1,40 MB

22
Vita dla comunité
Na segra demorvëia
Por le terzo ann èl gnü organisé a Rina la Segra da Runch, na segra daldöt
particolara, co vën enviada ia en gaujiun dla racoüda dal refodam grô
L'ennom "Segra da Runch" n'è
nia nö. Ensciö gnea la racoüda
dal refodam belo tlamada laôta,
deache al s'abinâ sö dla plaza da
Runch en gröm de jont, co s'architâ
y stea enlò a s'la ciacolé. En grup de
compagns dla vijinanza da Runch
à spo albü la boniscima idea da
fà val' deplü d'enfora y à ensciö
ponsé da pité inće val' da mangé y
da bëre, da fà deboriada en pü' de
festa. Y la idea è garatada.
Da trëi agn encà vëgnel pité
liagnes, jopa ajia y patüc duc che
les patrones da Runch arjigna ca.
Pa na segra desch'al toca, àldel inće
le lën dla segra, y chël êrjun sö y
abelësc con le refodam che jont
sciüra demez.
La Segra da Runch podèssun
inće definì na segra dla solidarieté:
ći co vën trat ete, chël va dagnora
por en bun fin. An dëida families
co à debojügn, co è roades te na
situaziun particolara.
"An s'abina en mëns denant por
fà fora a chê ch'an podess ti sorandé
ći co vën trat ete", dij Walter
Castlunger, önn dai promoturs dla
Segra. "Al se pîta vign'ann ocajiuns
por fà val' de bun con i scioldi."
Vigne euro co vën trat ete pla Segra
da Runch va diretamonter a fin
Pla Segra da Runch röel adalerch jont bel assà a marëna.
de bën, deache spëises n'èl tanco
degünes. An à ciafé "sponsors"
co dà ca debann spëisa y boanda.
Ensciö röel adöm inće bindebò de
soma da dé ennant.
L'infrastrotöra è inće belo söle
post. Valgügn banć condüjun
adalerch, mo spo vëgnel magari
condüt tal refodam en vedl canape,
co vën atira motü a desposiziun
da se sonté. Inće i mituns à söes
blëites. Al è madroc bel assà da trà
salć, o zonza inće de vigne sort de
refodam con chël ch'an po pastlené
les blëites plü originales. "Al è en
A man ciampa: I jüć ne manćia nia. An fej la blëita con ći che la
jont sciüra. A man dërta: Florino de Trates y Angele da Runch
fistidiëia belo da agn da ćiaré sora la desćiaria dal refodam.
parch dai jüć improvisé, con le
patüc co vën sciüré demez. Stüfé
ne se stüfa degügn", dij Walter
Castlunger, "La jont vën dër ienn
ala segra, inće deache al n'è nia
zîte co o con ći iestimont ch'an röa
adalerch."
Sora misdé vëgnel sambën pité
da marëna, y sö Runch röel en
gröm de jont. "Al è la festa olache
al s'abina plü jont a Rina", cunta
Walter Castlunger, "al vën families
entieres, mo inće porsones che an
vëiga zonza danré por encërch,
propio deache al è en tlima sciompl,
n'atmosfera löcra."
I promoturs se merita sogü en lalt
por la idea che ai à albü con cösta
"segra" demorvëia. Cösta festa è
liada al racoüda dal refodam. Chël
fej fora la particolarité, porchël
ascutun inće con en pü' de festide
chës usc co dij tres endô che al
podess ester l'ultimo iade che al
vën coü adöm le refodam. "Al è pö
le refodam la ocajiun por chëra che
düć s'abina", dij Walter Castlunger.
Mo ćina che chël momont n'è nia
tlò, fajaràn ennant segra sö Runch,
y an pitarà ennant en dé en pü'
atramonter por la popolaziun y
en rai de solidarieté por jont co à
debojügn.