1 - Curro Private School

GEDRAGSKODE
BELEID RAKENDE DIE MISBRUIK VAN ALKOHOL, DWELMS EN
VERWANTE MIDDELS
DETENSIEBELEID
KLEREDRAGBELEID
1

2
INHOUD
1. Gedragskode
1.1 Visie van die Dissiplinêre Skoolkomitee
1.2 Doel van die Gedragskode
1.3 Toepassing van die Gedragskode
1.4 Strafmaatreëls
1.5 Kennis van die Gedragskode
1.6 Algemene reëls en regulasies vir die leerders
1.7 Definisies
2. Addendum A -Beleid rakende die misbruik van alkohol, dwelms en verwante middels
3. Addendum B -Detensiebeleid
4. Amptelike kleredrag-en sportdragkode
5. Oortredings en optredes

1.1 VISIE VAN DIE DISSIPLINêRE KOMITEE:
Die Gedragskode is gebaseer op die volgende waardes:
respek vir jouself, ander en eiendom
vriendelikheid
voorkoming
sin van verantwoordelikheid
netheid en skooltrots.
3
GEDRAGSKODE
Alle opvoeders, lede van die Verteenwoordigende Raad van Leerders, die leerders van die skool
asook ouers/voogde, sal ten volle oor die werking van die Gedragskode ingelig wees. Die
bogenoemde waardes moet in daaglikse optrede nagestreef word.
1.2 DOEL VAN DIE GEDRAGSKODE
Hierdie Gedragskode word geïmplimenteer om gedrag in die skool te reguleer. Die uitgangspunt van
die gedragskode is om onaanvaarbare gedrag en optrede reg te stel eerder as om te straf. Op grond
van hierdie rede sal progressiewe dissipline toegepas word, uitgesluit ernstige wangedrag waar
uitsetting „n moontlikheid is.
Die strafmaatreëls wat in hierdie Gedragskode saamgevat is, bied riglyne hoe om teenoor wangedrag
op te tree. Leerders en ouers/voogde se aandag word daarop gevestig dat die erns van die
oortreding/wangedrag en die omstandighede kan veroorsaak dat daar van die aangeduide
strafmaatreëls afgewyk mag word. „n Ligter of swaarder straf kan dan toegepas word, afhangende van
die toepaslikheid en regverdigheid daarvan.
1.3 TOEPASSING VAN DIE GEDRAGSKODE
Verwante oortredings is gegroepeer in kategorieë vir maklike verwysing en ook om te wys watter tipe
oortreding sal lei tot progressiewe dissipline. Die oortredings is in die volgende kategorieë gegroepeer:
1.1 Skoolbywoning en verwante oortredings,
1.2 onbevredigende werksverrigting,
1.3 beskadiging van skooleiendom,
1.4 veiligheid,
1.5 geweld,
1.6 die misbruik van alkohol, dwelms en verwante middels,
1.7 diefstal,
1.8 oneerlikheid en bedrog,
1.9 kleredrag en voorkoms,

1.10 sekuriteit,
1.11 wanordelike gedrag,
1.12 skoolvoertuie en verkeer,
1.13 wangebruike in die rekenaarlokaal,
1.14 wangedrag tydens detensie.
By elke kategorie word daar oortredings ingesluit met die toepaslike strafmaatreël daarnaas. Aandag
word daarop gevestig dat elke oortreding in „n kategorie verwant is en meer as een oortreding in „n
spesifieke kategorie sal lei tot progressiewe dissipline.
Afsonderlike waarskuwings of ander strafmaatreëls sal toegepas word vir die verskillende kategorieë
van oortredinge. Indien „n leerder egter verskeie waarskuwings vir nie-verwante oortredinge ontvang
het, m.a.w. vir oortredings uit verskillende kategorieë, en die leerder word aan „n ander oortreding
skuldig bevind, kan die oortredinge gesamentlik oorweeg word om te besluit op die mees toepaslike
strafmaatreël.
1.4 STRAFMAATREëLS
Die strafmaatreëls wat in die Gedragskode voorkom, wissel van mondelinge waarskuwings tot
uitsetting.
Skriftelike waarskuwings mag slegs deur die Rektor en/of Dissiplinêre Komitee uitgereik word. In
gevalle waar die strafmaatreël mag lei tot „n finale skriftelike waarskuwing of uitsetting moet „n
dissiplinêre verhoor gehou word. Dié verhoor sal deur „n Dissiplinêre Komitee bestaande uit die
Rektor, Adjunkhoof en/of „n senior personeellid soos deur die Rektor aangewys, gehou word. „n
Kennisgewing van die verhoor moet ten minste drie(3) dae voor die verhoor aan die ouers/voogde en
leerder gegee word.
„n Leerder wat verwittig word om „n dissiplinêre verhoor by te woon, het die reg om self saam met
sy/haar ouers/voogde teenwoordig te wees, waar hy/sy sy/haar kant van die saak kan stel. Verder het
„n leerder die reg om getuies te roep en om getuies deur die Dissiplinêre Komitee geroep, te
kruisondervra.
Die leerder sal die reg hê tot appél by die Hoof Uitvoerende Beampte van Curro Holdings (Pty) indien
die straf uitsetting was.
1.5 KENNIS VAN DIE GEDRAGSKODE
Dit is die verantwoordelikheid van elke ouer/voog en leerder om vertroud te raak met die inhoud van
die Gedragskode en om seker te maak dat hy/sy alle aspekte van die Gedragskode verstaan. Indien
die ouer/voog of leerder nie die oortredings en gevolge verstaan nie, moet hy/ sy die Rektor kontak
ten einde duidelikheid te verkry.
Om ouers/voogde en leerders te help om met die Gedragskode vertroud te raak, onderneem die skool
om:
- „n afskrif van die Gedragskode by die Rektor beskikbaar te stel waartoe ouers/voogde
en leerders vrye toegang sal hê.
- „n kopie in die Administratiewe afdeling beskikbaar te stel waartoe ouers/voogde en
leerders vrye toegang sal hê.
4

