Algemene Inligtingsbrosjure - Curro Private School

Algemene
Inligtingsbrosjure
2013
2-4 jariges

Wie is die Personeel?
Agter links: Michelle Talma- Skilpadklas, Delri Rheeders – Perdjieklas,
Angelique Pelser – Hippo class, Adellè Kamfer - Leeutjieklas
Voor links: Jerina Esterhuysen – Speelskoolhoof, Gretha Groenewald – Dolfynklas
- 1 -

Beste Ouers
Baie welkom by Curro Speelskool (2 – 4 jaar) waar kleuters speel-speel leer.
Christelike waardes is vir ons baie belangrik en dit vloei deur al ons leerareas en
ons interaksie met mekaar, waar ons leer en speel.
ALGEMENE INLIGTING:
AANSOEKPROSEDURE:
‘n Curro Aansoekvorm is beskikbaar op die skool se webwerf (www.curro.co.za) of u kan dit by die skool se
ontvangs afhaal. U hoef slegs eenmalig die aansoekvorm in te vul aangesien die vorm oorgedra word na
Curro Kids se Kleuterskoolafdeling en daarna na die Laerskool.
Nadat ons die aansoekvorm ontvang het sal u in kennis gestel word indien daar ‘n opening is. U sal ‘n
faktuur via epos ontvang vir die registrasiefooi. Eers nadat die registrasiefooi betaal is, is u kleuter van ‘n
plek verseker. Op die faktuur word u voorsien van ‘n familiekode. Gebruik asseblief altyd hierdie
familiekode as verwysing met betalings.
Die Speelskool hanteer geen finansies nie. Al die finansies word deur ons finansiële afdeling behartig.
Vir ons kleuters se veiligheid kan nuwe belangstellendes die Speelskool per afspraak besoek. Kontak
gerus die Speelskoolhoof vir ‘n afspraak.
KLASSE EN SPEELSKOOLPERSONEEL:
KLAS OUDERDOM Onderwyseres
Leeutjieklas SP3A1 2-3 jaar
(Vanaf 22 maande – kleuters
wat laat in die jaar 3 jaar oud
word)
Me Adellè Kamfer
Perdjieklas SP3A2 2 - 3 jaar
(kleuters wat vroeg in die jaar
drie word)
Me Delri Rheeders
Skilpadjieklas SP4A1 3 - 4 jaar
(kleuters wat in die jaar vier
word)
Me Michelle Talma
Dolfyntjieklas SP4A2 3 - 4 jaar
(kleuters wat in die jaar vier
word)
Me Gretha Groenewald
Hippo class SP4E 3 and 4 years
(Engelse klas vir kleuters wat in
die jaar vier word. Kleuters wat
voor Mei drie word kan ook in
hierdie klas geakkomodeer
word)
Me Angelique Pelser
Speelskoolhoof Me Jerina Esterhuysen
- 2 -

SPEELSKOOL SE SKOOLTYE:
Aankoms: 8:00 – 8:50
Dagprogram: 9:00 – 12:15
Oggend wagklas vanaf 7:15 – 8:00
Middag wagklas vanaf 12:15 – 13:30 (Ma – Do)
Vrydae: Geen wagklas op Vrydae middae. Skool sluit stiptelik om 13:00
Publieke vakansiedae, skoolvakansiedae en skoolvakansies is die Speelskool gesluit.
Aankoms en vertrek:
Ons vra dat ouers ten alle tyd by die skooltye sal bly. Dit ontwrig die klasse en die kleuters
indien die ouers laat is in die oggende of te vroeg kom in die middae. Die hekke sal ook gesluit
wees tydens die dagprogram.
Wagklas:
Een personeellid is weekliks aan diens in die wagklas. Berei asseblief u kleuter voor. Die res
van die Speelskoolpersoneel is eers vanaf 08:00 soggens by die Speelskool.
Daar is geen wagklasse op Vrydagmiddae nie. Skool sluit stiptelik om 13:00 op Vrydae.
Indien die weer dit toelaat sal die Kleuterskool (Graad RR‘e en Graad R’e) op Dinsdae en
Donderdae op die voorste speelterrein van 12:45 – 13:30 speel tot hul ouers hul kom haal. Die
Speelskool se kleuters sal op daardie dae in die wagklas wag of by die agterste speelarea
speel.
