HEZKUNTZA INKLUSIORAKO - Creena - Navarra

Marko teorikoa
Nahasketa horiez gain, TEA duten pertsonek loturiko bigarren mailako sintomak izaten
dituzte. Ohikoenak honako hauek izaten dira: krisi epileptikoak, elikaduraren nahasketak,
loaren nahasketak, inpultsibitatea, hiperaktibitatea, adimen urritasuna…
Autismoaren jatorria oso argi ez dagoen arren, jatorri biologikoa duen nahasketa dela
uste da. Baron-Cohen eta Bolton-en arabera, zergati biologikoen artean faktore genetikoak,
infekzio birikoak eta haurdunaldian edo erditzean gertaturiko zailtasunak daude;
horietako edozeinek sor dezake TEA eragiten duen buru kalte arina. Zergati biologiko
horiek ez dira haur guztiengan aurkitzen, eta horrek esan nahi du oraindik beste zenbait
faktore biologiko aurkitu gabe daudela.
TEAk eragin handiagoa du gizonezkoen artean (hiru bider gehiago ematen da gizonezkoen
artean emakumezkoen artean baino), baina emakumeek pronostiko larriagoa
izaten dute. Ez dakigu zergatik dauden desberdintasun horiek gizonezkoen eta emakumezkoen
artean.
Joaquín Fuentesen iritziz (Gipuzkoako Poliklinikako haur eta gazte psikiatria zerbitzuko
burua), Euskadin 250 haurretatik 1ek TEA-ren bat erakusten du, kasu arinenetatik hasi eta
larrienetaraino.
30
TUtoretzak