1,40 MB

Dai 26 de setëmber al 31 de
dezëmber 2011 gnaràl tignì la
15ejima cumpëda dla jont. Cösta
relevaziun n'à nia mâ le fin da ciafé
fora tan de ladins, todësc y taliagn
che al è te nosta Provinzia; dala
relevaziun vëgnel fora en cader
informatif sön les carateristiches
struturales plü emportantes dla
popolaziun, an ciafa enformaziuns
sön le numer y les carateristiches
dai cuatiers y dai frabicać, la
cumpëda empormët na revijiun
dles anagrafes de Comun.
Pla cumpëda dla jont vëgnel
damané danter l'ater la detlaraziun
de lingaz, mo la novité da eniann è
che cösta detlaraziun sarà anonima
y arà mâ fins de statistica. Ara gnarà
tuta ca desco basa por le proporz,
le sistem con chël che al vën partì
sö te nosta provinzia i posć de laûr
tal setur publich. Dan 10 agn s'â
le 4,37% dla jont detlaré ladins, le
26,47% taliagn y le 69,15% todësc.
la deTlaraziun è
anoniMa
Al è emportant da sëi che cösta
detlaraziun vën fata en forma
anonima, an ne sa porchël nia che
co se detlarëia de ći lingaz. Cösta
detlaraziun n'à nia faziun canche
an fej domanda por en post de laûr
publich. Por cöstes domandes valel
dagnora la detlaraziun co vën fata
pal Tribunal da Balsan.
Vigne deTlaraziun
"ladina" cunTa
Desco dit, val cösta detlaraziun
mâ por l'aplicaziun dal proporz.
En ejompl: desche ara è encö, con
le 4,37% de ladins, à i ladins tla
partiziun dai laûrs publics le dërt da
ciafé önn en post sön 23. Canche al
è manco posć a desposiziun, ciafa i
ladins mâ en post sce al vën fora tla
divijiun en rest aladô. Cösc val inće
por comisciuns y consëis. Al è da
capì che vigne detlaraziun ladina
Cumpëda dla popolaziun
Al vën cumpedé la jont: detlarésse ladins!
La detlaraziun de lingaz è anonima y val mâ por l'aplicaziun dal proporz te
Südtirol. En testimonial dla cumpedada è la campionëssa de schi Manuela Mölgg
è porchël de gran emportanza por
nosta mendranza. Tla campagna
de promoziun dla cumpëda èl
inće deplü testimonials. Önn de
chisc è nosta campionëssa de schi
Manuela Mölgg.
Ći poscibiliTês àn pa da
respogne ai cuesTionars?
- online: Le tru plü snel è
chël da scrì fora i cuestionars
online anüzenn le codesc d'azes
a internet co ti vën comuniché al
intestatar dal zertificat de familia
(Familienbogen, stato famiglia);
- compilaziun assistida: tal ofize
aposta arjigné te Comun podaràn
scrì fora i cuestionars, acompagnês
da personal instruì; - compilaziun
assistida a ćiasa: al röa adalerch
en relevadù, co dëida scrì fora i
cuestionars; - compilaziun da
susc a ćiasa: le zitadin scrì fora i
cuestionars a ćiasa, al passa spo en
relevadù a s'ai dô.
Referendum: Mareo à lité cater iadi de sciö
Ai 12 y 13 de jügn ea la Talia cherdada da jì a lité por cater referendums. Dô
16 agn che al ne gnea nia plü arjunt le quorum, èra en cösc iade garatada.
Inće Mareo à dit 4 iadi de sciö
I litadus ea cherdês da dé jö söa
minunga sön la privatisaziun dal
sorvisc de distribuziun dl'ega
da bëre, la energia nucleara y
l'impedimont de dërt (legittimo
impedimento), co prevëiga che i
politics con enćiaries de govern
pòi sté demez da prozesc cuntra
de d'ëi. Tla Talia èl gnü arjunt na
partezipaziun dal 57%, te Südtirol
ćinamai dal 66,7%. Te Mareo è le
68,73% dla popolaziun jüda a lité.
Sön les 2.165 porsones cherdades da
dé jö söa usc, à 1488 respognü con
söa lîta: 468 a La Pli, 746 a Al Plan y
274 a Rina.
i caTer referenduMs
Pal referendum sön i sorvisc
publics soziai à 1437 litadus (96,57%)
respognü de sciö, tanco cuntra la
privatisaziun, 29 (1,95%) à dit de no,
19 è stades les schedes blanćes, 3 les
nules.
Tal referendum sön la tarifa dal
sorvisc idrich à 1442 litadus - le
96,91% - lité de sciö, 24 (1,61%) à
lité de no, 17 è stades les schedes
Mareo è sté a lité
blanćes, 5 les nules.
Tla chestiun dla energia nucleara
à 1440 litadus de Mareo (96,77%) dit
de sciö y s'à ensciö pronunzié cuntra
la realisaziun de zentrales nucleares.
Vintot litadus - le 1,88% - à dit de no,
14 è stades les schedes blanćes y 6
les nules. Sön l'impedimont de dërt
à 1441 litadus (96,84%) lité de sciö
y è ensciö dla minunga che inće i
mëmbri dal govern dess se prejenté
dan signoria. De no à respognü mâ
27 porsones (1,81%). Sëdesc à dé jö
blanch y 4 ea les schedes nules.
17