a k fè oktòb
Y & D
HANDYMAN
Plumbing, Heating,
Electrical, Painting,
Cement, Apartment
/Office Cleaning
Yves Dumornay (Owner)
516-864-3707
yvesdumornay@gmail.com
nan lane 1917, de sèl grenn pè ki pat
fin twò maton nan magouyè kòm lòt
makòn magouyè pwofesyonèl a bib
yo te tonbe voye pye. Maten Litè ak
Jan Kalven se non 2 pè grenn plen
ki pat pè lòt pè yo te reziyen yo pete
gwo kabouya kakosal eskonbrit
sou laplas piblik gwo jounen pou
denonse tout ekzèsis magouy nan
legliz katolik.
De sèl grenn pè rekalsitran sa
a yo pat met diven reziyasyon nan
kwen bouch yo pou yo te tonbe
djage maklouklou chaje ak magouy
gwo otorite maton nan jimnastik
ipokrizi malandren a bib nan legliz
katolik t ap plede fè. Depi 1917
kote de pè rekalsitran sa a yo te
pran megafòn pou salanbe vakabon
a bib yo, legliz katolik koumanse
prang gwo kou vendik anba gagann
li. Men kòm nou tout konnen wont
se volonte l ye. E legliz gen volonte
pou yo menm pran lawonte sèvi
kòlè.
Malgre tout denonsiyasyon
pè ak monsenyè san wont yo kontinye
vale teren jis yo vin pi gwo
maton nan chanpyona fè rakèt ak
sakreman menm lè yo fin ekspire
depi Jenèz. Sa k pi mal la tout chanpyona
kòripsyon sa a yo ap fèt
devan de grenn je papa a, pitit la,
pitit pitit la ak lespri sendenden bib
yo fè kwè k te gwòs marigwo jounen
devan de grenn je Jòzèf. Epoutan,
zòt toujou soti pou l fè n kwè krèy
Bondye Izrayèl wè tout bagay.
Men devan flonn kòripsyon ki
blayi sou figi legliz katolib, yo tout
fè grèv wè, grèv bèbè grèv tande ak
grèv santi. Devan siklòn lòbèy ki pe
pase gwo jounen sou tout lotèl legliz
katolib tout kèy Bondye Abraam
Jakòb, David, Lòt, Salomon, yo tout
antann yo pou yo fèmen 2 grenn je
yo. o pa wè anyen, yo pa tande anyen,
yo youn pa pran lòdè chawony
tyaka chen konpoze ak kak ka chat
sa a yo ki pe monte nan 2 twou nen
tout lòt moun sòf yo menm.
Divizyon nan legliz
Depi lè sa a legliz pat gen
okenn lidèchip ankò devan de
grenn je pesonn. Okontrè tout legliz
tounen nan plede fè tout vye dil
vin maton nan dilèchip. Sa w tande
a lwa revandikasyon sele de pè
rekalsitran sa a yo. Yo te estonmake
lè yo wè youn nan gwo responsab
legliz katolik yo pat deside pran bale
pay latanye Pòsali pou yo netwaye
pil malpwòpte ki tèlman santi nan
nen yo yo prèt pou dekonpoze.
Maten Litè ak Jan Kalven yo te
fè tout sa yo kapab pou yo pete apse
kòripsyon an ak kout katchapika
denonsiyasyon san filtè. Tèt legliz
la ta deside chache pran konsyans
pou kite tout matyè kòripsyon yo
vide atè san kite kras. Ontrè, yo
pito choute pè rekalsitran an yo k
ap vin voye move son depaman
nan òkès koken yo ak de majè kout
pye vendik nan dengonn yo. Pi gwo
otorite sitirè sa a yo te pito mete yo
deyò kou chen lamègzo ki pe frite
nan tout pil fatra pe chache mache
chache zo.
Se konsa menm Maten Litè
ak Jan Kalven deside dekouvri gwo
chodyè kote pil kaka chat, kak
chen, kaka kochon yo te kache depi
lakreyasyon. Woy woy woy, ansyen
pè yo al fè boutik mirak pa yo.
Menm si boutik yo chanje non men
se menm kalib magouyè a bib yo. Ni
Maten Litè ni Jan Kalven yo youn
pat konnen si vann sakreman ak fo
mirak ekspire te bon konsa.
Literyen ak Kalvinis menm
biznis
Literyen ak Kalvinis tout
se menm biznis sakreman an yo.
De pwopriyetè tou nèf sa a yo pat
menm jennen pou yo tonbe fè lese
frape dèyè lajan nan met katchapika
anba gagann moun pou yo peye
ladim bay kòlèt fè aksyon ra tankou
lamwason pou yo ka al kale kò yo
nan paradi aloral la 4.2 milya lane lè
yo dènye ti zo yo fin tounen poud.
Sa vin montre aklè Maten Litè ak
Jan Kalven pat gen pwoblèm vre
ak atitid akrèk pou mago pè, monsenyè,
kadinal ak pap nan legliz katolik
yo te genyen.
