Create successful ePaper yourself
Turn your PDF publications into a flip-book with our unique Google optimized e-Paper software.
Afgesien van die voorafgaande nadelige gevolge wat die misbruik van alkohol<br />
op die misbruiker self het, is die mees tragiese dikwels die skade wat die<br />
alkoholis aan sy onskuldige gesins- en familielede aanrig. Indien die hoë<br />
persentasie motorongelukke waar drank ‘n rol gespeel het, in aanmerking<br />
geneem word, is dit duidelik dat alkoholisme ‘n bedreiging vir die hele<br />
gemeenskap waarin die alkoholis hom bevind, inhou.<br />
5.5. Dwelmafhanklikheid.<br />
Alkohol is ook ‘n dwelmmiddel en word as ‘n stimulant geklassifiseer. Van die<br />
oorsake en gevolge van alkoholisme wat in die vorige paragraaf beskryf is, kan<br />
net so op dwelmafhanklikheid toegepas word. Iemand wat ‘n dwelmmiddel<br />
anders as vir blote mediese redes gebruik, maak hom aan dwelmmisbruik<br />
skuldig. Tussen alkoholisme en dwelmmisbruik bestaan daar talle<br />
ooreenkomste en in ‘n bepaalde opsig is alkoholisme ook ‘n vorm van<br />
dwelmmisbruik. Die groot verskil is egter daarin geleë dat die gebruik en<br />
handel met dwelms deur die wet verbied word.<br />
Die wet verbied die gebruik van, handel dryf in en besit van gevaarlike en<br />
verbode gewoontevormende dwelms of plante waarvan so ‘n dwelm<br />
vervaardig kan word. Die straf vir die kriminele oortreding wissel van 2 tot 15<br />
jaar tronkstraf. In die bylae tot die wet word die volgende onder meer as<br />
verbode verklaar: cannabis (dagga), herion, LSD, opium, chlorodine, morfien,<br />
amobarbital, en pentobarbital. Gebruik van die middels is slegs wettig indien<br />
dit deur ‘n geneesheer, tandarts of veearts voorgeskryf is.<br />
Die misbruik van dwelms, verlig angs en depressie op ‘n tydelike basis maar<br />
los nie die persoon se onderliggende probleme op nie maar skep slegs<br />
verdere probleme. Dwelms is in die algemeen duurder as alkohol en die dwelm<br />
misbruiker het die addisionele probleem dat hy genoeg geld moet vind om<br />
dwelms onwettig te koop. Heel dikwels lei dit tot diefstal en prostitusie. Net<br />
soos by alkohol misbruik lei die gebruik van dwelms tot intoksikasie of<br />
bedwelming, toleransie as ‘n steeds toenemende behoefte aan groter<br />
hoeveelhede om dieselfde effek te verkry en onttrekkingsimptome as ‘n<br />
onaangename drang na dwelms.<br />
59