EKSTRA AKTIWITEITE:
Musiek, sang, dans, perseptuele ontwikkeling en kreatiewe uitdrukking vorm alles deel van die kind se
daaglikse program en kurrikulum wat ons volg. Om ouers egter te akkommodeer wat nogtans verkies dat
hul kleuter aan ekstra aktiwiteite deelneem word die volgende aangebied.
AKTIWITEIT KONTAKPERSOON KONTAKNOMMER
Audiblox Linda van Heerden 083 331 3413
Ballet Natalie Ferreira 072 234 3179
Just Click Rina Reynecke 083 458 4777
Kindermusik Renshé Human 083 462 6178
Kuns Angelique Pelser & Angelique: 072 768 7595
Dalene Botha
Dalene: 072 317 9938
Playball Linda van Heerden 083 331 3413
Pottebakkery Susan Ballantine-Hayes 083 388 8567
Tennis Estie & Frans Cronje Estie: 083 376 4266
Frans: 083 269 4229
Dit word in skooltyd aangebied maar is nié verpligtend nie. Die kostes is addisioneel tot die skoolgeld en
moet slegs elektronies aan die betrokke persoon betaal word. Die Speelskool hanteer geen gelde van die
aktiwiteite nie. In die tyd wat die kinders deelneem aan die aktiwiteite bied die skool ander aktiwiteite vir die
res van die Speelskool aan.
Die ekstra aktiwiteite word in verskeie klein groepies ingedeel, gewoonlik volgens ouderdom en die tye en
indelings sal in die nuwe jaar aan u deurgegee word. Inskrywingsvorms vir die aktiwiteite word in die nuwe
jaar aan al die kleuters voorsien en uitgedeel of soos versoek deur ouers deur die jaar. Vra gerus u kleuter
se onderwyseres of die Speelskoolhoof vir aansoekvorms.
Ons beveel aan dat die kleuter verkieslik nie aan meer as drie ekstra aktiwiteite deelneem nie.
- 3 -

DAGPROGRAM VIR LEEUTJIEKLAS (Die jongste Speelskoolmaatjies):
8:00 - 8:50 Arriveer, Perseptuele aktiwiteite,Vryspel en Toiletroetine
9:00 - 9:15 Bybel & Lofprysing
9:15 - 9:45 Mattyd:Kalender,Temabespreking,
beweging/musiek/geletterdheid/persepsie/gesyferdheid
9 :45 - 10 :15 Toiletroetine en Versnapering
10:15 – 10:45 Vryspel buite
10:45 – 11:30 Gestruktureerde pretaktiwiteit / Kuns in kleingroepe / Vryspel binne en buite en
Toiletroetine
11:30 – 12:00 Tassepak, toiletroetine, versnapering en storietyd
12:00 – 12:15 Oplaaityd (indien peuter nie by skool slaap nie)
12:15 - 13:15 Slaaptyd
13:15 - 13:30 Wakkerword en vertrek
Indien daar ‘n behoefte is vir die 2-3 jariges in die ander klasse om ook tussen 12:15 – 13:15 te
slaap, sal hulle in die Leeutjieklas geakkomodeer word.