- op versoek van „n leerder, „n afskrif van die gedragskode gratis aan hom/haar te
verskaf.
1.6 REëLS EN REGULASIES VIR DIE LEERDER
Algemeen:
1. Leerders wat afwesig was, moet uitvind watter werk hy/sy gemis het en moet die werk self
inhaal.
2. Indien „n leerder die klas moet verlaat weens wangedrag, moet hy/sy na die
Rektor,Adjunkhoof of DH:Dissipline gestuur word waar daar dienooreenkomstig die
gedragskode opgetree sal word.
3. Leerders moet die opdragte van die opvoeders ten alle tye uitvoer.
4. Leerders moet die nodige boeke/handboeke/skryfbehoeftes vir elke dag, volgens hul
rooster, saambring.
5. Huiswerk moet in die toepaslike boeke of folio‟s gedoen word.
Hoflikheid en inagneming van ander:
1. Wees te alle tye betyds vir klas. Indien laat, moet „n nota van die opvoeder getoon word.
2. Gaan sit dadelik en haal jou boeke uit sonder om tyd te mors.
3. Onaanvaarbare gedrag wat ander leerders van optimale leer ontneem, sal nie geduld word
nie, bv.
uitroep/uitskree van antwoorde;
onderbreking van ander op „n onbedagsame manier;
die rondgooi van papiere (bv. op die grond);
skryf/krap op banke of beskadiging van skooleiendom/privaat eiendom;
ry op stoele/die optel van banke/die sit op banke;
stamp/stoot/trekkery of slaan aan ander leerders;
ignoreer onderwysers se opdragte;
die neem van ander leerders se eiendom sonder toestemming;
alle selfone moet tydens lesure afgeskakel en weggepak word; indien nie sal dit tot die
einde van die skooldag gekonfiskeer word..
Alle CD-spelers/radio‟s en “walkmans” moet weggepak wees; indien nie sal dit tot die
einde van die skooldag gekonfiskeer word.
Boegenoemde reëlings geld ook wanneer die opvoeder nie in die klas is nie. Die Raad van
Leerders het ook ‘n verantwoordelikheid t.o.v. die uitbou en handhawing van goeie dissipline.
Verlaat van klasse:
1. Wag totdat die opvoeder jou toestemming gee om jou boeke weg te pak – al het die klok gelui.
2. Moenie die klas sonder toestemming verlaat nie. Jy moet die korrekte verlofkaart hê.
3. Bly sit totdat jy toestemming het om die klas te verlaat.
Indien leerders nie bogenoemde reëls nakom nie, kan dit lei tot detensie of enige ander vorm
van dissiplinering. Sien prosedure soos uiteengesit onder Klaskamergedrag (par. 1.11.2).
5

