1,40 MB

20
Porsones
La misses da Mareo
Agata Rigo Obwegs à 39 agn. Ara è nasciüda söle Lü d'Alnëi. Encö èra
maridada con Arcangelo Obwegs y è oma de 4 mituns. Ara vir sön le Lü dal
Maier. Feter por matada àra tut pert al concurs "Misses Südtirol", y bel avisa
àra davagné
Trec s'arà sogü fat morvëia
canche ai à tut tles mans la "Neue
Südtiroler Tageszeitung" dai 21
de mà. Sön l'ultima plata êl na
porsona conesciüda: Agata Rigo
Obwegs, fata jö bela grana. La sëra
denant â Agata davagné le titul de
Misses Südtirol. Che co la conësc
sa che ara fej y dëida olache ara
po, mo sön paladina dles misses
ne s'l'ess trec nia aspetada. Empò
êl gran ligrëza te Mareo por
cösc titul particolar. Le Saltà ea
sambën corius da sëi co che Agata
è roada pa cösc concurs, porchël
l'àl damanada. Ara dij ensciö: "I
ên a ćiasa dô mësa y tal foliet 'Die
Südtirolerin' âi odü les fotos dles
trëi finalistes dal ann passé. Te chël
dij mio möt Simon 'Po mama, tö es
pa ensciö la plü bela dal monn!'"
Dedô èra jüda snela. Belo le dé
dô à so om Arcangelo Obwegs
enstës mené ete la e-mail de
domanda y tosc èl inće gnü la
resposta dai organisadus che al
ea da se prejenté al pröm casting
a Balsan.
Dô la lîta a misses ne s'à la vita
nia stramüdé daldöt, mo reaziuns
- soradöt i dis dedô - èl sambën
sté, desche Agata dij: "I dis dedô
ea trec stês sorpreji. Iu n'â nia dit
danfora a trec che i tolea pert. La
clique co è gnüda con me en chë
sëra ànse organisé bel snel l'ultimo
Dala Junta de comun
La misses de Südtirol Agata
Rigo Obwegs
dé, mo empò èl roé adöm encër 25
porsones."
Agata à tut pers al concurs
con spirit lesier. Mai ne s'èssera
imaginé da davagné le concurs. "I
à ćiaré da sté spontana y naturala.
I n'à nia orü esageré o proé da
davagné a ries. I m'à propio godü
chi momonć desche i sun. Inće
jì sön paladina con chi guanć...
al mo sâ bel y i mo sontia bun",
dìjera. Propio söa spontaneité,
bona löna y ligrëza da vire à inće
fat parüda dan la juria dal concurs.
Sön paladina à Agata inće mossü
ćianté na ćianćia. Ara à chirì fora
"Tausend Frauen" de Claudia
Jung. "Ara m'è pa ćiamó tan
garatada", dij Agata, "le publich
fajea empara y tlocenâ ch'i mo
fajea enstëssa demorvëia. Al m'à
propio salpü bel".
Agata è śën por en ann Misses
Südtirol, mo porchël n'àra nia la
pretenziun da ester la plü bela
dla provinzia, dìjera. Empò èl na
gran sodesfaziun por ëra. "Con
familia, 4 mituns, n'èl nia dagnora
saorì. Iu à gonot motü la familia
al pröm post, inće dan da mè.
Avëi davagné cösc concurs m'à
dé ligrëza y motivaziun nea. Al
mo dà la sensaziun da n'ester nia
mâ söle monn por ćiasa, familia y
laûr, mo che al è inće d'atri ćiamps
olache i po ćiamó arjunje valch.
Canche an è maridês y à mituns,
minun magari desco ëra che al sii
mâ plü ćiasa y familia, mo an à
empò ćiamó na personalité y al fej
plajëi che la jont te vëiga por ći che
tö es y nia mâ por ći che te fejes
por i atri."
La nominaziun a misses è gnüda
premiada con en bel iade de otedé
sön la barca, che Agata à orü se
goder con so om Arcangelo. Da
Genova èsai piês ia, por roé sön
les spones de Napoli, dla Tunisia,
Barcelona, Palma de Mallorca,
Marseilles. A Agata y döta söa
familia, ennant döt le bun.
Scioldi por i laûrs ocajionai y sajonai
Tla sontada dai 13 d'aorì à la Junta de comun fat fora da enćiarié le Sorvisc de Economat da cumpré bonns
por na spëisa de endöt 10.000,00€. Chisc bonns vën adorês por paié i paiamonć, la culta sön le davagn y i
contribuć previdenziai por assunziuns de personal por laûrs sajonai y ocajionai. Tla sontada dai 20 d'aorì à la
junta inće fissé i paiamonć neti por les enćiaries desvalies.
La soma de 11,00€ al'ora vën paiada por chisc laûrs: ćiaré sora la palestra, ćiaré sora pal cantìer de Comun,
romené sö tla biblioteca, laûr de fant de ćiasa. La soma de 13,00€ al'ora vën paiada por la sostituziun dla cöga
tles menses de scora y por laûrs da desparé la nëi.