Le Nostre Parole 05 [Formazza]

Rotchappi
Än ärtzellug
äsiä éscht äs techterli ksé, äs het rotchappi kheissä. äs tagsch hetmu z möti kset:
“ném déts zeindli un trägs der anu wa séchi éscht. acht im wald, fägä der wolf éscht
da”. rotchappi éscht fort in dä wald kgangä. da sén fél hépschi blémjé ksé un z
techterli hetŝchi derhénner ta äs mejäli zämätzläsä fer s der anu z bringä.
der schwartz wolf chun un jétmu: “téwär ä wettléff asetzä? Éch gaa der dä leng wäg
un dü der dä churtzu. wér lögä wer derfor zur anu alangät”. aber der wolf éscht ä
leidä arigä un chun der erschtu a. är téppälät in der tér, get énni, frésst t ana un lekkt
ŝchis gwan a. denaa tödärŝchi uf z bett néderlekkä un wartät das rotchappi alangä.
Z techterli weis nit was kschee éscht, äs get ins hüsjé énni un jét: “ana, i händär z ässä
pracht”. dö schpringt der wolf üsser un fréssts in äs müülfollts. in demmu get ä jeger
ferbii un khert der wolf jammru fägä är het z fél kfrässä. der ma tetät der wolf un
denaa höwwdärmu der büch üf. dö chomän t ana un z techterli férär. Z abäntsch hen
ŝchi alli médänandrä fescht kmachut.
56