1.7 DEFINISIES
BELEID RAKENDE DISSIPLINE:
Dissiplinêre optrede is enige optrede/aksie deur die skool geneem a.g.v. onaanvaarbare,
ondraaglike of onbevredigende werkverrigting en/of gedrag van „n leerder. Die leerders is „n
belangrike deel van die skool en dus sal die skool daarna strewe om huidige standaarde te
behou en werkverrigtings- standaarde te verhoog. Op grond hiervan word dissiplinêre optrede
beskou as „n manier om onaanvaarbare of ondraaglike en/of onbevredigende werkverrigting te
verbeter.
In die lig van goeie menseverhoudings en „n gesonde leeromgewing in die skool, onderneem
die skool om ten alle tye regverdig en konsekwent tydens dissiplinêre aksie op te tree.
GESAG OM TE DISSIPLINEER:
Dissiplinêre optrede teenoor „n leerder sal deur die Rektor van die skool hanteer word of
alternatiewelik deur die Dissiplinêre Komitee. Finale skriftelike waarskuwings en uitsettings sal
hanteer word deur die Dissiplinêre Komitee van die skool, met die reg om appèl aan te teken
by die Uitvoerende Direksie van die skool indien die straf uitsetting was.
DISSIPLINêRE PROSEDURE:
Om te verseker dat geen twyfel ontstaan oor dissiplinêre optrede wat geneem is nie, sal alle
teregwysings, waarskuwings en ander dissiplinêre stappe op die betrokke leerder se lêer
geplaas word.
Stappe in die dissiplinêre proses:
Dissiplinêre optrede wat geneem sal word, word bepaal deur die oortreding begaan (soos
uiteengesit in die gedragskode) en sal een of meer van die volgende stappe behels:
Mondelinge waarskuwing
Skriftelike waarskuwing (Eerste, tweede, ens.)
Finale skriftelike waarskuwing
Uitsetting
Boetes
Detensie (sien Addendum B)
Onderhoude met graadhoofde, beraders en/of die Dissiplinêre Komitee
MONDELINGE WAARSKUWING:
„n Mondelinge waarskuwing mag gegee word wanneer enige wangedrag (soos in die
gedragskode uiteengesit) dit regverdig.
6

SKRIFTELIKE WAARSKUWING:
„n Skriftelike waarskuwing mag gegee word wanneer enige wangedrag (soos in die
gedragskode uiteengesit) dit regverdig. Die doel van sulke waarskuwings is om daarna te
strewe om swak werkverrigting of verkeerde/onaanvaarbare gedrag van „n leerder te verbeter.
Die eerste skriftelike waarskuwing word gesien as die eerste formele waarskuwende
kennisgewing aan die ouers. Die skriftelike waarskuwing sal die leerder van toekomstige
dissiplinêre optrede inlig, wat kan/sal geneem word in die geval waar hy/sy dieselfde of gelyke
oortreding begaan. Verdere skriftelike waarskuwings sal volg indien die leerder se gedrag nie
verbeter nie.
FINALE SKRIFTELIKE WAARSKUWING:
„n Finale skriftelike waarskuwing word gesien as die laaste stap in die poging om „n leerder se
gedrag/werkverrigting te verbeter. Mag slegs deur die Rektor of Dissiplinêre Komitee gegee
word.
UITSETTING MET KENNISGEWING OF SUMMIERE UITSETTING:
„n Dissiplinêre verhoor deur die Dissiplinêre Komitee sal plaasvind voordat uitsetting plaasvind.
DISSIPLINêRE VERHORE (ONDERSOEK)
APPèL:
Indien verdere optrede nodig is nadat „n leerder „n finale skriftelike waarskuwing ontvang het,
of in die geval van „n kriminele oortreding, sal „n dissiplinêre verhoor plaasvind so gou moontlik
na die insident plaasgevind het. Kennisgewing moet minstens drie(3) dae voor die tyd aan die
ouers/voogde en leerder(s) gegee word.
Die leerder en sy/haar ouers/voogde sal ingelig word van die klagte teen hom/haar asook die
dag en datum van die verhoor. Die ouers/voogde is daarop geregtig om by die verhoor
teenwoordig te wees.
Tydens die verhoor sal die Dissiplinêre Komitee, die leerder en sy/haar ouers/voogde die reg
hê om hul saak te stel, bewyse na vore te bring, getuies te roep en om te kruis ondervra
(indien nodig).
Voordat „n finale besluit geneem word, sal die Dissiplinêre Komitee die leerder en sy/haar
ouers/voogde die geleentheid gee om om versagtende omstandighede te betoog, waarna die
leerder se rekord en ander relevante inligting in ag geneem sal word.
Die besonderhede en besluit van die verhoor sal genotuleer word, maar vertroulikheid sal
gehandhaaf word. Die leerder en sy/haar ouers/voogde sal in kennis gestel word van sy/haar
reg om appèl teen die besluit aan te teken indien die besluit uitsetting was.
7

