CURRO AFR SEPT

Boodskap uit
DIE KANTOOR
“If we had no winter, the spring
would not be so pleasant.”
- Anne Bradstreet*
So vinnig soos wat die somer
vanjaar gearriveer het, net so
vinnig het ons aan die einde
van kwartaal drie gekom.
Ek bedank graag elke ouer,
leerder en onderwyser vir
jul toewyding en harde werk
gedurende die afgelope
kwartaal. Ons was werklik
geseënd met uitsonderlike
prestasies op alle terreine van
ons skoollewe. Ek verleen
graag erkenning aan ons
leerders wat ure en ure se
harde werk met hul akademie
insit en wens dan ook graag
vir Chantal van Rooyen (gr.
11) en Kiana Venter (gr. 12),
baie geluk met uitsonderlike
akademiese prestasies.
Beide van hulle is tans onder
die Top 20-leerders in die
Curro-groep. Baie geluk!
Ek wens ook graag mnr.
Dirk Steenkamp van ons
hoërskool baie geluk met sy
onlangse aanstelling as Curro
Vakspesialis vir Toerisme
binne die groep. As leier van
die vak Toerisme in Curro is
dit ’n stille getuienis van die
kwaliteit van onderwysers wat
ons by Roodeplaat het. Baie
geluk Dirk! Baie geluk aan
Derik Heyl en Chantal van
Rooyen met hul verkiesing
tot onderskeidelik hoofseun
en hoofdogter. Ons sien uit
na jul termyn as leiers van
ons hoërskool.
Die bouwerk aan ons nuwe
hoërskool nader nou die finale
fase en die verskuiwing van
die voorste heining sal tot die
voltooiing van die sportveld
en atletiekveld lei. Ons is
tans ook in onderhandelinge
oor die opgradering van ons
sportveld by die laerskool.
As ’n loodsprojek word
daar geëksperimenteer
met vloeibare kunsmis om
vinniger groei te aktiveer.
Ons hokkieveld is ’n groot
bekommernis en ek doen
alles in my vermoë om die
oppervlakte van die veld
oor te doen. Die terugvoer
van ons ouers rakende
fondsinsamelings en die
spandering van fondse, het
aangedui dat ’n dak oor die
pawiljoen prioriteit is. Baie
dankie aan elke ouer en
leerder wat deelgeneem
het aan die kaskardagfondsinsameling.
Ek herinner ook graag
al ons ouers aan die
herregistrasieproses sowel
as die kontrakte wat voor
20 September by die skool
ingegee moet word – baie
dankie aan al ons ouers wat
reeds hierop gereageer het. As
bestuur het ons ’n paar weke
gelede ’n baie suksesvolle
beplanningsnaweek gehad.
Opwindende planne is
gemaak en ek sal in komende
maande die gordyn so bietjie
hieroor lig sodat u kan sien
wat om in 2018 te verwag!
Ek wens graag al ons families
en onderwysers alles wat
mooi is toe gedurende die
vakansie. Mag God u en u
geliefdes ryklik seën! Ons
gr. 12-personeel en leerders
gaan in die vakansie met
ons lenteskool die laaste
voorbereidings doen met
die oog op die komende
eindeksamen – sterkte, julle
sal die vrugte gedurende jul
laaste skooleksamen pluk!
Ferdi Niemand
*Engelse digter van Noord-
Amerika
KWARTAAL 3 Designed by sales-squad.com
3