DAGPROGRAM:
8:00 - 8:50 Arriveer, Perseptuele aktiwiteite,Vryspel en Toiletroetine
9:00 - 9:15 Bybel & Lofprysing
9:15 - 9:45 Mattyd:Kalender,Temabespreking,
beweging/musiek/geletterdheid/persepsie/gesyferdheid
9 :45 - 10 :15 Toiletroetine en Versnapering
10:15 – 11:00 Vryspel buite
11:00 – 11:45 Gestruktureerde pretaktiwiteit / Kuns in kleingroepe / Vryspel en Toiletroetine
11:45 – 12:00 Tassepak, toiletroetine en versnapering
12:00 - 12:15 Storietyd
12:15 - 12:45 Vryspel en vertrek
CURRO SKOOLKWARTALE VIR 2013:
Eerste Kwartaal: 9 Januarie – 20 Maart
Tweede Kwartaal: 9 April – 21 Junie
Derde Kwartaal: 16 Julie – 19 September
Vierde Kwartaal: 8 Oktober – 29 November
SPESIALE BESOEKERS EN SPESIALE DAE:
Ons reël deur die jaar "spesiale besoekers", hou poppekas en hou ook sommer gereeld by ons Speelskool
lekker piekniek en bied gereeld addisionele pret aktiwiteite aan! Van ons gereelde besoekers is:
Die Speelskool se eie Daantjie Kat
Fred en Suzie se Lofprysing
Verskeie Poppekas aanbiedinge
Tannie Maniere van Manners4Minors
Ander Spesiale dae by ons Speelskool sluit in:
Besoekers wat aansluit by ons temas, Waterkaskenades, Atletiekdag / Sportdag, Lentedag,
Paasfees, Hemelvaart, Kerspartytjie en Klas se afsluitingspartytjie, Die Hoof se verjaarsdag, Juffrou
se verjaarsdag, Assistent se verjaarsdag, asook verskeie sensoriese pretdae.
- 4 -

SPEELSKOOL RIGLYNE EN VEREISTES:
U kind se Aanpassing:
Die aanpassing by ‘n nuwe skool en juffrou kan vir party kleuters moeilik wees en kan dalk ‘n rukkie neem.
U hoef nie daaroor ontsteld te wees nie. Die personeel sal alles doen om hulle so gou moontlik tuis te laat
voel en hulle behoort binne ʼn paar dae aan te pas. Hou ons asseblief op hoogte van enige verandering
tuis, byvoorbeeld nuwe werk, nuwe huis, nuwe baba ensovoorts. Dit kan ‘n groot impak op ‘n kleuter hê en
moet beslis nie onderskat word nie.
Aankoms en vertrek:
Die kleuters moet asseblief by die deur afgegee en kom haal word. Dit gee geleentheid vir ’n vinnige
boodskap. Maak asseblief ‘n afspraak indien u langer met die juffrou of Speelskoolhoof moet gesels sodat
ons sonder enige onderbreking kan gesels. Geen kleuter mag die terrein sonder toestemming verlaat nie.
Indien iemand anders die kleuter kom haal, moet u ASSEBLIEF reël, bel of vroegtydig ‘n sms of briefie
stuur! Personeel en assistente roteer die wagklas.
Allergieë en Medikasie:
Slegs medikasie vir ernstige allergieë mag by die skool toegedien word. Elke juffrou het ‘n medikasieboek
wat deur die ouer voltooi moet word wanneer medisyne aan u kind toegedien moet word. Allergie
medikasie word in die stoorkamer toegesluit en GEEN medisyne mag in u kind se tas geplaas word nie.
Allergieë moet aan die betrokke klasonderwyseres deurgegee word en indien nodig moet ‘n
doktersertifikaat verskaf word. In geval van bysteek kan u gerus van die gemerkte medikasie vir die
onderwyseres gee. GEEN ander medikasie mag toegedien word by die skool nie.
Afvalmateriaal:
Ons maak staat op ons ouers om bruikbare afvalmateriaal skool toe te bring. Dosies, materiaal,
verpakkings, papierborde, papier, kartonne en alles wat oulike teksture, vorms en oppervlaktes het, word
verwelkom.
Afwesighede:
Die kleuters is nog klein en mag met graagte vir spesiale geleenthede en redes tuis bly! Laat weet net
asseblief indien u kind afwesig gaan wees. Sms, bel of stuur vooraf ‘n briefie!
Assessering:
Assessering vind deurlopend plaas en ouderdomsrelevante kriteria word gebruik as riglyn. U sal aan die
einde van die eerste kwartaal slegs ‘n aanpassingsverslag en aan die einde van die tweede en vierde
kwartaal ‘n volledige vorderingsverslag ontvang. U moet dit asseblief deurlees, onderteken en na die skool
toe terugstuur. Daar sal ook elke kwartaal spogwerk huis toe gestuur word.
Bottels en fopspene (“dummies“):
Los asseblief alle fopspene en bottels tuis. Hierdie is sommer die ideale geleentheid om u kleuter van die
gewoonte af te speen.
