Kliek hier vir die 2012 joernaal - SA Stamboek

dormer 2012
58
Kampioen-boeredag
by die Bam-broers van Aan-De-Vallei Dormers
as die bywoning en belangstelling van die boeredag wat op 29 Junie by die Bam-broers van Wakkerstroom gehou
is, enige aanduiding is, dan gaan skaapboerdery ‘n baie opwindende nuwe rigting inslaan. Boere en vriende van
sover as Swellendam het gesorg dat hierdie een van die grootste en mees suksesvolle boeredae in Voermol se
geskiedenis was; meer as 470 mense het die dag bygewoon.
Die sprekers was dr. Jasper Coetzee van Voermol, dr. Faffa
Malan namens Pfizer, dr. Johan Steyn en Hendriëtte Stafford
van Ramsem en Dolf Bam van Aan-De-Vallei Dormers. Al die
sprekers het gefokus op die tema van die dag, naamlik hoe
om maksimum wins uit skaapboerdery te verkry.
Dr. Jasper Coetzee se lesing het oor "Voer skape vir volgehoue
produksie en wins" het voeding as die belangrikste
bestuursaspek van skaapboerdery beklemtoon. Dr Coetzee
se ondervinding en navorsing in die voeding van skape het
gehelp om die groot gehoor vir langer as ‘n uur en 'n half
vasgenael te hou.
Pfizer, een van die medeborge van die dag, is deur dr. Faffa
Malan verteenwoordig. Hy het Pfizer se nuwe doseermiddel,
Startect, bekendgestel en oor die bestuur en doeltreffende
bekamping van wurms en parasiete in skape gesels.
Dr. Johan Steyn van Ramsem is verantwoordelik vir die
sinchronisasie, laparoskopie en inseminasie van Aan-De-Vallei
Dormers se ooie. Hendriëtte Stafford het al hierdie prosesse
aan die teenwoordiges verduidelik.
Die hoogtepunt van die dag was toe Dolf Bam die boerdery
se lamhokstelsel aan boere verduidelik het. Die Bam-broers
se 1800 ooie word in groepe verdeel sodat elke maand,
vir tien maande van die jaar, ongeveer 250 ooie op 'n keer
in lamhokke lam. In hierdie stelsel word bestuur, voeding
en teling optimaal benut en geïntegreer om uitstekende
resultate te lewer. Die gemiddelde speenpersentasie van die
kudde is 225 %.
Ooie word gesinchroniseer om almal binne ‘n week
in lamhokke te lam. Die lammers word op 60 tot 70
dae ouderdom gespeen en dan afgerond en bemark
as slaglammers. Die stelsel wat deur Aan-De-Vallei
toegepas word is uniek, iets wat duidelik geblyk het uit die
belangstelling in die boeredag.
Belangstellendes kon die lamhokke na die bespreking besoek.
Die dag is só beplan dat die lamhokke vol ooie met lammers
was.
Die dag is afgesluit met heerlike boerekos en ‘n paar koue
verversings.
Opregte dank aan Dolf en thys Bam van Aan-De-Vallei
Dormers, die gashere vir die uitmuntende dag, en ook aan al
die borge wat die dag moontlik gemaak het – Voermol Voere,
Pfizer, Ramsem, BKB Louwid, Landbank, BKB Amersfoort,
Ermelo toyota, Pieter van der Watt, Hotgroup, NWKV,
Landbouweekblad en Hansjurie Vosloo van V-tech trailers.
Foto met besoekers: Die sowat 470 besoekers by die boeredag
het vasgenael gesit tydens die sprekers se interessante
aanbiedings
Met
VOERMOL
MAXIWOL
Kyk jy nie terug nie
• Voorsien 'n hoë vlak van
deurvloeiproteïen, energie,
minerale en spoorminerale
• Bevorder winsgewende
produksie van vleis, wol
en vesel
• Stimuleer uierontwikkeling
en verhoog gevolglik biesen
melkproduksie
• Is melassegebaseer wat
smaaklikheid bevorder en
dus goeie inname verseker
DOELTREFFENDE SKAAPBESTUURSPROGRAM
VIR HOOGS WINSGEWENDE SKAAPBOERDERY
• 'n Basiese Skaapbestuursprogram vir elke spesifieke plaas is nodig om 'n hoogs winsgewende
skaapboerdery te verseker.
• Om maksimum wins te genereer, moenie op enting, dosering en voer bespaar nie (Vizard, 2002).
• Die nuutste praktyke wat korrek toegepas word lei tot superieure diereprestasie en hoë winsgenerering.
Vir verdere inligting en voordele besoek
http://www.voermol.co.za/af/news/tegniese/default.aspx
Maxiwol Konsentraat, Regnr. V4985, Maxiwol Produksiekorrels, Regnr. V15415, Maxiwol Readymix, Regnr. V7815,
Maxiblok, Regnr. V17424 (Wet 36/1947). Registrasiehouer: Voermol Voere (Edms) Bpk., Posbus 13, Maidstone, 4380.