You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
espek wat aan ‘n persoon op grond van sy persoonlike vermoëns en sy<br />
prestasie in ‘n spesifieke rol toegeken word, staan as agting bekend. Prestige<br />
en agting is normaalweg in die praktyk onlosmaaklik gebonde en persone<br />
word op grond van beide geëvalueer en in rangorde geplaas.<br />
Na die plek wat ‘n persoon in hierdie rangorde beklee, word daar verwys as sy<br />
status in die samelewing. Die status van ‘n persoon behels dus beide sy<br />
prestige op grond van ‘n pos wat hy beklee en agting wat hy op grond van<br />
persoonlike kwaliteite en prestasie verwerf. Die blote feit dat ‘n persoon ‘n hoë<br />
posisie of pos beklee, is daarom geen waarborg van status nie.<br />
2.8. Gelykheid en Gelykwaardigheid.<br />
Sosiale stratifikasie behels in essensie ‘n sisteem van ongelykheid. Waar<br />
binne ‘n samelewing verskillende status, met verskillende regte, voorregte en<br />
verpligtinge, aan lede toegeken word, word ongelykheid geïmpliseer. ‘n<br />
Ongekwalifiseerde aanspraak dat alle mense gelyk is, kan sosiologies nie<br />
aanvaar word nie. Indien met gelykheid die beginsels van gelykwaardigheid,<br />
gelykberegtiging en kansgelykheid bedoel word dan is alle mense wel gelyk.<br />
Binne enige samelewing is absolute en ongekwalifiseerde gelykheid ‘n<br />
teenstelling in terminus. In die ware demokrasie word nie net die<br />
gelykwaardigheid van mense nie maar ook die ongelykhede tussen mense<br />
erken en geëerbiedig. Alhoewel alle mense gelykwaardig is, beskik hulle nie<br />
oor gelyke vermoëns en talente nie en kan daarom ook nie in ‘n gelyke mate<br />
tot die samelewing bydra nie. Binne ‘n demokrasie bestaan daar ‘n kosbare<br />
historiese, maatskaplike, politieke en ekonomiese tradisie waardeur harde en<br />
toegewyde werk aangemoedig word en waarin daar geglo word dat prestasie,<br />
beloning, uitmuntendheid en status die regverdige beloning is van diegene wat<br />
dit verdien. Ten opsigte van gelykwaardigheid, gelykberegting en<br />
kansgelykheid behoort alle mense wel as gelyk beskou en behandel te word.<br />
22
Change language