Dissipline:
Dissipline in die klasse is van belang, maar primêre dissipline word reeds by die huis gevestig. Enige
probleme in die verband sal so gou moontlik met die betrokke ouers opgeneem word. Ons glo aan oop
kommunikasie met mekaar. Ons verduidelik deurlopend vir kleuters wat die Speelskool se basiese reëls is,
naamlik liefde, respek en lojaliteit vir mekaar (nie baklei nie, mooi te praat met mekaar en met volwassenes
en om gehoorsaam te wees) en ook respek vir ander se besittings om nie die Speelskool se speelgoed te
gooi, of op te trap en hardhandig te hanteer nie en om speelgoed op te ruim.
- 5 -

Engelse dag:
Woensdae is Engelse pretdag. Op Woensdae probeer ons sover moontlik Engels praat, sing en bid. Ons
stel geleidelik die kleuters bloot aan Engels en verduidelik ook verskeie woorde en begrippe aan hulle.
Fondsinsamelings:
Daar word deur die jaar 'n paar fondsinsamelingsprojekte saam en apart van Curro Skool aangebied.
Herwinning:
Ons kweek van kleins af ‘n bewustheid by die kleuters in die klas om te herwin. Die skool beskik oor groot
dromme waar u as ouer ook kan help herwin. Rooi: Blikkies; Geel: Plastiek; Groen: Papier.
Klasfoto’s, Foto‘s en DVD:
Daar word jaarliks foto‘s van die kleuters geneem wat ouers kan bestel en aankoop. Die Speelskool maak
ook jaarliks ’n DVD wat aan die einde van die jaar te koop aangebied word.
U sal betyds in kennis gestel word wanneer daar klasfoto’s geneem word. Doen ekstra moeite op sulke dae
met u kleuter se hare. Neutrale klere sonder motiewe lyk ook baie mooier op foto’s as klere met karakters
op.
Klasse:
Die Speelskool bestaan uit vyf klasse. Twee Afrikaanse klasse vir 2 – 3 jariges, twee Afrikaanse klasse vir
3 – 4 jariges en een Engelse klas vir 4 jariges (kleuters wat voor Mei-maand 3 jaar oud word, kan ook in
hierdie klas geakkommodeer word). Die jaar wat die kleuters 5 jaar oud word beweeg hulle oor na die
Kleuterskoolafdeling se Graad RR‘e en die jaar wat hulle 6 jaar oud word gaan hulle na Graad R.
Elke klas by die Speelskool het ’n juffrou en assistent, die jongste klas het twee assistente. Die klasse sal
nooit die getal van 20 per klas oorskry nie (met uitsondering sal dit met die ouers bespreek word).
Klasindelings:
Klasindelings word aan die einde van die jaar in die bekwame hande van die Curro Speelskool se
personeel gelaat. Ouers het nie insae in hierdie proses nie. Ons personeel tree beslis op in die beste
belang van u kind.
Klasverteenwoordigers:
Aan die begin van die jaar kies die ouers in die klas ‘n mamma wat as klasverteenwoordiger vir die jaar sal
dien. Die klasverteenwoordiger help met die reël van funksies en reël ook die juffrou en assistent se
partytjie asook die klaspartytjie aan die einde van die jaar. Die klasverteenwoordiger hou die res van die
mammas deur die jaar op hoogte van spesiale gebeure.
Kommuikasiekanaal:
Onderwyseres / Speelskoolhoof Hoof
U kan met vrymoedigheid direk na die Speelskoolhoof toe kom om sake te bespreek of navrae te doen.
Ons help graag waar ons kan.
Kurrikulum:
Die nasionale kurrikulum wat as vertrekpunt van al ons aktiwiteite dien, word in die drie leerareas naamlik
geletterdheid, gesyferdheid en lewensvaardighede toegepas. Die kleuters word by die Speelskool geleer
om kreatief te dink en probleme op te los in ‘n stimulerende omgewing met baie spontane en gerigte spel
eerder as formele onderrig, sodat kleuters teen hul eie tempo kan vorder.