Nadat die leerder en sy/haar ouers/voogde van hul reg om appèl by die dissiplinêre verhoor
ingelig is, het hy/sy sewe(7) dae om teen die besluit by die verhoor, te appèlleer.
Die appèl, waarin sy/haar gronde vir appèl is, sal skriftelik wees.
Die voorsitter tydens die appèlverhoor sal „n lid van die Uitvoerende Direksie wees of enige
ander persoon van die Direksie deur hom aangewys (dit mag nie die persoon wat as voorsitter
by die dissiplinêre verhoor opgetree het, wees nie). Die voorsitter het die reg om `n
appèlverhoor aan te vra of om die meriete van die saak sonder verhoor te beoordeel. „n
Verteenwoordiger van die Dissiplinere komitee van die vorige verhoor moet teenwoordig wees.
Tydens die appèlverhoor het die leerder dieselfde regte as by die dissiplinêre verhoor.
Die verrigtinge en uitslag sal genotuleer word.
8

ADDENDUM A (BELEID RAKENDE DIE MISBRUIK VAN ALKOHOL, DWELMS EN
VERWANTE MIDDELS)
Standpuntverklaring oor alkohol en ander dwelms.
Die mikpunt van die skool se alkohol-en dwelmbeleid is dat alle lede van die skoolgemeenskap
(leerders, ouers, personeel en die Uitvoerende Direksie) deur hulle gedrag en lering sal wys dat hulle
nie die onbehoorlike gebruik van alkohol en ander dwelms goedkeur nie.
Die skool se beleid is teen die onbehoorlike gebruik van wettige middels en die besit en gebruik van
verbode middels. Die beleid is toepasbaar:
- op die skoolterrein,
- by funksies, uitstappies of enige ander aktiwiteit wat deur die skool georganiseer is,
- wanneer lede van die skoolgemeenskap die skool verteenwoordig of die skooluniform
dra of herken kan word as „n lid van die skool.
Die skool laat leerders nie toe om:
- verbode middels te gebruik nie,
- voorgeskrewe medisyne en/of medisyne wat nie voorgeskryf is onbehoorlik te gebruik
nie,
- oplosmiddels, snuifmiddels/inasemingsmiddels, en/of ander chemiese agente
onbehoorlik te gebruik nie,
- alkoholiese drank te gebruik nie,
- tabak en/of ander dwelms te rook nie,
- dwelmverwante toebehore soos sigaretpapiere, pype, ens. in hulle besit te hê nie,
- onder die invloed van alkohol en/of ander dwelms te wees nie.
Strawwe, wat die skool sal oorweeg vir diegene wat dié vereistes oortree, sluit in (maar word nie
beperk tot):
- verpligte berading,
- die opstel van „n kontrak tussen die leerder (en ouers of voog) en die skool,
- „n gepaste straf in verhouding tot die oortreding,
- die skorsing van die leerder,
- die uitsetting van die leerder.
Reëls en regulasies
- Die skool laat geen dwelms of verwante middels op die skoolterrein toe nie. Die skool
laat ook nie leerders onder die invloed van sulke middels toe om sy fasiliteite of terrein
te gebruik nie.
- Die uitgangspunt van die beleid is dat leerders gestraf moet word as hulle onder die
invloed van tabak, alkohol, dagga en harde dwelms is, en/of as leerders dié middels
skool toe bring. Die skool sal rehabilitasiepogings van leerders ondersteun.
- Die skool moet in kennis gestel word as leerders voorgeskrewe middels gebruik en
leerders mag nie toegelaat word om meer as een dag se dosis voorgeskrewe middels
skool toe te bring nie.
9

