Kliek hier vir die 2012 joernaal - SA Stamboek

dormer 2012
32
mnr IL Ferreira (oom Leep), bekende
Veekundige en Boumeester van
die Dormerras is op 23 November
2011 in die ouderdom van 89 jaar oorlede.
Oom Leep het die graad B.Agric in 1944 aan die Universiteit
van Stellenbosch behaal. Hy het in 1945 by die Elsenburg
Lanboukollege begin waar hy gemoeid was met navorsing,
bedryfsvoorligting en seleksie en teling van Percheron perde,
Fries- en Jerseybeeste, asook verskillende skaaprasse. Hy het
landwyd bekendheid verwerf as keurder van die rasse.
In 1968 is hy aangestel as verantwoordelike beampte op die
Outeniekwa proefplaas by George. Hy het ‘n aantal Dormers
uit die Elsenburgstoet met hom saamgeneem om daar die
Outeniekwa Dormerstoet te begin en daardeur die Dormerras
in daardie deel van ons land bekend gestel.
Die eerste Dormerveiling van die Elsenburgstoet het in 1947
plaasgevind en daarna jaarliks, behalwe in 1969 toe al die
Dormers vir ‘n proef nodig was. Die gemiddelde verkoopprys
op die eerste veiling was R15-00 gemiddeld vir ramme. Diere
van die Outeniekwa Stoet is ook op hierdie veilings aangebied
(kenmerkletter O).
In 1971 is oom Leep as hoof opleidingsbeampte by Elsenburg
Landboukollege aangestel. Met sy intense belangstelling,
besondere kennis en praktiese aanvoeling sou hy vir nog ‘n
verdere 10 jaar die Elsenburg kuddes tot groot hoogtes lei. Hy
het sy kennis gedeel met boere van die Winterreënstreek waar
hy gereeld as beoordelaar van verskeie rasse opgetree het by
skoue, as adviseur by veilings en as kursusleier by kort kursusse.
Dormers se
“Boumeester”
oorlede
– erika hanekom
Onder sy leiding het die Elsenburgkuddes ook dikwels aan
plaaslike skoue deelgeneem.
‘n Heel besondere en welverdiende eer het hom in 1981
te beurt geval toe hy ‘n silwer medalje van SA Stamboek
ontvang het ter erkenning van buitengewone prestasie op
die gebied van diereproduksie, maar veral vir sy jarelange
aandeel in die ontwikkeling van die Dormerras. Na sy
aftrede het hy hom in Stellenbosch gevestig. Hy het egter
sy belangstelling in die Dormerras, maar ook ander rasse
behou en is hy in sy privaat hoedanigheid steeds betrek deur
die Universiteit van Stellenbosch, boere en ander instansies.
Ons Dormertelers is bevoorreg dat so ‘n toegewyde, beskeie
persoon die “bouer” van ons ras kon wees. Hy was lid van die
eerste bestuur van die Dormer Skaaptelersgenootskap wat op
19 Oktober 1965 gekies is. Hy het ook vanaf 1967 tot 1973
as Sekretaris op die Dormerraad gedien en was een van die
drie raadslede wat samesprekings met SA Stamboek gevoer
het om die Dormer as ras te laat registreer, wat wel in 1975
gebeur het.
Met groot liefde en toewyding het hy die ontwikkeling
en bevordering van die Dormerras sy erns gemaak. Baie
studente en boere kon die voorreg smaak om deur hom
onderrig te word in ras eienskappe en beoordeling en ons
het hierdie kursusse herhaaldelik bygewoon al het ons
vantevore geslaag. Dit was ook vir my ‘n besondere voorreg
om vir etlike jare tot sy aftrede en ook daarna saam met hom
Dormer kursusse te kon aanbied.
Ons is dankbaar en trots dat deur oom Leep se bydrae
die Dormerras tot een van die gewildste vleisrasse in SA
ontwikkel het. Ons eer sy nagedagtenis en sal voortbou op
dit wat vir ons nagelaat is.
TOP 3
D O R M E R S
Andrew Jordaan & Seuns
SPEKBOOMBERG • POSBUS 438 • CRADOCK • 5880
Ons missie
in ons stoetery is om ramme te teel met goeie
balans, goeie bouvorm en hoë vrugbaarheid.
Ons visie
is om teelmateriaal
aan stoet-en kudde
boere te voorsien wat
ekonomies doeltreffende
vleisproduksie kan
bevorder.
ANDREW JORDAAN 082 8555 604
andrewjnr@r63.co.za | www.andrewjordaanenseuns.co.za