Create successful ePaper yourself
Turn your PDF publications into a flip-book with our unique Google optimized e-Paper software.
3.2.3.1. Oorsprong en Ontwikkeling van die Staat.<br />
Die vroeë mens het ‘n nomadiese of swerwersbestaan gevolg. Met verloop<br />
van tyd het die mens hom op een plek gevestig ten einde hom van ‘n vaste en<br />
gereelde voedselvoorraad te verseker. Die mens het die landbou en<br />
veeboerdery begin beoefen. Instellings soos die uitgebreide familie het uit die<br />
basiese gesin ontstaan. Gaandeweg het groter groepe mense of instellings<br />
ontstaan.<br />
Die volgende faktore het tot die ontstaan van kultuurgroepe of beskawings<br />
gelei:<br />
• Landbou – as die intensiewe bebouing of benutting van ‘n afgebakende<br />
grondgebied.<br />
• Die behoefte aan deeglike organisasie en dissipline.<br />
• Ekonomiese noodsaak as die verkryging van lewensmiddele.<br />
• Verdediging van belange.<br />
• Strewe na uitbreiding, verowering en onderwerping.<br />
• Onderwerping aan een of ander vorm van godsdienstige gesag.<br />
‘n Instelling of organisasie ontstaan wanneer ‘n samestelling van groep<br />
oortuiginge en gelowe ontwikkel en aktiwiteite op ‘n permanente grondslag<br />
georganiseer word om in bepaalde groepbehoeftes te voorsien. Uit veral<br />
familie- en geloofsgroepe het die een of ander vorm van politieke of<br />
staatsorganisasie ontstaan. ‘n Staat is ‘n georganiseerde samelewing wat ‘n<br />
spesifieke gebied bewoon en oor die mag en gesag beskik om daardie gebied<br />
suksesvol te beheer.<br />
Beheer impliseer:<br />
- die vermoë om reëls of wette te maak<br />
- om dit af te dwing<br />
- en die gebied suksesvol teen aanvallers of indringers te verdedig.<br />
33