3.001.01c devā́m̐ áchā dī - Linguistics
3.001.01c devā́m̐ áchā dī - Linguistics
3.001.01c devā́m̐ áchā dī - Linguistics
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
(239)<br />
3.005.01a práty agnír uṣásaś cékitānó 'bodhi vípraḥ padavī́ḥ kavīnā́m |<br />
3.005.01c pṛthupā́jā devayádbhiḥ sámiddhó 'pa dvā́rā támaso váhnir āvaḥ ‖<br />
3.005.02a préd v agnír vāvṛdhe stómebhir gīrbhí stotṝṇā́ṃ namasyà ukthaíḥ |<br />
3.005.02c pūrvī́r ṛtásya saṃdṛ́śaś cakānáḥ sáṃ dūtó adyaud uṣáso viroké ‖<br />
3.005.03a ádhāyy agnír mā́nuṣīṣu vikṣv àpā́ṃ gárbho mitrá ṛténa sā́dhan |<br />
3.005.03c ā́ haryató yajatáḥ sā́nv asthād ábhūd u vípro hávyo matīnā́m ‖<br />
3.005.04a mitró agnír bhavati yát sámiddho mitró hótā váruṇo jātávedāḥ |<br />
3.005.04c mitró adhvaryúr iṣiró dámūnā mitráḥ síndhūnām utá párvatānām ‖<br />
3.005.05a pā́ti priyáṃ ripó ágram padáṃ véḥ pā́ti yahváś cáraṇaṃ sū́ryasya |<br />
3.005.05c pā́ti nā́bhā saptáśīrṣāṇam agníḥ pā́ti devā́nām upamā́dam ṛṣváḥ ‖<br />
3.005.06a ṛbhúś cakra ī́ḍyaṃ cā́ru nā́ma víśvāni devó vayúnāni vidvā́n |<br />
3.005.06c sasásya cárma ghṛtávat padáṃ vés tád íd agnī́ rakṣaty áprayuchan ‖<br />
3.005.07a ā́ yónim agnír ghṛtávantam asthāt pṛthúpragāṇam uśántam uśānáḥ |<br />
3.005.07c <strong>dī</strong>́dyānaḥ śúcir ṛṣváḥ pāvakáḥ púnaḥ-punar mātárā návyasī kaḥ ‖<br />
3.005.08a sadyó jātá óṣadhībhir vavakṣe yá<strong>dī</strong> várdhanti prasvï ghṛténa |<br />
3.005.08c ā́pa iva pravátā śúmbhamānā uruṣyád agníḥ pitrór upásthe ‖<br />
3.005.09a úd u ṣṭutáḥ samídhā yahvó adyaud várṣman divó ádhi nā́bhā pṛthivyā́ḥ |<br />
3.005.09c mitró agnír ī́ḍyo mātaríśvā́ dūtó vakṣad yajáthāya devā́n ‖<br />
3.005.10a úd astambhīt samídhā nā́kam ṛṣvï 'gnír bhávann uttamó rocanā́nām |<br />
3.005.10c yá<strong>dī</strong> bhṛ́gubhyaḥ pári mātaríśvā gúhā sántaṃ havyavā́haṃ samīdhé ‖<br />
3.005.11a íḻām agne purudáṃsaṃ saníṃ góḥ śaśvattamáṃ hávamānāya sādha |<br />
3.005.11c syā́n naḥ sūnús tánayo vijā́vā́gne sā́ te sumatír bhūtv asmé ‖<br />
(240)<br />
3.006.01a prá kāravo mananā́ vacyámānā devadrī́cīṃ nayata devayántaḥ |<br />
3.006.01c dakṣiṇāvā́ḍ vājínī prā́cy eti havír bháranty agnáye ghṛtā́cī ‖<br />
3.006.02a ā́ ródasī apṛṇā jā́yamāna utá prá rikthā ádha nú prayajyo |<br />
3.006.02c diváś cid agne mahinā́ pṛthivyā́ vacyántāṃ te váhnayaḥ saptájihvāḥ ‖<br />
3.006.03a dyaúś ca tvā pṛthivī́ yajñíyāso ní hótāraṃ sādayante dámāya |<br />
3.006.03c yá<strong>dī</strong> víśo mā́nuṣīr devayántīḥ práyasvatīr ī́ḻate śukrám arcíḥ ‖<br />
3.006.04a mahā́n sadhásthe dhruvá ā́ níṣatto 'ntár dyā́vā mā́hine háryamāṇaḥ |<br />
3.006.04c ā́skre sapátnī ajáre ámṛkte sabardúghe urugāyásya dhenū́ ‖<br />
3.006.05a vratā́ te agne maható mahā́ni táva krátvā ródasī ā́ tatantha |<br />
3.006.05c tváṃ dūtó abhavo jā́yamānas tváṃ netā́ vṛṣabha carṣaṇīnā́m ‖<br />
3.006.06a ṛtásya vā keśínā yogyā́bhir ghṛtasnúvā róhitā dhurí dhiṣva |<br />
3.006.06c áthā́ vaha devā́n deva víśvān svadhvarā́ kṛṇuhi jātavedaḥ ‖<br />
3.006.07a diváś cid ā́ te rucayanta rokā́ uṣó vibhātī́r ánu bhāsi pūrvī́ḥ |<br />
3.006.07c apó yád agna uśádhag váneṣu hótur mandrásya panáyanta devā́ḥ ‖<br />
3.006.08a uraú vā yé antárikṣe mádanti divó vā yé rocané sánti devā́ḥ |<br />
3.006.08c ū́mā vā yé suhávāso yájatrā āyemiré rathyï agne áśvāḥ ‖<br />
3.006.09a aíbhir agne saráthaṃ yāhy arvā́ṅ nānāratháṃ vā vibhávo hy áśvāḥ |<br />
3.006.09c pátnīvatas triṃśátaṃ trī́ṃś ca devā́n anuṣvadhám ā́ vaha mādáyasva ‖<br />
3.006.10a sá hótā yásya ródasī cid urvī́ yajñáṃ-yajñam abhí vṛdhé gṛṇītáḥ |<br />
3.006.10c prā́cī adhvaréva tasthatuḥ suméke ṛtā́varī ṛtájātasya satyé ‖
Change language