Kleredrag:
Ons weet dat soos die kinders groei is daar soms nie genoeg “ou” klere nie, maar trek asseblief die kleuter
in klere aan waarvoor u nie te jammer is nie en maklik wasbaar is. Onthou dat hier GESPEEL word! Merk
asseblief alle klere. In die somer kan u gerus u kind sommer kaalvoet stuur.
Pak asseblief vir u kind daagliks ‘n stel skoon klere en onderklere in. Geen hoë hakke (klik-klaks) en
platvorm skoene word toegelaat nie.
- 6 -

Fantasieklere en aksiefiguurklere moet vermy word. Trek asseblief vir u kleuter broeke aan wat maklik kan
aan- en uittrek vir toiletroetine. Rek-tipe en toutjie-tipe broeke is baie gemakliker. Broeke met ritssluiters,
knope en gordels moet sover moontlik vermy word.
Konsert of Familiedae:
Ons wissel konsert af met familiedae, afhangende van die jaar en die res van die skool se
program. Daar word gewoonlik jaarliks in Augustus/September ‘n lekker konsert of andersins ‚
‘n pretdag gehou.
Kommunikasie:
Elke kleuter ontvang ‘n dagboek. Die boekie word daagliks gekontroleer en is ‘n kommunikasiemiddel
tussen ouer en onderwyseres. Kennisgewings en nuusbriewe word of deur e-pos of sms’e versprei, of
briewe wat aan tasse vasgemaak word of deur briewe wat in die boekies geplaas word. Hou ons asseblief
op hoogte indien e-pos adresse verander. Ons probeer gereeld nuusbriewe oor die kleuters se aktiwiteite
en doen en late uitstuur. Dit is u verantwoordelikheid om DAAGLIKS in die boekies en op die kennisgewing
in die klassies te kyk vir nuusbriewe.
School communicator:
Die school communicator moet deur elke ouer afgelaai word deur om op die
volgende webwerf te gaan: http://www.school-communicator.com/downloads.
Belangrike datums en inligting verskyn weekliks op u rekenaarskerm.
WENK!
‘n Waardevolle wenk!!
Pappa en Mamma, kom van dag een af in die gewoonte om dadelik, dat wanneer u die kosblik uithaal om te
was, ook te kyk vir nuusbriewe. Kyk dan ook in die kommunikasieboekie, of aan die tas of daar dalk ‘n boodskap
is. Plaas die nuusbrief dan dadelik op die yskas (koop sommer vandag al paar stewige yskasmagnete), of steek dit
vas op ‘n sentrale aansteekbord in die huis. Indien u huishulp smiddae die tasse uitpak kan u haar van dag een af
leer om te kyk vir nuusbriewe en dit op die aansteekbord of yskas vas te sit vir julle aandag! (die speelskooljare is
die begin van nog báie nuusbriewe wat in u kind se opvoedingsjare gaan volg...)
Liefdadigheid:
Ons ondersteun verskeie liefdadigheidsprojekte en maak ook die kleuters daarvan bewus. Ouers kan gerus
deur die jaar items skool toe stuur en ons sal dit aan die regte instansies besorg. Hierdie bewuswording
begin tuis. Maak dit ‘n instelling om u kleuter te betrek om speelgoed, klere, linne ensovoorts tuis uit te
soek en dit skool toe te bring. So maak ons die kleuters van vroeg af sensitief vir ander se behoeftes en
kweek ons ‘n wonderlike gesindheid van liefde en uitreik na ons naaste.
Naskool:
Daar is ‘n Naskool vir die kleuters, apart van die skool se naskool. Spasie is uiters beperk en kan dus nie
gewaarborg word nie. Die Speelskoolonderwyseresse is nie by die diens betrokke nie. Die Naskool is geleë
op die Speelskool se perseel.
Daar is ook ‘n diens vir dagbesoekers by die naskool vir dié wat net op noodgevalle van die Naskool moet
gebruik maak beskikbaar.
‘n Naskoolaansoekvorm moet vir voldag sowel as vir dagbesoekers ingevul word. Daar is ook ‘n volledige
naskoolinligtingstuk by die Laerskool se ontvangs beskikbaar. Kontak die Laerskool se ontvangs vir meer
inligting.
