Create successful ePaper yourself
Turn your PDF publications into a flip-book with our unique Google optimized e-Paper software.
9. IS TRAMUDAUS NOMINALIS E AGETIVALIS<br />
Funt nòminis e agetivus chi s'aciunta de unu sufissu d<strong>di</strong>s at mudau su primu sentidu.<br />
Custus sufissus po<strong>di</strong>nt donai sentidu amanniadori (marra > marroni) o spreadori (poeta > poetastu, dotori ><br />
dotoratzu) o po<strong>di</strong>nt espressai una punna (asulu > asulatzu, grogu > grogastu, cruu > cruànciu).<br />
Is sufissus chi produsint de prus funt perou is chi donant sentidu smenguadori o carinniadori; intra de issus<br />
arremonaus is afatantis:<br />
-eddu: piticu > piticheddu; imperau a solu pruschetotu po fueddus de prus de duas sìllabas; me is agetivus<br />
in –au bessit in –adeddu (sciadau > sciadadeddu); fait a ddu torrai a ponni puru duas e finsas tres bortas (piticheddeddu,<br />
piticheddeddeddu); in prus fait a ddu aciungi a totu is àterus sufissus smenguadoris (caboni ><br />
caboniscu > cabonischeddu); in fueddus de duas sìllabas sceti, punnat a aciungi un'infissu (-it- o -ix-): meri<br />
> merixeddu; bèciu > beciteddu/becixeddu;<br />
-itu: bangu > banghitu;<br />
-icu: Giuanni > Giuannicu: pruschetotu po is nòminis de personi;<br />
-iscu: moru > moriscu;<br />
-òngiu: malà<strong>di</strong>u > mala<strong>di</strong>òngiu;<br />
-otu: bàsciu > basciotu;<br />
-ùciu: carru > carrùciu;<br />
-utzu: nieddu > nieddutzu;<br />
-olu: croxu > croxolu.