1,40 MB

8
Intervista al Ombolt
Scores, plazes y paiuns
Can mët pa man i laûrs pla scora vedla, can vën pa fać chi pla scora mesana y
ći n'èl pa dai paiuns d'Al Plan y La Pli? Cösc y d'ater ti à damané "Le Saltà" al
Ombolt Albert Palfrader
Le Saltà: ombolt, al ea preodü
da fà laûrs pla scora mesana
beleo eniann. Mo ara ne gnarà
nia aledé. Ćiodi pa nia?
Albert Palfrader: Ara ne vën nia
aledé, deache i n‘èssun nia slüt
jö i laûrs por canche la scora mët
endô man. Nos ân mâ n proiet de
mascima. Fà le plann esecutif y
scrì fora i laûrs se damana tomps
tecnics. I èssun podü sforzé i
tomps y mëter man ćiamó eniann,
mo iu arati che enlò èssun fat na
pozerada. I èssun risćé da roé con
i laûrs tal tomp de scora, ći co ess
porté en gran sotissora, y i n‘èssun
nia albü le tomp assà da se ćiaré jö
i planns. Anter messé arànse tles
mans i planns esecutifs. A chisc ti
ćiararunse con pêsc y avisa, por
che an pòi fà i laûrs l‘ater ann d‘isté
y che al gareti laûrs endortöra. I
laûrs gnarà scrić fora eniann da
d‘altonn.
co se stàra pa con la scora
vedla? sàn pa belo tan de scioldi
che la provinzia darà ca?
Tan de scioldi ch‘i ciafun dala
Provinzia ne sànse nia ćiamó. I
àn mossü mené dô documonć y
i arati che cösta chestiun messass
ester tosc tlera. Tla ultima sontada
de consëi (24.06, adr) ànse fat
fora da ti cumpré jö ala Vijinanza
d’Al Plan le grunt dla scora vedla
ćina jö dal Monumt dai Tomês.
I nes sun gnüs sön la soma de
50.000,00€ y tlò mëssi dì che la
Vijinanza nes è veramonter gnüda
adancuntra. I laûrs ne metarà sogü
nia man eniann, deache denant èl
da tó demez le paiun vedl, deache
sce le paiun n‘è nia demez, ne vara
nia da laoré.
can mët pa man i laûrs pal
paiun?
Śën che la chestiun dal grunt è
apost, èl ćiamó da fà i contrać, y
spo pòn scrì fora i laûrs. Al è plü
co ater na cuestiun burocratica.
Terminns por le mëterman dai
laûrs èl rio da dì. I laûrs vën scrić
fora eniann d‘isté y dô che al è
gnü fat l‘apalt, mëssun aspeté
ćiamó 30 dis por mëter man, le
tomp che d‘atres dites à por fà
eventualmonter recurs. Nosta
entenziun foss chëra da mëter
La plaza dai auti do comun vën daorida inće ala pert dessot.
man da d‘altonn, sce ara va, y
zonza l‘ater ann da d‘aisciöda.
de paiuns nen vàra inće a la
pli. a bilanz èl gnü motü por
eniann 30.000,00€. cai è pa i
proscimi vari?
Enlò mëssai emprömadedöt ia
La Pli ćiaré avisa ći che al dess
gnì fat. Al è plü propostes. La
situaziun è en pü‘ complicada,
deache la lerch n‘è nia tanta. Ai
mëss ia La Pli n iade ćiarè y odëi
olache ai le fej.
Öna na proposta è da le fà sotjö,
olache al è l‘entrada tla palestra.
Ponsé êl inće da le fà dessora. Tlò
mëss la Musiga y i aconsiadus
d‘La Pli fistidié deboriada da fà
ennant.
encër la botëga dal Śauter
s‘abìnel sö tres endô en gröm
d‘auti. la Junta à fat fora da mëter
sö en sëns unich y da daorì inće
de sot l‘entrada ala plaza dai auti
publica. chê paia pa i laûrs, èl pö
inće en bojügn privat?
Al è vëi, al è inće en bojügn
privat, mo na cossa mëss ester
tlera: la plaza sora le Śauter è na
plaza publica, porchël n‘oressi
nia aldì baiês che le Comun ti féji
plazes da parché ai privać. La
botëga dal Śauter y la plaza è pö
belo pòn dì da dagnora encà, mo
con la daorì sotsö fajunse nos a
na moda che ara vëgni anüzada,
deache śën èra gonot mesa öta.
denant mëssân jì sora comun
ia por parché i auti y trec ne se
fajea nia la bria. Śën che la plaza
gnarà daorida inće sotsö, gnaràl
pa ćiamó toleré auti sön strada?
Cösc ne gnarà nia plü toleré. I àn
inće baié con la verda de comun,
co arà da jì a fà straufunghes sce
auti vën lascês olache al ne toca
nia.