Create successful ePaper yourself
Turn your PDF publications into a flip-book with our unique Google optimized e-Paper software.
Gewoonlik gaan dit ook met ‘n hoë koors, blosende vel, bewerige hande,<br />
gesigspiere en tong, en oormatige sweetafskeiding gepaard. Fisiese swakheid,<br />
hiperaktiewe reflekse en ‘n waggelende stap kom ook voor. Weens<br />
ontwatering kan konvulsies (sametrekkings) en selfs die dood volg.<br />
Sielkundige simptome behels: verwardheid, swak bewussyn, angs en<br />
disoriëntasie ten opsigte van tyd en plek maar nie identiteit nie. Die mees<br />
dramatiese simptome is hallusinasies wat meestal visueel en taktueel (tassintuig)<br />
is. Die pasiënt sien byvoorbeeld slange, spinnekoppe en wilde diere<br />
en voel hoe hulle oor sy vel kruip. Hy slaan en krap vrugteloos om hulle van sy<br />
vel af te kry. Indien ouditiewe hallusinasies voorkom, is dit gewoonlik van ‘n<br />
dreigende aard en homoseksuele inhoud.<br />
5.4.3.3. Alkoholiese Hallusinasies.<br />
Alkoholiese hallusinasies is gewoonlik akuut maar indien dit langer as ‘n paar<br />
weke aanhou, kan dit ook as chronies beskou word. Die hoofkenmerk is<br />
hallusinasies wat sonder verwarring, disoriëntasie en waanbeelde gepaard<br />
gaan. Die hallusinasies is meestal ouditief en behels beledigende,<br />
beskuldigende en benadeelde opmerkings wat ook dikwels ‘n homoseksuele<br />
ondertoon het. Op stadiums kan die pasiënt selfs die vermeende beskuldiger<br />
aanval. Die hallusinasies toon ‘n groot ooreenkoms met paranoïde skisofrenie<br />
en die vermoede bestaan dat alkohol misbruik ‘n onderliggende<br />
skisofreenagtige proses aan die gang sit.<br />
5.4.3.4. Alkoholiese Agteruitgang.<br />
Chroniese alkoholiste toon met verloop van tyd ‘n progressiewe liggaamlike<br />
en sielkundige agteruitgang. Die sielkundige agteruitgang kan wissel van<br />
geringe persoonlikheidsveranderinge tot swaksinnigheid. Alkoholiese<br />
agteruitgang kom dikwels by mans en vroue voor wat gereeld oor ‘n tydperk<br />
van etlike jare gedrink het. Alhoewel hulle nooit vir ‘n tydperk ‘n ernstige<br />
drankprobleem en ander verwante probleme gehad het nie, tree daar ‘n<br />
geleidelike agteruitgang in. Die agteruitgang van veral senu-selle spruit<br />
57