Beleid
10
- Die geboue van Curro Privaat Skool is „n rookvrye gebied.
Die skool streef na voortreflikheid en ons doel is altyd om seker te maak dat wat ons ook al doen tot
voordeel van die leerder sal wees. Ons besef dat ons beleid relevant moet bly en aanpas by
veranderende tye en omstandighede. Ons verstaan dat ons in „n vennootskap met ouers/voogde is
om die beste vir hulle kinders te verseker. Saam moet ons ons jongmense toerus sodat hulle minder
vatbaar is vir die misbruik van dwelms en beter toegerus is vir die lewe en al sy uitdagings.
Wanneer die dokument deur die Direksie goedgekeur is, sal dit in die vorm van „n bylaag deel word
van die Curro Privaat Skool se Gedragskode.
Curro Privaat Skool sal aktief daarna streef om sy dwelmbeleid toe te pas. Die skool sal optree om
enige gebruik van dwelmmiddels te beperk deur die Polisie waar en wanneer nodig in hul aktiwiteite
op die skoolterrein by te staan.
Onkunde oor „n dwelmmiddel sal nie as verskoning aanvaar word nie. (Die teenwoordigheid van
enige onbekende middel moet aangemeld word en onmiddellik aan „n onderwyser oorhandig word.)
Die skool hou die reg voor om leerders en hul besittings op enige plek of ter enige tyd gedurende
skoolure of tydens enige skoolverwante aktiwiteite te deursoek. Dit kan gedoen word met of sonder
die samewerking van die polisie en/of snuffelhonde volgens die Rektor se diskresie.
Die skool handhaaf die uitgangspunt dat dwelmmisbruik „n onaanvaarbare praktyk is en dat die
konsep van „n gesonde , dwelmvrye lewe te alle tye voorgestaan en aangemoedig sal word. Omdat
ons realisties is, is dit ook ons beleid om nooit leerders te veroordeel nie, maar om die leerders wat
hulp nodig het en wil hê op dié gebied te ondersteun sonder om noodwendig hulle skoolloopbaan in
gevaar te stel. In gevalle waar die leerders en ouers/voogde nie gebruik wil maak van die hulp wat
aangebied word nie, sal die skool geen keuse hê as om die leerder te vra om die skool te verlaat nie.
Voorkoming
Die ondertekening van hierdie dokument is „n voorvereiste vir aanvaarding tot Curro Privaat Skool.
Die skool onderneem om die volgende op „n gereelde basis te doen:
- om voorkoming-en inligtingsessies vir alle leerders oor alle soorte dwelms aan te bied,
- om voorkoming-en inligtingsessies vir ouers/voogde aan te bied,
- om inligting en opleiding aan onderwysers beskikbaar te stel,
- om buite-organisasies (bv. Drug Education Agency) en individue in „n
raadgewende hoedanigheid te betrek as deel van „n spanbenadering,
- om inligting op aanvraag te verskaf,
- om die stigting van positiewe portuurgroepe te ondersteun,
- om hierdie beleid dienooreenkomstig veranderende omstandighede en toestande, te
evalueer en aan te pas,
- om „n gesonde, dwelmvrye lewe deur woord en daad te ondersteun,
- om „n leerder-ondersteuningsprogram te ontwikkel en te implementeer.

Dwelmgebruik
Die gebruik van enige gemoedsveranderende of gewoontevormende middel sonder „n
doktersertifikaat is streng verbode:
- op die skoolterrein,
- by alle funksies, uitstappies of enige ander aktiwiteite wat deur die skool gereël word,
- wanneer lede van die skoolgemeenskap die skool verteenwoordig of die skooluniform dra.
LET WEL: DIE SKOOL BEHOU DIE REG VOOR OM VOLGENS DIE BELEID EN PROSEDURE OP
TE TREE INDIEN ‘N LEERDER SE DWELMMISBRUIK BUITE DIE SKOOL SY AKADEMIESE
PRESTASIE, GEDRAG, SKOOLBYWONING, DIE GOEIE NAAM VAN DIE SKOOL, ENS.,
BEïNVLOED.
Dwelmhandel
Die handeldryf in dwelms gedurende skoolure, op skooleiendom, in skooluniform, tydens sporttoere,
gedurende buitemuurse aktiwiteite, ens., is streng verbode en is „n oortreding wat tot uitsetting kan lei.
LET WEL: DIE HANDELDRYF IN SEKERE DWELMS IS ‘N KRIMINELE OORTREDING. INDIEN
ENIGE LEERDER DAARVAN VERDINK WORD, OF BETRAP WORD, DAT HY/SY ONWETTIGE
DWELMS VERHANDEL, SAL DIE SKOOL ONDERSOEK INSTEL EN INDIEN NODIG, DIT NA DIE
OWERHEDE (SANAB, SAPD, ENS.) VERWYS, WAARNA DIE NORMALE GEREGTELIKE
PROSES SY GANG SAL GAAN.
Optrede/stappe deur die skool geneem
Die volgende prosedures moet gevolg word wanneer „n leerder nog nie voorheen aan „n ernstige klag
van wangedrag skuldig bevind is nie:
LET WEL: HIERDIE IS NIE ‘N PROSES VAN VIKTIMISASIE NIE, MAAR ‘N EERLIKE POGING OM
‘N LEERDER IN ‘N KRISIS OP ‘N VROEë STADIUM TE IDENTIFISEER. UITGESOEKTE KUNDIGE
PERSONEELLEDE SAL DIE ONDERSOEK WAARNEEM EN PROFESSIONELE HULP INROEP
INDIEN NODIG.
ALKOHOL / DWELMS
Indien daar enige vermoede bestaan dat „n leerder onder die invloed van drank is gedurende skoolure
of by „n skoolfunksie, sal hy/sy die geleentheid gegun word om sy/haar onskuld te bewys deur middel
van „n bloed-alkoholtoets. Die ouers/voogde sal in kennis gestel word en moet die leerder vir „n bloedalkoholtoets
by hul huisdokter of by „n dokter wat deur die skool aangewys is, neem. Indien „n leerder
sou weier om hom/haar te laat toets (of om saam te werk), sal die riglyne soos uiteengesit in die
Gedragskode gevolg word.
Ouers/voogde sal verantwoordelik gehou word vir alle koste gedurende „n dwelm-/alkoholverwante
voorval aangegaan (toetse, buiteprogramme, mediese behandeling, ens.) tensy alternatiewe reëlings
met die skool getref is.
„n Kontrak sal tussen alle betrokke partye opgestel word. Die kontrak moet die volgende bepaal:
- Die behandelingsopsies waarop deur alle betrokke partye besluit is,
- dat toetsing (urine of enige ander toetsing nodig geag deur die skool) op „n ad hoc basis
deur die huisdokter of deur „n dokter/kliniek wat deur die skool benoem is, moet geskied,
11

