Kliek hier vir die 2012 joernaal - SA Stamboek

dormer 2012
24
boontjieskraal
In die skilderagtige Overberg in die Wes-Kaap, wat tradisioneel wolskaap wêreld is, word al
hoe meer met Dormers geboer.
Boontjieskraal Landgoed wie in 2007 die Nasionale Skaapboer
van die Jaar titel verower het, is geen uitsondering nie. Geleë
in die Caledon Distrik word daar met Dormers geboer en
kruisteling word ook toegepas met Dohne Merino ooie.
Die laaste klompie jare koop Boontjieskraal elke jaar ramme
op die Nasionale Dormer Veiling wat in Bloemfontein in
September gehou word. Dit sal vir die meeste kudde boere
snaaks wees dat ‘n kudde boer net stoetdiere aankoop by ‘n
Nasionale veiling, maar sê Richard Krige van Boontjieskraal,
“swak ramme gee swak lammers. Elke ram wat ons al op die
Nasionale veiling gekoop het, is sy gewig in goud werd”.
As jy met Piet de Wet wie die kudde bestuur op Boontjieskraal
praat kom jy gou agter dat hy ‘n gesoute skaapman is met jare
se ondervinding. Piet en Richard raak sommer opgewonde oor
die vooruitsigte en die potensiaal van die Dormer. Volgens Piet
is die Dormer een van die mees onderskatte rasse wat ‘n reuseinvloed
kan hê op die winsgewendheid van skaap vertakkings.
tans boer hulle met ‘n klein getal Dormer ooie en teel vir
hulself ramme wat gebruik word vir die kruisteel program op
hulle Dohne ooie. Ons dra geen sentiment teenoor ‘n seker ras
landgoed -
nie, die debat oor watter wolskaap die beste is is lank nie meer
relatief nie maar eeder die tipe wolskaap. Hier boer ons met ‘n
“Overberg-special” wat ‘n groot ram, gladde tipe met medium
fynwol het.
Die kruisings lewer lammers wat gesond is en vinnig groei. Die
kruis lammers groei gemiddeld 50 gram per dag meer as die
woltipe lammers en verhoog ons vleis inkomste.
tussen 76 en 84% van ons inkomste kom uit vleis en selfs met
die huidige oplewering in die wolmark weet ons nie vir hoe
lank ons nog met ‘n “wol tipe” skaap gaan kan boer nie. Dit
raak eenvoudig net te duur om wol te produseer gegewe die
inkomste verskil tussen vleis en wol. Boere word nie regmatig
vergoed vir die belegging wat in die wol gemaak word en
die proteïen wat in wol moet ingaan nie. Die onderhouds
behoefte van ‘n “woltipe” skaap is eenvoudig net baie hoër as
‘n Dormer. Verder kan die speen persentasie van die wol tipes
net nie kompenteer met die van ‘n suiwer Dormer nie. Op ‘n 18
maande lamstelsel kan ‘n Dormer maklik 130% speen per lam
per keer wat op ‘n jaar grondslag van 195% neerkom. Sonder
om na Lammerhokkies toe te beweeg of met die hulp van
dragtige merrieserum (DMSG), en reuse hoeveelhede kos is dit
net nie met woltipes moontlik nie.
Die Dormer pas maklik aan in ons omgewing en met ons
beskikbare voer en weidings op ‘n intensiewe stelsel is hy besig
om ons winsgewenheid te verhoog sê Piet. Die lammers is
klein met geboorte maar is lewenskragtig, die ooie het baie
melk en gevolglik groei die lammers vinnig. Die oorlewerings
persentasie van die lammers is uitstekend. Met die regte voer
kry ons lammers wat swaar weeg en nog baie goed gradeer
en bemarking is gewoonlik by vier en ‘n half maande met ‘n
gemiddelde karkas gewig van 22.5kg.
Die September Dohne/Dormer kruis lammers van 2011 het
bestaan uit 1003 lammers wat bemark is. Die aanvangsmassa
word as 0kg beken. Die bemarkingsouderdom was 151.18 dae
vanaf die begin van lam; die ramme het 34 dae by die ooie
geloop. Lewendige massa was 51.38kg gemiddeld met ‘n
karkas gewig van 25.18kg. Die uitslag persentasie was 49%.
Die gradering was 96% A2/A3 en die lammers het die ooi en
ram lammers ingesluit, al die swak lammers en krummels. Die
GDt met aanvangs gewig van 0kg was 339g per dag vir die
hele trop. As u die lammers se geboortegewig as 5kg neem is
dit 306g per dag!
deur Richard Krige