- 7 -

Speelterrein en Speeltyd:
Curro Kids beskik oor twee fantastiese speelareas, naamlik ‘n voorste asook ‘n agterste speelarea. Beide
areas is spesifiek deur kundiges ontwerp om aan die verskeie aspekte van kinderontwikkeling te voldoen.
Die Speelskool asook die Kleuterskool se Graad RR’e en Graad R’e speel op dieselfde speelterrein maar
op verskeie tye.
Ons leeromgewing is spesifiek ontwerp en uiteengesit om spel te gebruik as ‘n leermiddel. Ons wil graag u
kleuter aanmoedig om te eksploreer, te eksperimenteer, te ontdek, planne te beraam, te innoveer, te skep,
te bevraagteken en aan besprekings deel te neem. ‘n Groot verskeidenheid aktiwiteite en toerusting van
hoë en internasionale gehalte, wat van toepassing is op u kind se ouderdom, word voorsien.
Diereversorging:
Die Speelarea beskik oor ‘n aparte dierehok met voëltjies, hoenders, hase ensovoorts. Die klasse
roteer daagliks om die diere kos te gee. U sal 'n rooster ontvang. Die dae waarop u kleuter se
klassie kos gee is u meer as welkom om bietjie wortels, haaspille, hondepille, voëlsaad,
hoenderkos, kool, spinasie en blaarslaai saam te stuur.
Siek kinders:
Kinders met enige aansteeklike siektes, koors of siekte van watter aard ook al moet tuis gehou word.
Kinders moet ook geïmmuniseer wees volgens gesondheidsvereistes. Dit is in al die maatjies se belang! U
wil mos self nie hê dat u kind aangesteek moet word nie.
Ons beveel aan dat indien u kind baie moeg is, ‘n slegte verkoue het of net sommer goor voel, dat u
hom/haar eerder tuis hou.
Kleuters wat erg hoes, erge loopneuse, kopluise, veluitslae, ooginfeksies of ongestelde magies het moet
tuis gehou word totdat dit opgeklaar het. Hierdie toestande neig om die rondte te doen in ‘n klas.
Somer:
Ouers moet asseblief ook elke oggend sonroom vir die kleuters aansit voor hul Speelskool toe kom.
Stuur asseblief ook op die warm somerdae ‘n ekstra waterbottel met yswater skool toe.
Speelgoed:
Kleuters moet geen speelgoed saambring skool toe nie. Dit kan net wegraak of ‘n geveg en baie trane
veroorsaak. Ons kan ongelukkig nie verantwoordelikheid neem vir die speelgoed nie. Die kleuters moet ook
nie die skool se speelgoed saam huis toe neem nie.
Tassies/Sakkies:
Ons vra dat ouers verkieslik die volgende grootte tassies aanskaf: 40 cm hoog en 30 cm breed. Hierdie
grootte tasse pas gemaklik in die tasrakkies en word ook met gemak deur die kleuters hanteer.
Elke kleuter kry ‘n aparte hokkie met ‘n simbool waarin sy/haar tassie geplaas word.
Elke kleuter moet asseblief daagliks hul eie duidelik gemerkte sakkie skool toe bring.
Tasinhoud:
1. Water en broodjie asook ‘n versnapering
2. 100% vrugtesap is opsioneel
3. Elke dag ‘n stel skoon klere & onderklere – duidelik gemerk en in ‘n
plastieksakkie geplaas.
4. Kleuters in die 2 -3 jarige klasse moet daagliks 2 stelle skoon klere in hul tas hou.
4. Gaan die tasse daagliks na en vervang die vuil klere met skoon klere.
Terapeute:
Curro skool beskik oor ‘n Leerderondersteuningsentrum met die dienste van 'n Arbeidsterapeut,
Spraakterapeut en Remediêrende onderwysers wat in skooltyd die kleuters met terapie kan help. Indien die
onderwyseres enige probleme opmerk sal dit met die Speelskoolhoof en ouers bespreek word en kan daar
- 8 -

verwys word sodat daar vroegtydig aandag aan enige probleme gegee kan word. Ons beskik ook oor ‘n lys
van goeie Spelterapeute en Sielkundiges wat ons kan aanbeveel indien u kleuter of gesin ander probleme
ervaar. Kom gesels gerus!