- dat van die leerder verwag word om in gedrag, prestasie, ens. te verbeter,
- dat die ouer/voog die behandelingsinstansie, indien enige, moet goedkeur en die skool
van vorderingsverslae moet voorsien,
- dat die inhoud van die kontrak aangepas kan word na onderhandelinge met die betrokke
partye,
- dat, indien die ouer/voog en/of leerder dit op hulleself neem om die behandeling te staak,
die skool die kontrak as opgeskort sal beskou en van die leerder verwag kan word om die
skool te verlaat.
Die skool hou die reg voor om aan te beveel dat, indien dit in die belang van die leerder en/of die
skool is, die leerder êrens anders verwys kan word om sy/haar onderrig te voltooi.
Dissiplinêre sake sal steeds as sodanig behandel word en sal saam met die Gedragskode in
aanmerking geneem word.
REHABILITASIE EN ONDERSTEUNINGSGROEPE
Indien „n ouer/voog die skool nader, of „n leerder meld uit sy/haar eie aan om hulp, sal die geleentheid
vir rehabilitasie van die leerder toegelaat word onder die volgende voorwaardes:
- hy/sy moet gebruik onmiddellik staak,
- hy/sy moet „n rehabilitasieprogram volg – die skool moet op hoogte gehou word van die
Plek en die tydsduur van die program. Die leerder kan vir „n maksimum van ses weke
verskoon word as hospitalisasie vir rehabilitasie nodig geag word,
- die tydsduur vir rehabilitasie mag verskil. Die skool en alle betrokke partye moet saam
besluit oor die tyd wat toegelaat sal word vir hospitalisasie of behandeling,
- hy/sy moet weeklikse/maandelikse bloed – en/of urinetoetse ondergaan. „n Afskrif van
die toetsresultate moet aan die skool gestuur word,
- die toetse moet vir „n tydperk wat deur die skool en die betrokke dokters vasgestel is
voortgesit word, selfs nadat die toetse negatief is, totdat die skool tevrede is dat die
verslawing
verbreek is,
- „n kontrak moet tussen alle betrokke partye opgestel word.
Indien so „n leerder weer skuldig bevind word aan alkohol- of dwelmmisbruik, sal daar onmiddellik
stappe vir die uitsetting van die leerder geneem word.
Die skool sal „n koördinerende en besturende rol in die daarstelling van rehabilitasieprogramme en
ondersteuningsgroepe vir leerders en ouers speel.
Die skool erken dat vertroulikheid belangrik is en sal daarna streef om onderwyserbetrokkenheid by
probleemgevalle te beperk.
12

DIE DEURSOEK VAN LEERDERS
Waar „n personeellid in „n gesagsposisie met billike rede vermoed dat „n leerder „n verbode middel in
sy/haar besit het, mag die persoon, wat aangewys is tot daardie posisie, die leerder se besittings en
sluitkassie deursoek. Sou so „n soektog nodig blyk te wees, moet dit in die teenwoordigheid van die
betrokke leerder sowel as „n tweede volwassene plaasvind.
TOETSING
Waar „n personeellid in „n gesagsposisie met billike rede vermoed dat „n leerder onder die invloed van
„n verbode middel is, kan die leerder onmiddellik na die persoon wat vir dié doel aangewys is, vir
toetsing gestuur word.
DEFINISIES
Dwelms: „n Dwelm word algemeen beskou as enige middel wat die normale manier waarop die
liggaam of brein funksioneer, verander.
13
Dwelms wat maklik verkrygbaar is, sluit in:
- Voorskriftelike en oor-die-toonbank medisynes
- Tabak en alkohol
- Oplosmiddels, petrol, gom, chemiese agente, verdunmiddels, ens.
- Onwettige dwelms soos Cannabis, LSD, heroïen, kokaïen, amfetamiene,
MDMA, ens.
Handeldryf: Verkoop, uitruil, verskaffing, verhandeling, verspreiding, ens.