Sèl bagay se paske resèt la
pat konn al grese pat yo pou yo te
ka vin milyadè sou inyorans moun
pòv menm jan ak Andre Miskaden.
Kòm nou tout konnen l deja ti rat
pa janm fèt san ke. Vakabon a bib
ap toujou rete vakabon a bib. Vye
zak de grenn vakabon a bib sa a
yo pral kontinye fè yo pral montre
aklè chen ki konn manje ze se ze l
pe toujou manje. Menm lè l wè po
ze a chaje ak fwomi l al niche l kan
menm. Paske se chen l ye se ze l
konn manje.
Ni gwo otorite nan legliz katolik
yo, ni de ansyen anyen pè
rekalsitran an yo, yo tout sèvi
ak inyorans moun pou yo di yo
men Jezi Jwif yo nan papòt la depi
200.000.000.000 lane. Men l pa
ko janm jwenn pasaj pou l rantre
VIENT DE PARAÎTRE : LES CAPSULES DESSALINIENNES
Les haïtiens curieux et intéressés à mieux comprendre
Dessalines, cet homme fascinant, conséquent, et exceptionnel
de l’humanité noire, peuvent se procurer, au prix de $45. (+ les
frais postaux si nécessaires) « Les capsules dessaliniennes »
du professeur retraité Raymond Wainwright en téléphonant au
no 1-450-933-5451 ou 718-421-0162
Ce livre concis campe le fondateur, à l’aide de 1804 capsules
émaillées de poèmes adaptés, de citations appropriées et de
significatifs documents authentiques.
Bonne Lecture
e ta sanble Izo ak Manno bloke l
Matisan si l t ap sot nan Sid, 4000
Mawozo bloke l Kwadèboukè si l t
ap sot Sendomeng. Epi, sa k pi mal
la menm lo makak sale yo pase tout
vi yo pe tande menm koze salami
sa a yo chak jou Jezi pe vin chak
denmen.
Sewòm zonbi fè fidèl makak
yo vin pi dous pase makòn akimafe
ki pe vann bouyon tèt kabrit nan
kalfou pi devan legliz Sodo nan lannwit
15 pou louvri 16 jiyè. Youn pa
wè se nan tenten y ap pase yo. Youn
pa deside pou yo fè yon gwo leve
kanpe pou yo di sendika magouyè a
bib yo nan tout makrèl yo bay pou
legliz yo Abraam di sètase otan otan
mangouyan. Konbyen fwa n tande
yon pè, yon pastè, yon mè, yon
monsenyè ki pase tout vil pe bay
manti janm pran menm yon grenn
kout wòch ?
Antouka nan lòt pati atik la,
nou pral montre monsenyè Bovwa
tout sa l te konnen epi l te pran pòz
li pat konnen. Tout chapit koken l
pat ko janm dekouvri nan Apokalips
mètdam nan l pran pòz li pat konnen
yo. Pa ekzanp menm si l ta fè Alzaymè
dènye degre l pa fouti di l pat
konn si Zimbabweyen an te marye
ak pitit fi Monsenyè Zache Sarazen.
Kounye a Monsenyè Bovwa pral di
fidèl yo l pat konn si Zimbabweyen
sa a te voye 5 dwoum asid nan figi
pitit fi monsenyè Sarazen an tou.
Ala moun yo konn kenbe
sekrè se pè nan legliz episkopwal
sa a yo. Moun sa a yo gen tan di
tout moun tout sa k pral pase pase
nan yon wayòm ki pa ko menm
ekziste. Epi pou Zimbabweyen an
voye 5 dwoum asid nan figi pitit fi
Monsenyè Sarazen epi l pa janm di
Bovwa ki pi gwo matchòpwèl li sa ?
Sarazen merite yon pri Kachotri. Jan
moun sa a yo maton nan rablabla.
Dabò metye yo se rablaba yo bann
koze san sèl.
M pap sèmante. Mès se pou
zam youn nan zam touye youn nan
yo sou chè apandan yo te pwomèt
moun retou Jezi Jwif yo. Si Bovwa
pat di Sarazen l abitye bay bofi l
Zimbabweyen an gwo bourad pou
l rantre konntenè zam san fouye,
san gade, san enspekte, san louvre
san deboure, misye pa matchòpwèl
li vre. Li gen pou l trayi l menm jan
Pyè te tryi Jezi a pou yon ti zing afriba...
anvan 3yèm konntenè a dedwane.
Na va di m te di n sa. Bovwa
ak Sarazen do kwè nou kwè yo !
LA DIFFERENCE
AUTO SCHOOL
LEARN TO DRIVE
La Différence Auto School
836 Rogers Avenue
(between Church Avenue
& Erasmus Street)
Brooklyn, NY 11226
Manager: Ernst Sevère
Tel: 718-693-2817
Cell: 917-407-8201
6 Haiti Liberté/Haitian Times
Vol 16 # 05 • Du 3 au 9 Août 2022