T-hempie en hoed:
Elke ouer moet ‘n Speelskool t-hemp en hoed aankoop. Ons Speelskool het ‘n t-hempie (groen) wat die
kleuters op uitstappies en op spesiale dae saam met ‘n denim moet aantrek (kortbroek in somer en
langbroek in winter). Die kleuters moet hul hempie op Vrydae ook dra. Die t-hemp en hoed word by die
Speelskool bestel. U is self verantwoordelik vir die rekening. Al die inligting is op die bestelvorm
beskikbaar.
Toiletonderrig:
U kleuter moet verkieslik reeds toiletonderrig ontvang het en verkieslik van die doeke af wees. Stel ons
vooraf in kennis indien u kleuter nog nie van die doeke af is nie, sodat ons u kan voorsien van ‘n aparte lys
van benodigdhede wat u na die Speelskool moet saam stuur sodat die onderwyseres kan help met
toiletonderrig.
Versnaperings:
Kleuters moet soggens tuis ‘n gebalanseerde ontbyt nuttig. Ontbyt is die belangrikste
maaltyd van die dag. U is self vir u kind se versnaperings verantwoordelik. Die inhoud
van so ‘n kospakkie is vir ons baie belangrik en moet slegs gesonde en voedsame
happies bevat. Pak asseblief sy/haar gunsteling (gesonde)
versnapering in (byvoorbeeld ‘n broodjie, vrugte, neute, droë
vrugte, kaas, jogurt en sout koekies).
Pak genoeg in, aangesien kleuters in die laatoggend gewoonlik weer ietsie wil
nuttig. Soetgoed en skyfies moet heeltemal vermy word. Geen gaskoeldranke,
aanmaakkoeldranke byvoorbeeld Oros of energie koeldranke word toegelaat nie.
Merk asseblief die kosblik en sap/waterbottel duidelik. Die meeste ouers verkies die
gym tipe waterbottel. U kan een keer per week op ‘n Vrydag ‘n lekkerny saam stuur
skool toe (soet koekies, skyfies en/of ‘n lekkertjie) indien ons nie bakkersdag, klaspartytjie of winkeldag het
nie. Let wel dat ‘n kosblik op Vrydae ook nie NET uit lekkergoed kan bestaan nie en dat gesonde
versnaperinge steeds ingepak moet word.
Verjaarsdae:
Elke maatjie kry ‘n kroon op sy/haar verjaardag. U is welkom om iets vir u kind by die skool te hou, reël net
asseblief vooraf. U is ook verantwoordelik vir die papierborde en kersies vir die koek (indien u koek
saambring). Ons help graag waar ons kan. Indien u net ‘n partytjie vir die klassie gaan hou en nie ‘n aparte
een tuis nie, kan u gerus uitnodigingskaartjies stuur, al is die partytjie by die skool. Dit is tog lekker vir die
verjaardagmaatjie om persentjies te kry. Sonder ‘n uitnodiging sal die ouers nie weet dat ‘n maatjie verjaar
nie. Dit is egter net ‘n voorstel en glad nie verpligtend nie!! Geskenke tot ‘n maksimum van R40 ‘n geskenk
beperk word. Al die verjaarsdae en geskenke kan ‘n duur storie raak. Beperk asseblief te veel lekkergoed.
Die ouers is meer as welkom om ‘n kamera by die juffrou te los. Kom praat gerus indien u meer wil uitvind.
Veiligheid:
Alhoewel alle voorsorgmaatreëls moontlik getref word om die veiligheid van die kleuter te verseker, kan en
word geen verantwoordelikheid aanvaar vir siekte en/of besering wat by die Speelskool en/of tydens ‘n
uitstappie opgedoen kan word nie.
- 9 -

Die Speelskool se hekke word om 9:00 soggens gesluit en die hekwag het bevele om nie die hekke oop te
maak vir enige iemand indien daar nie spesiaal gereël word nie. (Laai dus u kleuter reeds om 8:50 af). Ons
almal se veiligheid is van uiterste belang, veral ons kinders s’n en al hoe ons werklik ons veiligheid kan
verseker is om die vloei van voertuie en voete te beperk. Ons vra asseblief almal se samewerking in hierdie
verband. Indien u kleuter vroeër moet kom haal of later aflaai moet u asseblief vooraf reël sodat ons met
die hekwag 'n reëling kan tref om oop te maak anders kan u by die skool se ontvangs rapporteer.