14
DETENSIE
Leerders kan op detensie geplaas word wanneer enige wanordelike gedrag plaasvind. Detensie kan
ook gegee word vir enige herhalende gedrag wat by „n leerder voorkom bv. drie keer nie huiswerk
gedoen nie. „n Geringe eerste oortreding is nie detensiemateriaal nie.
Detensie is „n strafmaatreël wat leerders wil aanspoor om onafhanklik te werk en verantwoordelikheid
vir hul optrede te aanvaar.
PROSEDURE:
Die betrokke leerder(s) se naam word in die detensieboek (in werkskamer) geskryf.
Leerkragte moet die name voor die einde van Vrydag en/of Dinsdag in die detensieboek
skryf.
Die graadhoof moet die leerder(s) betyds van die detensie inlig – ten minste 24 uur voor
die aanvang van die detensie. Gebruik detensiebriewe waarop leerders teken.
Die departementshoof: Dissipline kontroleer die volgende dag of die betrokke leerder(s)
wel opgedaag het – indien nie moet dit opgevolg word.
Oortreders mag net by die graadhoof om uitstel vra. Enige ernstige gevalle moet deur die
Departementshoof: Dissipline hanteer word. „n Skriftelike verskoning (vanaf die
ouers/voog) – wat geldig is - is al wat aanvaar word. Vervoer is nie 'n geldige verskoning
nie!
Leerders wat aan sport deelneem, moet self by die afrigter „n verskoning gaan aanbied.
Sport sal nie as „n verskoning aanvaar word nie.
Die detensiebeleid moet aan die begin van die akademiese jaar deur die registerpersoneel
met die leerders behandel word.
DETENSIEKLAS:
Detensieklasse is Maandae en Woensdae vanaf 14:30 – 16:00. Die lokaal sal aan die
einde van die dag, wanneer die name van die detensieleerders uitgeroep word,
aangekondig word.
Detensie begin STIPTELIK om 14:30. Laatkommers sal weer gestraf word. Hulle moet voor
die tyd badkamer toe gaan, eet, ens.
Daar sal absolute stilte in die detensieklas wees – GEEN gesels nie!
Niemand mag die lokaal gedurende die detensieklas verlaat nie.
Geen ander leerders word in die lokaal toegelaat nie.
Leerders wat vervoerprobleme ondervind, moet hul eie reëlings tref – detensie is „n straf.
Wangedrag tydens detensie sal nie geduld word nie en die prosedure soos uiteengesit in
par. 1.14 sal gevolg word.

ADDENDUM B (Gedragskode)
AMPTELIKE KLEREDRAG- EN SPORTDRAGKODE
VIR LEERDERS VANAF GRAAD 1 – 12
1. AMPTELIKE SKOOLDRAG
Die onderstaande items mag slegs by ons eie verskaffer aangekoop word.
Gingham langmou en kortmou hemde
Khaki bermuda kortbroeke (seuns)
Khaki chino langbroeke (seuns)
Vlootblou (Navy) rompe
Vlootblou langbroeke (junior en senior dogters)
Vlootblou broekrompe ("skorts") vir Graad 1 - 7
Vlootblou trui met Curro wapen
Vlootblou "fleecy" top met Curro wapen
Lang, vlootblou sokkies (seuns en dogters)
Curro pet en hoed (opsioneel)
Curro skoolbaadjie en das
Curro reënbaadjie
Matriektop
Die onderstaande items is by ons eie verskaffer beskikbaar, maar kan by ander verskaffers
aangekoop word:
Vlootblou skoolsykouse vir dogters (winter)
Wit, kort sokkies vir dogters (somer)
Vlootblou of swart gordel met 'n gewone gespe
Vlootblou of wit eenkleurige serpe en vlootblou handskoene
Swart, leer skoolskoene met veters vir seuns en swart, leer skoolskoene vir dogters
Swart sandale (slegs vir laerskoolleerders)
2. AMPTELIKE SPORTDRAG
Wit gholfhemde
Wit T-hemp
Vlootblou Quantec kortbroek
Quantec sweetpak (gr 1 - 12)
Rugbytrui en vlootblou rugbybroek
Span sportdrag soos goedgekeur deur Uitvoerende Bestuur
15

3. KLEREDRAGKODE: NETHEID EN TROTS IS VIR ONS `N BAIE HOë PRIORITEIT.
DIT KWEEK `N POSITIEWE SELFBEELD.
Die baie belangrike beginsel van "wat pas by `n skooluniform" moet te alle tye geld.
- Leerders mag slegs kombinasies van skooldrag dra soos u dit vind in die lys van amptelike,
formele skooldrag.
- Die seuns en dogters se langbroeke moet perfek om die heupe pas - die "crotch" van die
langbroek mag nie tussen die bene hang nie. Die broekspyp moet netjies op die skoene pas.
- Die seuns moet „n vlootblou of swart gordel met „n gewone gespe dra.
- Slegs swart skoolskoene vir beide seuns en dogters word toegelaat.
- Swart leer- of seilsandale mag SLEGS deur leerders in die laerskool gedra word. Sandale
moet bande om die hak hê. Geen plakkies word toegelaat nie.
- Leerders vanaf Graad 1 - 12 mag nie kaalvoet skool toe kom nie.
- Ginghamhemde by die seuns moet TE ALLE TYE ingesteek wees. A.g.v. die ontwerp mag
dogters hul somer- en winterginghamhemde oor hul rompe en langbroeke laat hang.
- Geen onderklere mag onder die skooluniform uitsteek nie.
- Skoolsweetpakke is sportdrag en mag nie as formele skooldrag gedra word nie.
- Die skool T-hemde en die Quantec kortbroeke is nie deel van die formele skooldrag nie en
mag daarom slegs tydens sportafrigting /-wedstryde gedra word.
- Geen T-hemde mag onder skooldrag gedra word nie.
- Wanneer die skoolhemp se moue opgerol word, word dit tot by die elmboog opgerol.
- Dogters mag nie hulle rompe by die middel oprol nie.
- Die rompsoom mag nie meer as 10cm bo die knie hang nie.
- Die skoolbaadjie is verpligtend by alle amptelike geleenthede soos bv saalopeninge, die
prysuitdeling en uitstappies.Dra van die das is opsioneel.
4. JUWELIERSWARE
4.1 Seuns
- Polshorlosies en "medic-alert" armbande kan gedra word. Geen ander juweliersware mag
gedra word nie.
4.2 Dogters:
- Polshorlosies en "medic-alert" armbande kan gedra word. Die dra van oorbelle is toelaatbaar.
Slegs EEN oorbel per oorlob en dan slegs 'n goue of silwer of kleurlose diamantè oorknoppie
of – ringetjie (lg met `n maksimum van 15 mm in deursnee ) word toegelaat.
16

5. HARE:
- Netjiese, goedversorgde hare voltooi die prentjie van „n trotse Curroleerder wat „n goeie
selfbeeld het en wat goed voel oor sy/haar skool.
Seuns
- Hare moet 'n NETJIESE, GESTILEERDE, KORT VOORKOMS hê en te alle tye skoon wees.
- Dit moet gekam wees en mag nie snaakse style op die kop vertoon nie.
- Hare mag nie in die oë hang, oneweredig gesny of met iets vasgesteek wees nie.
- Hare mag nie in vreemde style gejel word nie - veral nie om die lengte daardeur te verdoesel
nie.
- Hare wat oor die ore en oor die kraag hang, is te lank.
- Hare mag nie gekleur word nie.
Dogters
- Hare wat langer as skouerlengte is, moet vasgemaak word met slegs donkerblou of wit
knippies/rekkies/bykomstighede.
- Langer hare mag nie in die oë hang nie - dit moet of agtertoe gebind word met 'n vlootblou of
wit haarband,`n rekkie, `n knippie of in 'n poniestert gedra word.
- Gekleurde hare wat abnormaal afwyk van die natuurlike haarkleur ( bv. wit kolle of -strepe of
onnatuurlike kleure soos oranje, blou, ens,) is ontoelaatbaar.
6. BAARD
- Seuns moet elke dag skoongeskeer wees. Lang wangbaarde en snorre is ontoelaatbaar.
Wangbaarde mag nie laer as die oorholte wees nie.
7. GRIMERING (DOGTERS)
- Grimering pas nie by skooldrag nie. Lang naels, naelkleure en Franse manikure is nie
toelaatbaar nie.
DIE REKTOR OF SY GEDELEGEERDE BEHOU HOMSELF DIE REG VOOR OM IN
GEVALLE VAN ONDUIDELIKHEID, 'N FINALE BESLISSING TE VEL.
17