Die Speelskool het ‘n aparte hek met ‘n kamera en klokkie. Maak seker dat u die Speelskool se
magneethek ten alle tye agter u toemaak wanneer u inkom en uitgaan.
Voorsieningsfonds:
Die ouers betaal aan die begin van die jaar ‘n voorsieningsfonds wat fyn uitgewerk is vir die uitgawes van
elke kleuter vir die jaar.
Voorsieningsfonds:
Die fonds sluit die volgende in:
Kommunikasieboek / dagboek Foto’s: indiv idueel + klasfoto
Toiletpapier /”wet wipes”/ snesies/ pleisters Besoekers en instappies v ir die hele jaar
‘n Opvoedkundige speelding soos legkaart Bak en Brou
Konsertdeelname, kostuum en/of Sportdag Poppekasvertonings
Partytjiev ieringe, Pretdae Kersfeespartytjie en geskenkie v ir kleuter
Skryfbehoeftes: gom /kreukelpapier/ kryte/ riem
papier /skêr/klei/kwaste ensovoorts
Manners4Minors
Lofprysing
- 10 -
Spesiale geleenthede (Valentynsdag,
Hemelv aart, Paasfees, Lentedag,
Boomplantdag, Moedersdag, Vadersdag,
Waterkaskenades, Spesiale dae soos
roomysdag, piekniekdae, skool se v erjaarsdag)
Die redes vir die implementering van die voorsieningsfonds is as volg:
‘n Diens aan die ouers sodat u nie die heeltyd koevertjies hoef te onthou v ir spesiale dae en geleenthede
nie
dit v ergemaklik finansiële beplanning v ir dag tot dag uitgawes
dit spaar ouers tyd om met ‘n lang lysie in die winkel te gaan soek v ir die lys v an benodigdhede
die spaar v an bankkostes
aankope word in grootmaat gedoen en dus kan beter pryse onderhandel word
dit beperk die risiko v an hantering van kontant op die skoolperseel.
Winkeldag:
Ons wissel Winkeldag met Bakkersdag en Wys-en-Vertel op Vrydae af.
Die kleuters moet asseblief ‘n beursie in hul tassies hou vir Vrydae.
Elke kleuter gaan ‘n beurt kry om iets saam met mamma te maak en dit
dan skool toe bring om te “verkoop“. Ons “verkoop” gewoonlik ‘n eetdingetjie vir R2.
Daar moet asseblief nie meer as R5 in hul beursies wees nie (al die kleingeld
verwar hulle). Dit gaan werklik oor die speel meer as die “item” en ons leer sommer
lekker van geld, winkeletiket en speel lekker dié dag. Die winkeldag vorm deel van
die Speelskool se fondsinsameling vir die aankope van ‘n nuwe speelding vir elke klas.
Wys-en-Vertel:
Kleuters kry elk ‘n geleentheid om op ’n Vrydag voor die klassie oor ’n onderwerp te gesels. Die doel is om
die kleuters stelselmatig daaraan gewoond te maak om voor ander te praat, selfvertroue te gee en hul
woordeskat uit te brei. U sal vroegtydig in kennis gestel word wanneer dit u kind se beurt is.

Uitstappies:
Daar kan dalk ‘n uitstappie in die jaar gereël word wat by ons tema van die week aansluit. Indien daar wel
deur die jaar ‘n uitstappie beplan word verkies ons dat die ouer die uitstappie meemaak.
Belangrike kontaknommers:
Wat? Wie? Kontaknommer E-pos
Naskool Leandi Verster 012 809 0714 adminhazeldean2@curro.co.za
Rekeninge Kantoor 012 809 0714 adminhazeldean@curro.co.za
Speelskool Jerina Esterhuysen 012 809 0714 jerina@curro.co.za
Speelskoolhoof Jerina Esterhuysen 082 561 4959
(SLEGS Ma - Vry
tussen 08:00 – 12:30
in die skooltermyn)
- 11 -
jerina.esterhuysen@gmail.com